SSP, Khanna

ਖੰਨਾ : ਸ਼੍ਰੀ ਧਰੁਵ ਦਹਿਆ ਆਈਪੀਐਸ ਸੀਨੀਅਰ ਪੁਲਿਸ ਕਪਤਾਨ, ਖੰਨਾ ਨੇ ਪ੍ਰੈਸ ਕਾਂਨਫਰੰਸ ਰਾਂਹੀ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਮਾਨਯੋਗ ਸ਼੍ਰੀ ਦਿਨਕਰ ਗੁਪਤਾ, ਆਈਪੀਐਸ ਡਾਇਰੈਕਟਰ ਜਨਰਲ ਪੁਲਿਸ ਪੰਜਾਬ, ਚੰਡੀਗੜ੍ਹ, ਸ਼੍ਰੀ ਰਣਬੀਰ ਸਿੰਘ ਖੱਟੜਾ ਆਈਪੀਐਸ ਡਿਪਟੀ ਇੰਸਪੈਕਟਰ ਲੁਧਿਆਣਾ, ਰੇਂਜ਼ ,ਲੁਧਿਆਣਾ ਦੇ ਦਿਸ਼ਾਂ ਨਿਰਦੇਸ਼ਾਂ ਅਨੁਸਾਰ ਮੁਕੱਦਮਾ ਨੰਬਰ 37 ਮਿਤੀ 10/03/2019 ਅ/ਧ 302/376-ਏ ਭ/ਦ 3/4/8 ਪ੍ਰੋਟੈਕਸ਼ਨ ਆਫ਼ ਚਿਲਡਰਨ ਸੈਕਸੁਅਲ ਐਕਟ 2012 ਥਾਣਾ ਦੋਰਾਹਾ ਦੀ ਤਫ਼ਤੀਸ਼ ਬਹੁਤ ਹੀ ਡੂੰਘਾਈ ਅਤੇ ਮਿਹਨਤ ਨਾਲ ਕਰਦੇ ਹੋਏ

ਖੰਨਾ ਪੁਲਿਸ ਕਪਤਾਨ, ਪਾਇਲ, ਇੰਸਪੈਕਟਰ ਕਰਨੈਲ ਸਿੰਘ ਮੁੱਖ ਅਫ਼ਸਰ ਥਾਣਾ ਦੋਰਾਹਾ ਦੇ ਸਹਾਇਕ ਥਾਣੇਦਾਰ ਮਹਿੰਦਰਪਾਲ ਸਿੰਘ ਜੋ ਥਾਣਾ ਦੋਰਾਹਾ ਕੋਲ ਇਤਲਾਹ ਮਿਲਣ ‘ਤੇ ਲੱਕੜ ਮੰਡੀ ਗੁਦਾਮ ਰੋਡ ਪਰ ਕਿਸੇ ਨਾਮਲੂਮ ਬੱਚੀ ਦੀ ਲਾਸ਼ ਪਈ ਹੋਣ ਬਾਰੇ ਮੌਕਾ ਪਰ ਪੁੱਜ ਕੇ ਲਾਸ਼ ਕਬਜ਼ਾ ਪੁਲਿਸ ਵਿਚ ਲੈ ਕੇ ਸਿਵਲ ਹਸਪਤਾਲ ਲੁਧਿਆਣਾ ਵਿਖੇ ਭੇਜਕੇ, ਤਫ਼ਤੀਸ਼ ਕਰਦੇ ਹੋਏ ਇਸ ਪੀੜਤ ਬੱਚੀ ਦੀ ਉਮਰ ਲਗਪਗ 7 ਸਾਲ 6 ਮਹੀਨੇ ਦੇ ਨਾਲ ਹੋਏ ਅਗਵਾ, ਬਲਾਤਕਾਰ, ਅਤੇ ਕਤਲ ਨਾਲ ਸਬੰਧਤ ਦੋਸ਼ੀਆਂ ਵਿਨੋਦ ਸ਼ਾਹ (ਉਮਰ 20,21 ਸਾਲ) ਪੁੱਤਰ ਸੁਭ ਨਰਾਇਣ ਵਾਸੀ ਬਨੂਆ ਜ਼ਿਲ੍ਹਾ ਦੁਮਰੀਆ ਯੂ.ਪੀ ਅਤੇ ਉਸਦੇ ਸਾਥੀ ਰੋਹਿਤ ਕੁਮਾਰ (ਉਮਰ 18,19 ਸਾਲ) ਨੂੰ ਰੇਲਵੇ ਸਟੇਸ਼ਨ ਦੋਰਾਹਾ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ।

ਜੋ ਰੇਲ ਰਾਹੀਂ ਦੋਰਾਹਾ ਤੋਂ ਭੱਜਣ ਦੀ ਤਾਕ ਵਿਚ ਸਨ, ਜਿਨ੍ਹਾਂ ਨੇ ਅਪਣੀ ਪੁੱਛਗਿਛ ਦੌਰਾਨ ਮੰਨਿਆ ਕਿ ਉਨਹਾਂ ਨੇ ਪੀੜਿਤ ਬੱਚੀ ਦੇ ਪਿਤਾ ਮੁਨਾ ਸ਼ਾਹ ਜੋ ਦੋਰਾਹਾ ਵਿਖੇ ਕਿਰਾਏ ਦੇ ਮਕਾਨ ਵਿਚ ਰਹਿੰਦਾ ਹੈ, ਦੇ ਘਰ ਜਾ ਕੇ ਉਸਨੂੰ ਅਤੇ ਆਪ ਸ਼ਰਾਬ ਪੀਕੇ ਉਸਦੀ ਪੀੜਿਤ ਲੜਕੀ ਨੂੰ ਟੋਫ਼ੀਆਂ ਦੇਣ ਦੇ ਬਹਾਨੇ ਘਰੋਂ ਲਿਜਾਕੇ ਰੇਲਵੇ ਲਾਇਨ ਦੋਰਾਹਾ ਕੋਲ ਖਾਲੀ ਗੁਦਾਮ ਵਿਚ ਲਿਜਾਕੇ ਉਸ ਨਾਲ ਦੋਨਾਂ ਜਣਿਆਂ ਨੇ ਅਗਵਾ ਕਰਕੇ ਉਸ ਦਾ ਬਲਾਤਕਾਰ ਕੀਤਾ ਅਤੇ ਬਾਅਦ ਵਿਚ ਉਸ ਦਾ ਕਤਲ ਕਰ ਦਿੱਤਾ।

ਇੰਸਪੈਕਟਰ ਕਰਨੈਲ ਸਿੰਘ ਮੁੱਖ ਅਫ਼ਸਰ ਥਾਣਾ ਦੋਰਾਹਾ ਸਮੇਤ ਪੁਲਿਸ ਪਾਰਟੀ ਵੱਲੋਂ ਤਕਨੀਕੀ ਅਤੇ ਡੂੰਘਾਈ ਨਾਲ ਤਫ਼ਤੀਸ਼ ਕਰਕੇ ਇਸ ਅਗਵਾ/ਅਨ੍ਹੇ ਕਤਲ/ਬਲਾਤਕਾਰ ਦੀ ਗੁੱਥੀ ਨੂੰ 2 ਘੰਟੇ ਦੌਰਾਨ ਸੁਲਝਾਉਣ ਵਿਚ ਸਫ਼ਲਤਾ ਹਾਂਸਲ ਕੀਤੀ ਹੈ। ਉਕਤ ਮੁਕੱਦਮਾ ਨੂੰ ਟਰੇਸ ਕਰਕੇ ਦੋਨਾਂ ਦੋਸ਼ੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਜਾ ਚੁੱਕਾ ਹੈ।