ਨਵੀਂ ਦਿੱਲੀ: ਕ੍ਰਿਕਟਰ ਤੋਂ ਸਿਆਸਤਦਾਨ ਬਣੇ ਨਵਜੋਤ ਸਿੰਘ ਸਿੱਧੂ ਦੀ ਲੋਕਪ੍ਰਿਅਤਾ ਪਾਕਿਸਤਾਨ ਵਿਚ ਵੀ ਦੇਖੀ ਗਈ। ਸਰਹੱਦੋਂ ਪਾਰ ਸਿੱਧੂ ਦਾ ਜਲਵਾ ਦੇਖਣ ਲਾਇਕ ਸੀ। ਉਹਨਾਂ ਦੇ ਨਾਲ ਸੈਲਫੀ ਲੈਣ ਲਈ ਭਾਰੀ ਗਿਣਤੀ ਵਿਚ ਲੋਕ ਜਮਾਂ ਹੋਏ। ਲੋਕਾਂ ਨੇ ਉਹਨਾਂ ਨੂੰ ਕਰਤਾਰਪੁਰ ਲਾਂਘੇ ਦੇ ‘ਅਸਲੀ ਹੀਰੋ’ ਕਰਾਰ ਦਿੱਤਾ। ਪ੍ਰਾਧਨ ਮੰਤਰੀ ਨਰਿੰਦਰ ਮੋਦੀ ਵੱਲੋਂ ਹਰੀ ਝ਼ੰਡੀ ਦਿਖਾਉਣ ਤੋਂ ਬਾਅਦ ਭਾਰਤੀ ਸਿੱਖਾਂ ਦਾ ਜੱਥਾ ਪਾਕਿਸਤਾਨ ਪਹੁੰਚਿਆ। ਪਾਕਿਸਤਾਨ ਪਹੁੰਚਣ ‘ਤੇ ਇਮਰਾਨ ਖ਼ਾਨ ਨੇ ਜੱਫੀ ਪਾ ਕੇ ਨਵਜੋਤ ਸਿੱਧੂ ਦਾ ਨਿੱਘਾ ਸਵਾਗਤ ਕੀਤਾ।

ਕਰਤਾਰਪੁਰ ਸਾਹਿਬ ਵਿਖੇ ਸੰਬੋਧਨ ਕਰਦੇ ਹੋਏ ਸਿੱਧੂ ਨੇ ਇਮਰਾਨ ਖ਼ਾਨ ਦਾ ਧੰਨਵਾਦ ਕੀਤਾ ਅਤੇ ਹੋਰ ਸਰਹੱਦਾਂ ਨੂੰ ਖੋਲ੍ਹਣ ਲਈ ਵੀ ਕਿਹਾ ਹੀ। ਇਸ ਮੌਕੇ ਸਿੱਧੂ ਨੇ ਅਪਣੀ ‘ਪਾਕਿ ਜੱਫੀ’ ਦਾ ਜਵਾਬ ਵੀ ਦਿੱਤਾ। ਉਹਨਾਂ ਕਿਹਾ ‘ਇਕ ਜੱਫੀ ਜੋ ਲਾਂਘਾ ਖੋਲ੍ਹੇ ਤਾਂ ਦੂਜੀ ਜੱਫੀ ਪਾਈਏ.., ਤੀਜੀ ਚੌਥੀ, ਪੰਜਵੀਂ ਛੇਵੀਂ, 100ਵੀ ਜੱਫੀ ਪਾਈਏ। ਜੱਫੀ ਜੱਫੀ ਕਰਕੇ ਯਾਰੋ ਸਭ ਮਸਲੇ ਸੁਲਝਾਈਏ, ਐਵੇਂ ਕਿਉਂ ਪੁੱਤ ਮਾਵਾਂ ਦੇ ਹੱਦਾਂ ‘ਤੇ ਮਰਵਾਈਏ’। ਇਸ ਦੇ ਨਾਲ ਹੀ ਉਹਨਾਂ ਨੇ ਪੀਐਮ ਮੋਦੀ ਦੀ ਤਾਰੀਫ਼ ਵੀ ਕੀਤੀ। ਉਹਨਾਂ ਨੇ ਕਿਹਾ ਕਿ ‘ਮੇਰੇ ਸਿਆਸੀ ਮਤਭੇਦ ਹੋ ਸਕਦੇ ਹਨ ਪਰ ਮੈਂ ਮੋਦੀ ਨੂੰ ਮੁੰਨਾ ਭਾਈ ਐਮਬੀਬੀਐਸ ਵਾਲੀ ਜੱਫੀ ਦਵਾਂਗਾ’।

ਇਸ ਮੌਕੇ ਕਰਤਾਰਪੁਰ ਸਾਹਿਬ ਵਿਖੇ ਉਹਨਾਂ ਨੂੰ ਨੌਜਵਾਨਾਂ ਨਾਲ ਸੈਲਫੀ ਲੈਂਦੇ ਦੇਖਿਆ ਗਿਆ। ਇਸ ਮੌਕੇ ‘ਤੇ ਸੰਸਦ ਸੰਨੀ ਦਿਓਲ, ਅਕਾਲ ਤਖ਼ਤ ਦੇ ਜਥੇਦਾਰ ਹਰਪ੍ਰੀਤ ਸਿੰਘ ਵੀ ਮੌਜੂਦ ਸਨ। ਸਮਾਗਮ ਦੌਰਾਨ ਪਾਕਿਸਤਾਨ ਦੇ ਵਿਦੇਸ਼ ਮੰਤਰੀ ਸ਼ਾਹ ਮਹਿਮੂਦ ਕੁਰੇਸ਼ੀ ਨੇ ਸਿੱਧੂ ਨੂੰ ਕਰਤਾਰਪੁਰ ਲਾਂਘੇ ਦਾ ‘ਮੈਨ ਆਫ ਦ ਮੈਚ’ ਦੱਸਿਆ। ਦੱਸ ਦਈਏ ਕਿ ਜਦੋਂ ਸਿੱਧੂ ਲਾਂਘੇ ਰਾਹੀਂ ਪਾਕਿਸਤਾਨ ਤੋਂ ਵਾਪਰ ਪਰਤੇ ਤਾਂ ਸਿੱਖਾਂ ਨੇ ਉਹਨਾਂ ਲਈ ਨਾਅਰੇ ਲਗਾਏ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।