Ex-serviceman Photos Accusations  

ਤਰਨ ਤਾਰਨ: ਤਰਨ ਤਾਰਨ ਦੇ ਪਿੰਡ ਨੂਰਦੀ ਦੇ ਸਾਬਕਾ ਫੌਜੀ ਵੱਲੋਂ ਕਤਲ ਕੀਤੇ ਗਏ ਮੁੰਡਾ ਦਾ ਮਾਮਲਾ ਲਗਾਤਾਰ ਗਰਮਾਉਂਦਾ ਜਾ ਰਿਹਾ ਹੈ ਜਿਸ ਤੋਂ ਬਾਅਦ ਹੁਣ ਜਿਸ ਨੌਜਵਾਨ ਤੇ ਤਸਵੀਰਾਂ ਖਿੱਚਣ ਦੇ ਇਲਜ਼ਾਮ ਲੱਗੇ ਸੀ ਉਹ ਵੀ ਸਾਮਹਣੇ ਆ ਗਿਆ ਜਿਸ ਨੇ ਤਸਵੀਰ ਖਿੱਚਣ ਬਾਰੇ ਦੱਸਦੇ ਹੋਏ ਵੱਡਾ ਖੁਲਾਸਾ ਕੀਤਾ ਹੈ।

ਉਸ ਨੇ ਦਸਿਆ ਕਿ ਉਸ ਦਾ ਸਾਬਕਾ ਫ਼ੌਜੀ ਨਾਲ 2 ਸਾਲ ਤੋਂ ਝਗੜਾ ਚੱਲ ਰਿਹਾ ਸੀ ਤੇ ਉਸ ਨੇ ਉਸ ਤੇ ਨਾਜਾਇਜ਼ ਪਰਚਾ ਵੀ ਕਰਵਾਇਆ ਸੀ। ਉਹ ਉਹਨਾਂ ਖਿਲਾਫ ਗਲਤ ਬਿਆਨ ਬਾਜ਼ੀਆਂ ਵੀ ਦਿੰਦਾ ਰਹਿੰਦਾ ਸੀ ਇਸ ਲਈ ਉਹਨਾਂ ਵਿਚ ਅਣ-ਬਣ ਰਹਿੰਦੀ ਸੀ।

ਨੌਜਵਾਨ ਨੇ ਇਸ ਦੀ ਸ਼ਿਕਾਇਤ ਸਰਪੰਚ ਕੋਲ ਕੀਤੀ ਸੀ ਪਰ ਉਸ ਦੀ ਕੋਈ ਸੁਣਵਾਈ ਨਹੀਂ ਹੋਈ ਤੇ ਉਹਨਾਂ ਵਿਚ ਝਗੜਾ ਜ਼ਿਆਦਾ ਵਧ ਗਿਆ ਤੇ ਫ਼ੌਜੀ ਨੇ ਉਸ ਤੇ ਪਰਚਾ ਕਰਵਾ ਦਿੱਤਾ ਸੀ। ਫਿਰ ਐਸਐਸਪੀ ਨੇ ਫ਼ੌਜੀ ਨੂੰ ਝੂਠਾ ਕਰਾਰ ਕੀਤਾ ਗਿਆ ਤੇ ਪਰਚਾ ਵੀ ਰੱਦ ਹੋ ਗਿਆ।

ਥੋੜੇ ਦਿਨਾਂ ਤੋਂ ਫ਼ੌਜੀ ਨੇ ਉਸ ਦੇ ਘਰ ਨੂੰ ਸਿੱਧਾ ਕੈਮਰਾ ਲਗਾਇਆ ਹੋਇਆ ਸੀ ਉਸ ਨੇ ਇਸ ਦੀ ਸ਼ਿਕਾਇਤ ਪੰਚਾਇਤ ਨੂੰ ਕੀਤੀ ਸੀ ਤੇ ਪੰਚਾਇਤ ਨੇ ਫ਼ੌਜੀ ਨੂੰ ਕੈਮਰਾ ਹਟਾਉਣ ਨੂੰ ਵੀ ਕਿਹਾ ਸੀ ਕਿ ਪਰ ਉਸ ਨੇ ਉਹਨਾਂ ਦੀ ਨਾ ਸੁਣੀ। ਵਾਇਰਲ ਹੋ ਰਹੀ ਵੀਡੀਓ ਬਾਰੇ ਉਸ ਨੇ ਦਸਿਆ ਕਿ ਵੀਡੀਓ ਵਿਚ ਫ਼ੌਜੀ ਵੱਲੋਂ ਉਸ ਨੂੰ ਗਾਲ੍ਹਾਂ ਕੱਢੀਆ ਜਾ ਰਹੀਆਂ ਹਨ।

ਉਸ ਤੇ ਇਲਜ਼ਾਮ ਲਗਾਇਆ ਜਾ ਰਿਹਾ ਹੈ ਕਿ ਉਸ ਨੇ ਲੜਕੀ ਦੀਆਂ ਤਸਵੀਰਾਂ ਖਿੱਚੀਆਂ ਹਨ ਪਰ ਨੌਜਵਾਨ ਨੇ ਇਸ ਇਲਜ਼ਾਮ ਨੂੰ ਸਿਰੇ ਤੋਂ ਨਕਾਰਦਿਆਂ ਕਿਹਾ ਕਿ ਉਸ ਨੇ ਲੜਕੀ ਦੀ ਇਕ ਵੀ ਤਸਵੀਰ ਨਹੀਂ ਖਿਚੀ। ਉਥੇ ਹੀ ਜਦੋਂ ਸਾਬਾਕ ਫੌਜੀ ਦੇ ਪਿੰਡ ਜਾ ਕੇ ਪੱਤਰਕਾਰ ਨੇ ਫੌਜੀ ਦੇ ਪਰਿਵਾਰ ਦਾ ਪੱਖ ਲੈਣਾ ਚਾਹਿਆ ਤਾਂ ਉਸਦੇ ਘਰ ਵਿਚ ਕੋਈ ਮੌਜੂਦ ਨਹੀਂ ਸੀ ਪਰ ਜਿਵੇ ਹੀ ਪਰਿਵਾਰਕ ਮੈਂਬਰ ਸਾਹਮਣੇ ਆਏਗਾ ਤਾਂ ਫੌਜੀ ਦੇ ਪਰਿਵਾਰ ਦਾ ਪੱਖ ਲੋਕਾਂ ਸਾਹਮਣੇ ਰੱਖਿਆ ਜਾਏਗਾ।