ਮਨਪ੍ਰੀਤ ਬਾਦਲ 'ਤੇ ਲਾਏ ਇਲਜ਼ਾਮਾ ਤੋਂ ਬਾਅਦ ਚਰਨਜੀਤ ਲੁਹਾਰਾ ਦੇ ਨਿਸ਼ਾਨੇ 'ਤੇ ਆਏ ਰਾਜਾ ਵੜਿੰਗ
ਚਰਨਜੀਤ ਲੁਹਾਰਾ ਨੇ ਲਗਾਏ ਰਾਜਾ ਵੜਿੰਗ 'ਤੇ ਵੱਡੇ ਇਲਜ਼ਾਮ
ਚੰਡੀਗੜ੍ਹ - ਬੀਤੇ ਕੱਲ੍ਹ ਗਿੱਦੜਬਾਹਾ ਤੋਂ ਵਿਧਾਇਕ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ਮਨਪ੍ਰੀਤ ਬਾਦਲ 'ਤੇ ਅਕਾਲੀਆਂ ਨਾਲ ਰਲੇ ਹੋਣ ਦੇ ਦੋਸ਼ ਲਗਾਏ ਸਨ। ਉਹਨਾਂ ਨੇ ਆਪਣੀ ਫੇਸਬੁੱਕ 'ਤੇ ਮਨਪ੍ਰੀਤ ਬਾਦਲ ਦੀ ਇਕ ਤਸਵੀਰ ਸ਼ੇਅਰ ਕੀਤੀ ਸੀ ਜਿਸ ਵਿਚ ਉਹ ਇਕ ਵਿਅਕਤੀ ਜੋ ਗਿੱਦੜਬਾਹਾ ਦੇ ਪਿੰਡ ਲੁਹਾਰਾ ਨਾਲ ਸਬੰਧਿਤ ਹੈ ਉਸ ਨੂੰ ਚੈਂਕ ਦੇ ਰਹੇ ਹਨ।
ਮਨਪ੍ਰੀਤ ਸਿੰਘ ਬਾਦਲ ਦੀ ਫੋਟੋ ਵਾਇਰਲ ਕਰ ਕੇ ਉਹਨਾਂ 'ਤੇ ਦੋਸ਼ ਲਾਏ ਸਨ ਕਿ ਮਨਪ੍ਰੀਤ ਸਿੰਘ ਬਾਦਲ ਅਕਾਲੀ ਦਲ ਨਾਲ ਸਬੰਧਿਤ ਵਿਅਕਤੀਆਂ ਨੂੰ ਗ੍ਰਾਂਟ ਦੇ ਰਹੇ ਹਨ। ਇਸ ਦੇ ਨਾਲ ਹੀ ਜਿਸ ਵਿਅਕਤੀ ਨਾਲ ਮਨਪ੍ਰੀਤ ਬਾਦਲ ਦੀ ਤਸਵੀਰ ਸ਼ੇਅਰ ਕੀਤੀ ਗਈ ਸੀ ਹੁਣ ਉਸੇ ਵਿਅਕਤੀ ਨੇ ਰਾਜਾ ਵੜਿੰਗ ਨੂੰ ਕਰੜੇ ਹੱਥੀਂ ਲਿਆ ਹੈ।
ਇਹ ਵੀ ਪੜ੍ਹੋ - ਪੰਜਾਬ ਦਾ ਬਿਜਲੀ ਸੰਕਟ ਹਮੇਸ਼ਾ ਲਈ ਟਾਲਣ ਵਾਸਤੇ, ਮਾਹਰ ਕੋਈ ਯੋਜਨਾ ਬਣਾਉਣ, ਸਿਆਸਤਦਾਨ ਨਹੀਂ!
ਚਰਨਜੀਤ ਸਿੰਘ ਲੁਹਾਰਾ ਨੇ ਚੈੱਕ ਦੀਆਂ ਫੋਟੋਆਂ ਵਾਇਰਲ ਕਰਦਿਆ ਆਪਣੇ ਫੇਸਬੁੱਕ ਪੇਜ ਤੇ ਲਿਖਿਆ ' ਸਤਿ ਸ੍ਰੀ ਅਕਾਲ ਜੀ ????
ਮੈਂ ਚਰਨਜੀਤ ਸਿੰਘ ਲੁਹਾਰਾ, ਕੁਝ ਕੁ ਸਮਾਂ ਪਹਿਲਾਂ ਹਲਕਾ ਗਿੱਦੜਬਾਹਾ ਦੇ ਵਿਧਾਇਕ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਦੇ ਸੋਸ਼ਲ ਅਕਾਊਂਟ ’ਤੇ ਇੱਕ ਪੋਸਟ ਵੇਖੀ ਜਿਸ ਵਿੱਚ ਖਜਾਨਾ ਮੰਤਰੀ ਮਨਪ੍ਰੀਤ ਸਿੰਘ ਬਾਦਲ ਜੀ ਨੂੰ ਇੱਕ ਚੈੱਕ ਦਿੰਦੇ ਦੀ ਫੋਟੋ ਦੇ ਨਾਲ-ਨਾਲ ਮੇਰੀਆਂ ਹੋਰ ਵੀ ਬਾਦਲ ਪਰਿਵਾਰ (ਆਕਾਲੀ ਦਲ) ਦਾ ਨਿੱਜੀ ਹੋਣ ਦਾ ਠੱਪਾ ਲਾ ਕੇ ਫੋਟੋ ਅਪਲੋਡ ਕਰ ਕੇ ਮਨਪ੍ਰੀਤ ਬਾਦਲ ਨਾਲ ਆਪਣਾ ਗੁੱਸਾ ਜ਼ਾਹਿਰ ਕਰਦਾ ਨਜ਼ਰ ਆਇਆ ਜੋ ਕੀ ਹਾਸੋਹੀਣ ਜੀ ਗੱਲ ਹੈ।
ਇਹ ਵੀ ਪੜ੍ਹੋ - ਰਾਜਾ ਵੜਿੰਗ ਦਾ ਮਨਪ੍ਰੀਤ ਬਾਦਲ 'ਤੇ ਸ਼ਬਦੀ ਵਾਰ, ਲਗਾਏ ਕਾਂਗਰਸ ਦੀ ਪਿੱਠ 'ਚ ਛੁਰਾ ਮਾਰਨ ਦੇ ਦੋਸ਼
ਐੱਮ.ਐੱਲ.ਏ. ਸਾਹਿਬ ਆਪ ਜੀ ਦੀ ਜਾਣਕਾਰੀ ਲਈ ਮੈਂ ਦੱਸ ਦੇਵਾਂ ਪਿਛਲੇ 20ਸਾਲ ਤੋਂ ਮੈਂ ਲੁਹਾਰਾ (ਸ੍ਰੀ ਮੁਕਤਸਰ ਸਾਹਿਬ) ਪਿੰਡ ਛੱਡ ਬਠਿੰਡਾ ਸ਼ਹਿਰ ਰਹਿ ਰਿਹਾ ਹਾਂ, ਨਗਰ ਨਾਲ ਜੁੜਿਆ ਹੋਣ ਦੇ ਬਾਵਜੂਦ ਵੀ ਸ਼ਹਿਰ ਨਿਵਾਸੀਆਂ ਦੇ ਦਿਲਾਂ ਵਿੱਚ ਜਗ੍ਹਾ ਬਣਾ ਰੱਖੀ ਹੈ। ਆਪ ਜੀ ਵੱਲੋਂ ਫੋਟੋ ਵਿੱਚ ਦਿਖਾਏ ਗਏ ਚੈੱਕ ਦਿੰਦੇ ਹੋਏ ਉਹ ਮੈਨੂੰ ਮੇਰੀ ਜੇਬ ਵਿੱਚ ਪਾਉਣ ਲਈ ਨਹੀਂ ਸਗੋਂ ਕਾਲੋਨੀ ਦੇ ਵਿਕਾਸ ਕਾਰਜ ਲਈ ਦਿੱਤਾ। ਹਾਂ ਇਹ ਗੱਲ ਜ਼ਰੂਰ ਆ ਮੰਤਰੀ ਜੀ ਨੇ ਤੇਰੇ ਵਾਂਗ ਪੱਖ ਬਾਜੀ ਨਹੀਂ ਕਰੀ।
ਵਿਧਾਇਕ ਜੀ ਤੁਸਾਂ ਨੇ ਰਾਹੁਲ ਗਾਂਧੀ ਨੂੰ ਟਵੀਟ ਕਰ ਕੇ ਮਨਪ੍ਰੀਤ ਬਾਦਲ ਵਿਰੁੱਧ ਜਾਂਚ ਦੀ ਮੰਗ ਕੀਤੀ ਮੇਰੇ ਮੁਤਾਬਕ ਮੰਗ ਆਪ ਜੀ ਨੂੰ ਚੰਗੇ ਡਾਕਟਰ ਦੀ ਅਪਾਇੰਟਮੈਂਟ ਦੀ ਕਰਨੀ ਚਾਹੀਦੀ ਆ ਜੋ ਦਿਮਾਗ ਅਤੇ ਅੱਖਾਂ ਦਾ ਮਾਹਿਰ ਹੋਵੇ,ਤੁਸੀਂ ਆਵਦਾ ਦਿਮਾਗੀ ਸੰਤੁਲਨ ਗਵਾ ਚੁੱਕੇ ਪੋਸਟ ਵਿੱਚ ਅਪਲੋਡ ਫੋਟੋ ਵਿੱਚ ਤੁਸੀਂ ਕਹਿ ਰਿਹੇ ਹੋ ਕੇ ਕੋਟਲੀ ਸਰਕਲ ਨੂੰ ਮਨਪ੍ਰੀਤ ਬਾਦਲ ਨੇ ਚੈੱਕ ਦਿੱਤਾ। ਅੱਖਾਂ ਉੱਤੇ ਪਾਣੀ ਮਾਰ ਕੇ ਦੇਖਿਉਂ ਇਹ ਚੈੱਕ "ਆਰਬਨ ਵੈਲਫੇਅਰ ਸੁਸਾਇਟੀ" ਬਠਿੰਡਾ ਨੂੰ ਦਿੱਤਾ ਗਿਆ ਹੈ ਜਿਸ ਦੀ ਲੰਮੇ ਸਮੇਂ ਤੋਂ ਮੈਂ ਬਤੌਰ ਪ੍ਰਧਾਨਗੀ ਵਜੋਂ ਸੇਵਾ ਨਿਭਾ ਰਿਹਾ ਹਾਂ।ਅਸਲ ਵਿੱਚ ਇਹ ਸਭ ਆਪ ਜੀ ਦੀ ਬੁਖਲਾਹਟ ਦੀਆਂ ਨਿਸ਼ਾਨੀਆਂ ਹਨ ਆਪ ਜੀਆਂ ਨੂੰ ਗਿੱਦੜਬਾਹਾ ਖੁਸਦਾ ਅਤੇ ਕੈਰੀਅਰ ਖ਼ਤਮ ਹੁੰਦਾ ਨਜ਼ਰ ਆ ਰਿਹਾ!