Father Of Cycling Old Man Cycling Jalandhar

ਜਲੰਧਰ: ਇਹ ਹੈ 73 ਸਾਲਾ ਦਾ ਬਜ਼ੁਰਗ ਬਲਜੀਤ ਮਹਾਜਨ ਜਿਸ ਦੇ ਦੂਰ ਦੂਰ ਤੱਕ ਚਰਚੇ ਹੁੰਦੇ ਹਨ। ਚਰਚੇ ਇਸ ਕਰ ਕੇ ਕਿਉਂਕਿ ਇਹ ਬਜ਼ੁਰਗ ਸਾਇਕਲ ਚਲਾ ਕੇ ਵੱਡੇ ਵੱਡੇ ਇਨਾਮ ਜਿੱਤ ਚੁੱਕਿਆ ਹੈ ਜਿਸ ਨੂੰ ਹੁਣ ਦਸ ਸਾਲ ਤੋਂ ਫਾਦਰ ਆਫ ਸਾਈਕਲਿੰਗ ਕਿਹਾ ਜਾਂਦਾ ਹੈ। ਬਜ਼ੁਰਗ ਨੇ ਹੁਣ ਤੱਕ 1 ਲੱਖ 38 ਹਜ਼ਾਰ ਕਿਲੋਮੀਟਰ ਸਾਈਕਲ ਚਲਾ ਕੇ ਨਾ ਸਿਰਫ ਆਪਣੇ ਸ਼ਹਿਰ ਬਲਕਿ ਦੇਸ਼ ਦਾ ਨਾਮ ਵੀ ਰੌਸ਼ਨ ਕੀਤਾ ਹੈ।

ਸਾਈਕਲ ਚਲਾਉਣ ਦੀ ਆਦਤ ਬਾਰੇ ਗੱਲ ਕਰਦਿਆਂ ਬਜ਼ੁਰਗ ਨੇ ਦੱਸਿਆ ਕਿ ਫੌਰਨ ਦੇਸ਼ ਤੋਂ ਪ੍ਰੇਰਿਤ ਹੋ ਕੇ ਉਨ੍ਹਾਂ ਨੇ ਸਾਈਕਲ ਚਲਾਉਂਣਾ ਸ਼ੁਰੂ ਕਰ ਚਾਰ ਸਾਲ ਵਿਚ ਹੀ ਹਜ਼ਾਰਾਂ ਖਿਤਾਬ ਆਪਣੇ ਨਾਮ ਕਰ ਲਏ। ਇਸ ਤੋਂ ਇਲਾਵਾ ਉਨ੍ਹਾਂ ਸਾਈਕਲ ਚਲਾਉਣ ਦੇ ਫਾਇਦਿਆਂ ਬਾਰੇ ਦੱਸਦਿਆਂ ਨੌਜਵਾਨਾਂ ਲਈ ਆਪਣੀ ਜਿੰਦਗੀ ਦੇ ਕੁਝ ਤਜਰਬੇ ਸ਼ਾਂਝੇ ਕੀਤੇ ਹਨ। ਬਜ਼ੁਰਗ ਬਲਜੀਤ ਦਾ ਕਹਿਣਾ ਹੈ ਕਿ ਉਹਨਾਂ ਨੇ ਅਪਣੇ ਬਚਪਨ ਤੋਂ ਹੀ ਸਾਈਕਲ ਚਲਾਉਣਾ ਸ਼ੁਰੂ ਕਰ ਦਿੱਤਾ ਸੀ। 

ਉਹਨਾਂ ਨੇ ਜਿੰਨੀ ਵੀ ਪੜ੍ਹਾਈ ਕੀਤੀ ਹੈ ਉਹ ਸਾਰੀ ਸਾਈਕਲ ਤੇ ਜਾ-ਜਾ ਕੇ ਹੀ ਕੀਤੀ ਹੈ। ਉਸ ਸਮੇਂ ਦੇ ਸਾਈਕਲ ਬਹੁਤ ਭਾਰੇ ਹੁੰਦੇ ਸਨ। ਉਹ 1998 ਵਿਚ ਹੋਲੈਂਡ ਗਏ ਸਨ ਤੇ ਉੱਥੇ ਉਹ 32 ਦਿਨਾਂ ਲਈ ਰੁਕੇ ਸਨ। ਉਹਨਾਂ ਨੂੰ ਭਾਰਤ ਸਰਕਾਰ ਵੱਲੋਂ ਰੇਪ੍ਰੈਜ਼ੈਂਟ ਕੀਤਾ ਗਿਆ ਸੀ ਤੇ ਉਹ 32 ਦਿਨਾਂ ਲਈ ਹੋਲੈਂਡ ਦੇ ਗੈਸਟ ਬਣ ਕੇ ਗਏ ਸਨ। ਉੱਥੇ ਹਰ ਗੱਡੀ ਦੇ ਅੱਗੇ ਪਿੱਛੇ ਸਾਈਕਲ ਸਨ। ਉਹ ਜਦੋਂ ਐਮਸਟਰਡੈਮ ਪਹੁੰਚੇ ਤਾਂ ਉਹਨਾਂ ਨੇ ਅਪਣੀ ਟੈਕਸੀ ਬਾਹਰ ਹੀ ਖੜੀ ਕਰ ਦਿੱਤੀ।

ਉਸ ਤੋਂ ਬਾਅਦ ਉਹਨਾਂ ਨੂੰ ਕਿਹਾ ਗਿਆ ਕਿ ਉਹ ਜਾਂ ਤਾਂ ਪੈਦਲ ਜਾਣ, ਜਾਂ ਸਟੇਅਰਸ ਲੈਣ ਜਾਂ ਫਿਰ ਸਾਈਕਲ ਰਾਹੀਂ। ਉਸ ਸਮੇਂ ਉਹਨਾਂ ਨੇ ਸਾਈਕਲ ਦੀ ਚੋਣ ਕੀਤੀ। ਉਸ ਤੋਂ ਬਾਅਦ ਉਹਨਾਂ ਨੇ ਸਾਈਕਲ ਰੈਲੀਆਂ ਕੀਤੀਆਂ। ਫਿਰ ਉਹਨਾਂ ਨੇ ਸਾਈਕਲ ਮੁਕਾਬਲਿਆਂ ਵਿਚ ਹਿੱਸਾ ਲਿਆ ਤੇ ਕਈ ਇਨਾਮ ਅਪਣੇ ਨਾਮ ਕੀਤੇ।

ਇਸ ਦੇ ਨਾਲ ਹੀ ਉਹਨਾਂ ਨੇ ਲੋਕਾਂ ਨੂੰ ਵੀ ਇਹੀ ਸੁਨੇਹਾ ਦਿੱਤਾ ਹੈ ਕਿ ਉਹ ਵੀ ਵੱਧ ਤੋਂ ਵੱਧ ਸਾਈਕਲ ਦੀ ਵਰਤੋਂ ਕਰਨ ਤਾਂ ਜੋ ਉਹਨਾਂ ਦੀ ਸਿਹਤ ਬਰਕਰਾਰ ਰਹਿ ਸਕੇ। ਦੱਸ ਦੱਈਏ ਕਿ ਅੱਜ-ਕੱਲ ਦੀ ਜਿੰਦਗੀ ਇੰਨੀ ਤੇਜ਼ ਹੋ ਗਈ ਹੈ ਕਿ ਲੋਕਾਂ ਕੋਲ ਆਪਣੇ ਸਿਹਤ ਦੇ ਲਈ ਵੀ ਸਮਾਂ ਨਹੀਂ ਹੈ ਸੋ ਸਾਨੂੰ ਇਸ 73 ਸਾਲ ਦੇ ਬਜ਼ੁਰਗ ਤੋਂ ਸਿਖਣ ਦੀ ਲੋੜ ਹੈ ਕਿ ਬਾਕੀ ਦੇ ਕੰਮ ਬਾਅਦ ‘ਚ ਪਹਿਲਾ ਸਿਹਤ ਜਰੂਰੀ ਹੈ।