Captain Amrinder Singh

ਪਟਿਆਲਾ : ਪੂਰੇ ਦੇਸ਼ ਵਿਚ ਚੋਣਾਂ ਦਾ ਮਾਹੌਲ ਜਾਰੀ ਹੈ। ਪੀਐਮ ਨਰੇਂਦਰ ਮੋਦੀ ਦੀ ਰਾਜਨੀਤੀ ਜਿੱਥੇ ਗਿਆ ਹੈ। ਰਾਜ ਦੇ ਸੀਐਮ ਕੈਪਟਨ ਅਮਰਿੰਦਰ ਸਿੰਘ ਅਤੇ ਕੇਂਦਰੀ ਮੰਤਰੀ ਹਰਸਿਮਰਤ ਕੌਰ ਦੇ ਵਿਚ ਦਾਦਾ ਅਤੇ ਪੜਦਾਦਾ ਨੂੰ ਲੈ ਕੇ ਟਵਿਟਰ ‘ਤੇ ਜੰਗ ਛਿੜੀ ਹੋਈ ਹੈ। ਕੈਪਟਨ ਨੇ ਇਲਜ਼ਾਮ ਲਗਾਇਆ ਹੈ ਕਿ ਹਰਸਿਮਰਤ ਦੇ ਪੜਦਾਦਾ ਨੇ ਜਨਰਲ ਡਾਇਰ ਨੂੰ ਡਿਨਰ ਦਿੱਤਾ ਸੀ ਜਦਕਿ ਹਰਸਿਮਰਤ ਨੇ ਟਵਿਟਰ ‘ਤੇ ਇਕ ਫੋਟੋ ਸੇਅਰ ਕਰਕੇ ਦਾਅਵਾ ਕੀਤਾ ਸੀ ਕਿ ਕੈਪਟਨ ਅਮਰਿੰਦਰ ਦੇ ਦਾਦਾ ਇਸ ਵਿਚ ਜਨਰਲ ਡਾਇਰ ਦੇ ਨਾਲ ਹਨ।

ਦੱਸ ਦਈਏ ਕਿ ਕੈਪਟਨ ਅਮਰਿੰਦਰ ਸਿੰਘ ਦੇ ਦਾਦਾ ਭੁਪਿੰਦਰ ਸਿੰਘ ਲਗਪਗ 17 ਕਰੋੜ ਰੁਪਏ ਦੇ ਡਿਨਰ ਸੈਟ ਵਿਚ ਖਾਣਾ ਖਾਂਦੇ ਸੀ ਅਤੇ ਉਹ ਖੁਦ ਦਾ ਏਅਰਕ੍ਰਾਫ਼ਟ ਰੱਖਣ ਵਾਲੇ ਪਹਿਲੇ ਭਾਰਤੀ ਸੀ। ਦੀਵਾਨ ਜਰਮਨੀ ਦਾਸ ਨੇ ਅਪਣੀ ਕਿਤਾਬ ਮਹਾਰਾਜਾ ਵਿਚ ਉਨ੍ਹਾਂ ਦੇ ਸਾਹੀ ਸ਼ੌਂਕਾਂ ਦੀ ਬਖੁਬੀ ਬਿਆਨਬਾਜੀ ਕੀਤੀ ਹੈ। ਭੁਪਿੰਦਰ ਸਿੰਘ ਦਾ ਡਿਨਰ ਸੈਟ ਚਾਂਦੀ ਦੀ ਪਰਤ ਚੜ੍ਹਾ ਕੇ ਬਣਾਇਆ ਹੋਇਆ ਹੈ। ਇਸ ਡਿਨਰ ਸੈਟ ਵਿਚ 1400 ਪੀਸ ਸੀ। ਹਾਲਾਂਕਿ ਇਹ ਡਿਨਰ ਸੈਟ ਹੁਣ ਲੰਦਨ ਵਿਚ 19.6 ਲੱਖ ਪੌਂਡ ਵਿਚ ਨੀਲਾਮ ਹੋ ਚੁੱਕਾ ਹੈ।

ਲੰਦਨ ਦੇ ਕ੍ਰਿਸਟੀ ਨੀਲਾਮੀ ਘਰ ਦੇ ਮੁਤਾਬਿਕ ਇਹ ਡਿਨਰ ਸੈਟ ਇਕ ਅਣਪਛਾਤੇ ਵਿਅਕਤੀ ਤੋਂ ਖਰੀਦਿਆ ਗਿਆ ਸੀ। ਮਹਾਰਾਜਾ ਭੁਪਿਦਰ ਸਿੰਘ ਨੇ ਇਸ ਡਿਨਰ ਸੈਟ ਨੂੰ ਲੰਦਨ ਦੀ ਕੰਪਨੀ ਗੋਲਡਸਿਮਥਸ ਐਂਡ ਸਿਲਵਰ ਕੰਪਨੀ ਤੋਂ ਬਣਵਾਇਆ ਸੀ। ਮਹਾਰਾਜਾ ਦੀ ਜਾਇਦਾਦ ਤੇ ਅਨੁਮਾਨ ਇਸ ਗੱਲ ਤੋਂ ਲਗਾਇਆ ਜਾ ਸਕਦਾ ਹੈ ਕਿ ਉਹ ਅਪਣਾ ਖੁਦ ਦਾ ਜਹਾਜ ਰੱਖਣ ਵਾਲੇ ਪਹਿਲੇ ਭਾਰਤੀ ਸਨ।

ਇਸ ਡਿਨਰ ਸੈਟ ਵਿਚ 166 ਸ਼ੁਰੀ ਕਾਂਟੇ, ਡੇਜਰਟ ਦੇ 111 ਕਾਂਟੇ, 111 ਚੱਮਚ, 21 ਵੱਡੇ ਚੱਮਚ, ਸੂਪ ਦੇ ਲਈ ਉਪਯੋਗ ਵਿਚ ਲਗਾਏ ਜਾਣ ਵਾਲੇ 37 ਚੱਮਚ, ਸਲਾਦ ਪਰੋਸਣ ਲਈ 6 ਜੋੜੇ ਬਰਤਨ, ਚਿਮਟਿਆਂ ਦੇ 6 ਜੋੜੇ, ਸਬਜੀਆਂ ਕੱਟਣ ਵਾਲੀ ਕੈਂਚੀਆਂ ਦੇ 3 ਜੋੜੇ, 107 ਸਟੀਲ ਬਲੇਡ ਚਾਕੂ, ਫਲ ਅਤੇ ਹੋਰ ਕੰਮ ਕਰਨ ਲਈ ਪ੍ਰਯੋਗ ਵਿਚ ਲਿਆਏ ਜਾਣ ਵਾਲੇ 111 ਚਾਕੂ ਸ਼ਾਮਲ ਸੀ।

ਸਾਲ 1909 ਵਿਚ ਜਿਨ੍ਹਾਂ ਲੋਕਾਂ ਦੇ ਕੋਲ ਅਪਣੇ ਏਅਰਕ੍ਰਾਫ਼ਟ ਸੀ ਉਨਹਾਂ ਵਿਚ ਜ਼ਿਆਦਾਤਰ ਫ੍ਰੈਂਚ, ਜਰਮਨ, ਡੱਚ ਅਤੇ ਇੰਗਲਿਸ਼ ਵੀ ਸ਼ਾਮਲ ਸੀ। ਦੀਵਾਨ ਜਰਮਨੀ ਦਾਸ ਨੇ ਅਪਣੀ ਪੁਸਤਕ ਮਹਾਰਾਜਾ ਵਿਚ ਜ਼ਿਕਰ ਕੀਤਾ ਹੈ ਕਿ ਮਹਾਰਾਜਾ ਭੁਪਿੰਦਰ ਸਿੰਘ ਨੇ ਜਵਾਨੀ ਵਿਚ ਹੀ 3 ਜਹਾਜ ਖਰੀਦ ਲਏ ਸੀ। ਉਹ ਭਾਰਤ ਦੇ ਪਹਿਲੇ ਵਿਅਕਤੀ ਸੀ ਜਿਨ੍ਹਾਂ ਕੋਲ ਅਪਣੇ ਹਵਾਈ ਜਹਾਜ ਸੀ। ਜਰਮਨੀ ਦਾਸ ਦੀ ਪੁਸਤਕ ਦੇ ਮੁਤਾਬਿਕ ਮਹਾਰਾਜਾ ਆਫ਼ ਪਟਿਆਲਾ ਏਅਰਕ੍ਰਾਫਟ ਸੰਬੰਧੀ ਬਹੁਤ ਰੁਚੀ ਰੱਖਦੇ ਸੀ।

ਉਨ੍ਹਾਂ ਨੇ ਅਪਣੇ ਚੀਫ਼ ਇੰਜਨੀਅਰ ਨੂੰ ਇਸ ਸੰਬੰਧ ਵਿਚ ਅਧਿਐਨ ਕਰਨ ਲਈ ਯੂਰਪ ਵੀ ਭੇਜਿਆ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਫਾਰ ਮੈਨ ਬਾਈ ਪਲੈਨ ਅਤੇ ਮੋਨੋ ਪਲਾਨ ਵੀ ਖਰੀਦੇ ਸਨ।