ਚੰਡੀਗੜ੍ਹ ਦੇ ਜਨਤਕ ਪਖਾਨਿਆਂ 'ਚ ਅੱਜ ਤੋਂ ਸ਼ੁਰੂ ਹੋਵੇਗਾ QR code Based ਫੀਡਬੈਕ ਸਿਸਟਮ
ਇਸ ਵੇਲੇ ਸੈਕਟਰ 19 ਅਤੇ 22 ਮਨੀਮਾਜਰਾ ਜਾਂ ਹੋਰ ਭੀੜ-ਭਾੜ ਵਾਲੇ ਬਾਜ਼ਾਰਾਂ ਸਮੇਤ ਬਹੁਤ ਸਾਰੇ ਖੇਤਰਾਂ ਵਿਚ ਪਖਾਨੇ ਬਹੁਤ ਮਾੜੇ ਹਨ
ਚੰਡੀਗੜ੍ਹ - ਸੋਮਵਾਰ ਯਾਨੀ ਅੱਜ ਤੋਂ ਚੰਡੀਗੜ੍ਹ ਦੇ ਸਾਰੇ ਜਨਤਕ ਪਖਾਨਿਆਂ ਵਿਚ ਇੱਕ ਕਿਊਆਰ ਕੋਡ ਅਧਾਰਤ ਫੀਡਬੈਕ ਸਿਸਟਮ (QR code-based feedback system) ਹੋਵੇਗਾ, ਜਿਸ ਦੀ ਵਰਤੋਂ ਨਾਲ ਨਾਗਰਿਕ ਆਪਣੀ ਪ੍ਰਤੀਕਿਰਿਆ ਸਿੱਧੇ ਮਕਾਨ ਅਤੇ ਸ਼ਹਿਰੀ ਮਾਮਲਿਆਂ ਦੇ ਮੰਤਰਾਲੇ ਨੂੰ ਭੇਜ ਸਕਣਗੇ। ਨਗਰ ਨਿਗਮ ਕਮਿਸ਼ਨਰ ਅਨੰਦਿਤਾ ਮਿੱਤਰਾ ਨੇ ਉਪ ਮੰਡਲ ਇੰਜੀਨੀਅਰਾਂ ਨੂੰ ਐਤਵਾਰ ਨੂੰ ਸਾਰੇ ਪਖਾਨਿਆਂ ਵਿਚ ਕਿਊਆਰ ਕੋਡ ਲਗਾਉਣ ਦੇ ਨਿਰਦੇਸ਼ ਦਿੱਤੇ ਹਨ। “ਫੀਡਬੈਕ ਇੱਕ ਡੈਸ਼ਬੋਰਡ ਉੱਤੇ ਜਾਵੇਗੀ ਜੋ ਮੰਤਰਾਲੇ ਨੂੰ ਦਿਖਾਈ ਦੇਵੇਗੀ”। ਉਹਨਾਂ ਦੱਸਿਆ ਕਿ ਸ਼ਹਿਰ ਵਿਚ 274 ਜਨਤਕ ਪਖਾਨੇ ਹਨ।
ਇਹ ਵੀ ਪੜ੍ਹੋ - ਅਯੁੱਧਿਆ 'ਚ ਰਾਮ ਮੰਦਿਰ ਦੇ ਨਾਲ ਬਣਨਗੇ 6 ਹੋਰ ਦੇਵੀ-ਦੇਵਤਿਆਂ ਦੇ ਮੰਦਰ
ਸਵੱਛ ਭਾਰਤ ਮਿਸ਼ਨ (ਐਸਬੀਐਮ) ਦੀ ਪ੍ਰੋਜੈਕਟ ਅਧਿਕਾਰੀ ਇਸ਼ਿਤਾ ਵਧਾਵਨ ਨੇ ਕਿਹਾ ਕਿ ਉਹ ਹਰ ਜਨਤਕ ਪਖਾਨੇ ਵਿਚ ਕਿਊਆਰ ਕੋਡ ਲਗਾਉਣ ਦੀ ਪ੍ਰਕਿਰਿਆ ਵਿਚ ਹਨ। “ਲੋਕ ਇਸ ਨੂੰ ਸਮਾਰਟਫੋਨ ਦੀ ਵਰਤੋਂ ਕਰ ਕੇ ਸਕੈਨ ਕਰ ਸਕਦੇ ਹਨ ਅਤੇ ਆਪਣੀ ਪ੍ਰਤੀਕਿਰਿਆ ਸਾਂਝੀ ਕਰ ਸਕਦੇ ਹਨ। ਫੀਡਬੈਕ ਪੰਨੇ 'ਤੇ ਪ੍ਰਸ਼ਨ ਹਾਂ/ਨਹੀਂ ਫਾਰਮੈਟ ਵਿਚ ਹਨ ਅਤੇ ਇਸ ਵਿਚ ਸਫਾਈ, ਵਰਤੋਂ ਵਿਚ ਅਸਾਨੀ, ਪਾਣੀ ਦੀ ਉਪਲੱਬਧਤਾ, ਵੈਂਟੀਲੇਸ਼ਨ, ਅੰਦਰ ਅਤੇ ਬਾਹਰ ਪ੍ਰਦਾਨ ਹੋਣ ਵਾਲੀ ਰੌਸ਼ਨੀ, ਬੋਲਟ ਦਾ ਕੰਮ ਕਰਨਾ, ਬਦਬੂ, ਆਦਿ ਦੇ ਪ੍ਰਸ਼ਨ ਸ਼ਾਮਲ ਹਨ।
ਬਹੁਤ ਧੂਮਧਾਮ ਨਾਲ ਉਦਘਾਟਨ ਕੀਤੇ ਜਾਣ ਦੇ ਬਾਵਜੂਦ ਸ਼ਹਿਰ ਦੇ ਜ਼ਿਆਦਾਤਰ ਜਨਤਕ ਪਖਾਨਿਆਂ ਦੀ ਹਾਲਤ ਮਾੜੀ ਹੈ ਜਾਂ ਟੁੱਟੇ ਹੋਏ ਕਮੋਡ, ਸੀਵਰੇਜ ਦੇ ਪਾਣੀ ਦਾ ਓਵਰਫਲੋ ਅਤੇ ਬਿਜਲੀ ਦੀ ਘਾਟ ਹੈ। ਚੰਡੀਗੜ੍ਹ (Chandigarh) ਨੂੰ 27 ਸਤੰਬਰ 2016 ਨੂੰ ਖੁਲ਼੍ਹੇ ਵਿਚ ਬਾਥਰੂਮ ਮੁਕਤ ਅਤੇ 19 ਸਤੰਬਰ 2019 ਨੂੰ ODF ++ ਪ੍ਰਮਾਣਤ ਕੀਤਾ ਗਿਆ ਸੀ। ਇਸ ਸਾਲ ਕੇਂਦਰ ਸ਼ਾਸਤ ਪ੍ਰਦੇਸ਼ ਐਸਬੀਐਮ ਵਾਟਰ ਪਲੱਸ ਪ੍ਰਮਾਣੀਕਰਣ ਲਈ ਮੁਕਾਬਲਾ ਕਰ ਰਿਹਾ ਹੈ, ਜੋ ਕਿ ਓਡੀਐਫ ++ ਤੋਂ ਜ਼ਿਆਦਾ ਹੈ।
ਇਹ ਵੀ ਪੜ੍ਹੋ - ਦੇਸ਼ ਵਿਚ ਸਾਹਮਣੇ ਆਏ ਕੋਰੋਨਾ ਦੇ 27,254 ਨਵੇਂ ਮਾਮਲੇ, 219 ਮਰੀਜ਼ਾਂ ਦੀ ਮੌਤ
2021 ਦੇ ਸਵੱਛ ਸਰਵੇਖਣ ਵਿਚ ਸਭ ਤੋਂ ਸਾਫ਼ ਸਥਾਨਾਂ ਵਿਚ ਸ਼ੁਮਾਰ ਹੋਣ ਲਈ ਐਸਬੀਐਮ ਵਾਟਰ+ ਇੱਕ ਸ਼ਹਿਰ ਲਈ 7-ਸਟਾਰ ਕੂੜਾ-ਮੁਕਤ ਸਿਟੀ ਸਟੇਟ ਰੇਟਿੰਗ ਲਈ ਮੁਕਾਬਲਾ ਕਰਨ ਦੀ ਇੱਕ ਪੂਰਵ ਸ਼ਰਤ ਵੀ ਹੈ। ਹਾਲਾਂਕਿ, ਇਸ ਵੇਲੇ ਸੈਕਟਰ 19 ਅਤੇ 22 ਮਨੀਮਾਜਰਾ ਜਾਂ ਹੋਰ ਭੀੜ-ਭਾੜ ਵਾਲੇ ਬਾਜ਼ਾਰਾਂ ਸਮੇਤ ਬਹੁਤ ਸਾਰੇ ਖੇਤਰਾਂ ਵਿਚ ਪਖਾਨੇ ਇੰਨੇ ਮਾੜੇ ਹਨ ਕਿ ਜ਼ਿਆਦਾਤਰ ਲੋਕ ਇਸ ਵੱਲ ਦੇਖਣਾ ਵੀ ਪਸੰਦ ਨਹੀਂ ਕਰਦੇ।