ਬਾਕੀ ਗੈਂਗਸਟਰ ਸਰੈਂਡਰ ਕਰ ਦੇਣ, ਨਹੀਂ ਤਾਂ ਉਨ੍ਹਾਂ ਦਾ ਵੀ ਹੋ ਸਕਦੈ ਐਨਕਾਊਂਟਰ - ਆਈਜੀ
ਜੀਰਕਪੁਰ ਐਨਕਾਊਂਟਰ ਵਿਚ ਮਾਰੇ ਗਏ ਗੈਂਗਸਟਰ ਅੰਕਿਤ ਭਾਦੂ ਦੇ ਕੋਲ ਤਿੰਨ ਅਤਿ ਆਧੁਨਿਕ ਵਿਦੇਸ਼ੀ...
ਚੰਡੀਗੜ੍ਹ : ਜੀਰਕਪੁਰ ਐਨਕਾਊਂਟਰ ਵਿਚ ਮਾਰੇ ਗਏ ਗੈਂਗਸਟਰ ਅੰਕਿਤ ਭਾਦੂ ਦੇ ਕੋਲ ਤਿੰਨ ਅਤਿ ਆਧੁਨਿਕ ਵਿਦੇਸ਼ੀ ਪਿਸਤੌਲ ਸਨ। ਇਨ੍ਹਾਂ ਵਿਚੋਂ ਦੋ ਮੈਗਨਮ ਅਤੇ ਇਕ ਕੋਲਟ ਪਿਸਤੌਲ ਹੈ। ਬਜ਼ਾਰ ਵਿਚ ਇਕ ਪਿਸਤੌਲ ਦੀ ਕੀਮਤ 10 ਲੱਖ ਤੋਂ 18 ਲੱਖ ਰੁਪਏ ਦੇ ਵਿਚ ਹੈ। ਪੁਲਿਸ ਇਨ੍ਹਾਂ ਹਥਿਆਰਾਂ ਨੂੰ ਲੈ ਕੇ ਜਾਂਚ ਕਰ ਰਹੀ ਹੈ ਕਿ ਇਹ ਅੰਕਿਤ ਦੇ ਕੋਲ ਕਿਥੋ ਆਏ। ਇਨ੍ਹਾਂ ਦਾ ਲਿੰਕ ਪਤਾ ਕੀਤਾ ਜਾ ਰਿਹਾ ਹੈ। ਪੁਲਿਸ ਨੂੰ ਪੂਰਾ ਸ਼ੱਕ ਹੈ ਕਿ ਇਹ ਪਿਸਤੌਲ ਉਸ ਦੇ ਕੋਲ ਤਸਕਰੀ ਦੇ ਜਰੀਏ ਹੀ ਆਏ ਹੋਣਗੇ।
ਆਈਜੀ ਰਾਜ ਕੁਮਾਰ ਵਿਜੇ ਪ੍ਰਤਾਪ ਸਿੰਘ ਨੇ ਪ੍ਰੈਸ ਕਾਂਨਫਰੰਸ ਵਿਚ ਦੱਸਿਆ ਕਿ ਉਨ੍ਹਾਂ ਨੂੰ ਅੰਕਿਤ ਦੇ ਬਾਰੇ ਵਿਚ ਜਾਣਕਾਰੀ ਹਰਿਆਣਾ ਦੇ ਬਹਾਦੁਰਗੜ੍ਹ ਵਿਚ ਹੋਏ ਇਕ ਕਤਲ ਦੀ ਜਾਂਚ ਦੇ ਦੌਰਾਨ ਮਿਲੀ ਸੀ। ਆਈਜੀ ਨੇ ਕਿਹਾ ਉਨ੍ਹਾਂ ਦੇ ਰਾਜ ਦੇ ਦੂਜੇ ਗੈਂਗਸਟਰਾਂ ਨੂੰ ਵੀ ਕਹਿਣਾ ਹੈ ਕਿ ਉਹ ਸਰੈਂਡਰ ਕਰ ਦੇਣ। ਗੈਂਗਸਟਰਾਂ ਨੂੰ ਦਬੋਚਣ ਲਈ ਪੁਲਿਸ ਦੇ ਆਪਰੇਸ਼ਨ ਚਲਦੇ ਰਹਿਣਗੇ। ਅਜਿਹੇ ਵਿਚ ਜੇਕਰ ਫਾਇਰਿੰਗ ਹੁੰਦੀ ਹੈ ਤਾਂ ਐਨਕਾਊਟਰ ਵੀ ਹੋ ਸਕਦਾ ਹੈ।
ਆਈਜੀ ਨੇ ਕਿਹਾ ਕਮਾਂਡੋ ਨੇ ਫਾਇਰਿੰਗ ਕਰਕੇ ਅੰਕਿਤ ਨੂੰ ਮਾਰ ਗਿਰਾਇਆ। ਆਈਜੀ ਦੇ ਮੁਤਾਬਕ ਬਹਾਦੁਰਗੜ੍ਹ ਵਿਚ ਅੰਕਿਤ ਨੇ ਗੈਂਗਸਟਰ ਅਜੇ ਨੂੰ ਮਾਰਿਆ ਸੀ ਉਸ ਦੀ ਜਾਂਚ ਦੇ ਦੌਰਾਨ ਪੁਲਿਸ ਨੂੰ ਅੰਕਿਤ ਦੇ ਬਾਰੇ ਵਿਚ ਜਾਣਕਾਰੀ ਮਿਲੀ। ਅੰਕਿਤ ਦੇ ਮ੍ਰਿਤਕ ਸਰੀਰ ਦਾ ਪੋਸਟਮਾਰਟਮ ਸ਼ੁੱਕਰਵਾਰ ਨੂੰ ਕੀਤਾ ਗਿਆ। ਫੜੇ ਗਏ ਦੋ ਸਾਥੀ ਜਰਮਨਜੀਤ ਅਤੇ ਗੁਰਿੰਦਰ ਨੂੰ ਡੇਰਾਬੱਸੀ ਅਦਾਲਤ ਨੇ 18 ਤੱਕ ਰਿਮਾਂਡ ਉਤੇ ਭੇਜ ਦਿਤਾ।