Sidhu's Love Story

ਕ੍ਰਿਕਟ ਤੋਂ ਰਾਜਨੇਤਾ ਬਣੇ ਨਵਜੋਤ ਸਿੱਧੂ ਰਾਜਨੀਤੀ ਵਿਚੋਂ ਕਾਫ਼ੀ ਸੁਰਖੀਆਂ ਬਟੋਰਦੇ ਰਹੇ ਹਨ ਉਹਨੀਂ ਹੀ ਉਹਨਾਂ ਦੀ ਚਰਚਾ ਕਪਿਲ ਸ਼ਰਮਾ ਸ਼ੋਅ ਵਿਚ ਹੈ। ਇਸ ਕਪਿਲ ਸ਼ਰਮਾ ਸ਼ੋਅ ਦੌਰਾਨ ਉਹਨਾਂ ਨੇ ਨਵਜੋਤ ਕੌਰ ਸਿੱਧੂ ਨਾਲ ਆਪਣੀ ਲਵ ਸਟੋਰੀ ਦਾ ਖੁਲਾਸਾ ਕੀਤਾ। ਕ੍ਰਿਕਟ ਦੇ ਧਾਕੜ ਬੱਲ਼ੇਬਾਜ਼ ਨਵਜੋਤ ਸਿੱਧੂ ਨੇ ਪਹਿਲੀ ਨਜ਼ਰ ਵਿਚ ਹੀ ਨਵਜੋਤ ਕੌਰ ਸਿੱਧੂ ਨੂੰ ਦਿਲ ਦੇ ਦਿੱਤਾ ਸੀ।

MBBS ਦੀ ਪੜ੍ਹਾਈ ਕਰਨ ਵਾਲੀ ਨਵਜੋਤ ਕੌਰ ਨਾਲ ਸਿੱਧੂ ਦੀਆਂ ਅੱਖਾਂ ਚਾਰ ਪਟਿਆਲਾ ਦੀ ਇਕ ਚਿਕਨ ਸ਼ਾਪ ਵਿਚ ਹੋਈਆ ਸਨ। ਜਦੋਂ ਨਵਜੋਤ ਕੌਰ ਸਿੱਧੂ ਮੈਡੀਕਲ ਕਾਲਜ ਤੋਂ ਪੜ੍ਹਾਈ ਕਰ ਕੇ ਬਾਹਰ ਨਿਕਲਦੀ ਤਾਂ ਸਿੱਧੂ ਕਾਲਜ ਦੇ ਬਾਹਰ ਉਹਨਾਂ ਦੀ ਉਡੀਕ ਵਿਚ ਖੜ੍ਹੇ ਹੁੰਦੇ ਸਨ। ਨਵਜੋਤ ਸਿੱਧੂ ਸਿੱਧੂ ਕੌਰ ਦਾ ਪਿੱਛਾ ਕਰਦੇ ਹੋਏ ਉਹਨਾਂ ਦੇ ਘਰ ਤੱਕ ਚਲੇ ਜਾਂਦੇ ਸਨ।

ਇਸ ਦੌਰਾਨ ਪਟਿਆਲਾ ਦੀ ਚਿਕਨ ਸ਼ਾਪ ਵਿਚ ਹਰ ਰੋਜ਼ ਜਾਇਆ ਕਰਦੇ ਉੱਥੇ ਕਿਸੇ ਨਾ ਕਿਸੇ ਦੋਸਤ ਨੂੰ ਚਿਕਨ ਖਵਾਉਂਦੇ ਅਤੇ ਉਹ ਖੁਦ ਨਵਜੋਤ ਕੌਰ ਦਾ ਇੰਤਜ਼ਾਰ ਕਰਦੇ। ਨਵਜੋਤ ਕੌਰ ਨੇ ਵੀ ਦੇਖਿਆ ਕਿ ਇਕ ਆਦਮੀ ਹਰ ਰੋਜ਼ ਉਹਨਾਂ ਦਾ ਪਿੱਛਾ ਕਰਦਾ ਹੈ ਅਤੇ ਫਿਰ ਉਹਨਾਂ ਦੋਨਾਂ ਦੀ ਜਾਣ-ਪਛਾਣ ਹੋ ਗਈ। ਨਵਜੋਤ ਕੌਰ ਅਤੇ ਨਵਜੋਤ ਸਿੱਧੂ ਵਿਚਕਾਰ ਅੱਖਾਂ ਹੀ ਅੱਖਾਂ ਵਿਚਕਾਰ ਗੱਲ ਹੋਣ ਲੱਗੀ ਅਤੇ ਇਹ ਗੱਲ ਹੌਲੀ ਹੌਲੀ ਅੱਗੇ ਵਧਣ ਲੱਗੀ ਅਤੇ ਇਹ ਸਿਲਸਿਲਾ ਦੋ ਸਾਲ ਤੱਕ ਚੱਲਦਾ ਰਿਹਾ।

ਨਵਜੋਤ ਕੌਰ ਦੇ ਇਸ ਸਿਲਸਿਲੇ ਵਿਚ ਉਹਨਾਂ ਦੀਆਂ ਸਹੇਲੀਆਂ ਨੇ ਵੀ ਉਹਨਾਂ ਦਾ ਪੂਰਾ ਸਾਥ ਦਿੱਤਾ। ਆਖਿਰਕਾਰ ਦੋਨਾਂ ਨੇ ਜੀਵਨਸਾਥੀ ਬਣਨ ਦਾ ਫੈਸਲਾ ਕਰ ਲਿਆ। ਕੌਰ ਨੇ ਦੱਸਿਆ ਕਿ ਜਦੋਂ ਉਹਨਾਂ ਦਾ ਵਿਆਹ ਹੋਣ ਵਾਲਾ ਸੀ ਤਾਂ ਨਵਜੋਤ ਸਿੱਧੂ ਨੇ ਕੌਰ ਦੀ ਜਨਮਪੱਤਰੀ ਮੰਗੀ ਉਹਨਾਂ ਕਿਹਾ ਕਿ ਜਦੋਂ ਤੱਕ ਪੱਤਰੀਨਹੀਂ ਮਿਲੇਗੀ ਤਾਂ ਵਿਆਹ ਨਹੀਂ ਹੋ ਸਕਦਾ।

ਆਖਿਰਕਾਰ ਉਹਨਾਂ ਨੇ ਨਵਜੋਤ ਸਿੰਘ ਸਿੱਧੂ ਨੂੰ ਆਪਣੀ ਪੱਤਰੀ ਦੇ ਦਿੱਤੀ ਅਤੇ ਉਹਨਾਂ ਦੇ 36 ਗੁਣ ਮਿਲੇ। ਇਸ ਤੋਂ ਬਾਅਦ ਦੋਨਾਂ ਦਾ ਵਿਆਹ ਹੋ ਗਿਆ। ਕੌਰ ਨੇ ਦੱਸਿਆ ਕਿ ਜਦੋਂ ਵਿਆਹ ਤੋਂ ਬਾਅਦ ਉਙਨਾਂ ਦੀਆਂ ਸਹੇਲੀਆਂ ਉਸ ਨੂੰ ਮਿਲਣ ਆਉਂਦੀਆਂ ਸਨ ਤਾਂ ਨਵਜੋਤ ਸਿੱਧੂ ਉਹਨਾਂ ਤੋਂ ਸ਼ਰਮਾਉਂਦੇ ਸਨ ਅਤੇ ਉਹਨਾਂ ਨਾਲ ਮਿਲਣਾ ਨਹੀਂ ਚਾਹੁੰਦੇ ਸਨ। ਉਹਨਾਂ ਦੱਸਿਆ ਕਿ ਕਈ ਵਾਰ ਤਾਂ ਉਹ ਸ਼ਰਮਾਉਂਦੇ ਹੋਏ ਬਾਥਰੂਮ ਵਿਚ ਵੀ ਲੁਕ ਜਾਂਦੇ ਸਨ।

ਕੌਰ ਨੇ ਦੱਸਿਆ ਕਿ ਜਦੋਂ ਸਿੱਧੂ ਸਕੂਟਰ ਦੌਰਾਨ ਉਹਨਾਂ ਦਾ ਪਿੱਛਾ ਕਰਦੇ ਸਨ ਤਾਂ ਉਹ ਕਹਿੰਦੇ ਸਨ ਕਿ ਹਾਂ ਕਰਦੇ, ਹਾਂ ਕਰਦੇ ਪਰ ਕੌਰ ਨਾ ਨਾ ਕਰਦੀ ਅੱਗੇ ਨਿਕਲ ਜਾਂਦੀ ਸੀ ਪਰ ਇਕ ਸਮਾਂ ਅਜਿਹਾ ਆਇਆ ਕਿ ਉਹਨਾਂ ਨੇ ਹਾਂ ਕਰ ਹੀ ਦਿੱਤੀ। ਇਸ ਜੋੜੇ ਦੀ ਹੁਣ ਇਕ ਬੇਟੀ ਅਤੇ ਬੇਟਾ ਹੈ। ਇਹਨਾਂ ਦੋਨਾਂ ਦਾ ਨਾਮ ਇਕੋ ਜਿਹਾ ਹੋਣ ਕਰਕੇ ਕਈ ਵਾਰ ਕਿਸੇ ਸਮਾਰੋਹ ਜਾਂ ਏਅਰਪੋਰਟ ਤੇ ਬਹੁਤ ਹਲਚਲ ਹੁੰਦੀ ਸੀ।