ਐਸ.ਏ.ਐਸ ਨਗਰ : ਜ਼ਿਲ੍ਹਾ ਮੋਹਾਲੀ ਦੇ ਡੇਰਾਬਸੀ ਥਾਣੇ 'ਚ ਮੁਨਸ਼ੀ ਕਾਲੇ ਖ਼ਾਨ ਨੇ ਏਐੱਸਆਈ ਲਖਵਿੰਦਰ ਸਿੰਘ ਦਾ ਗੋਲੀ ਮਾਰ ਕੇ ਕਤਲ ਕਰ ਦਿੱਤਾ ਹੈ। ਦਰਅਸਲ ਹੌਲਦਾਰ ਲੇਖਰਾਜ  ਤੇ ਨਾਈਟ ਮੁਨਸ਼ੀ ਦੀ ਡਿਊਟੀ ਲਗਾਉਣ ਪਿੱਛੇ ਲੜਾਈ ਹੋ ਗਈ । ਦੋਨਾਂ ਦੀ ਲੜਾਈ ਏਨੀ ਵੱਧ ਗਈ ਕਿ ਨਾਈਟ ਮੁਨਸ਼ੀ ਕਾਲੇ ਖਾਨ ਨੇ ਗੋਲੀ ਚਲਾ ਦਿੱਤੀ। ਜੋ ਏਐੱਸਆਈ ਲਖਵਿੰਦਰ ਸਿੰਘ ਦੀ ਠੋਡੀ ਤੇ ਜਾ ਵੱਜੀ ਜਿਸ ਨਾਲ ਉਸ ਦੀ ਮੌਕੇ ਤੇ ਹੀ ਮੌਤ ਹੋ ਗਈ ।

ਮੁਨਸ਼ੀ ਦਾ ਕਹਿਣਾ ਹੈ ਕਿ ਹੈਡ ਕਾਂਸਟੇਬਲ ਲੇਖ ਰਾਜ ਨਾਲ ਡਿਊਟੀ ਲਗਾਉਣ ਪਿੱਛੇ ਉਸਦੀ ਲੜਾਈ ਹੋ ਗਈ ਜਿਸ ਤੋਂ ਬਾਅਦ ਉਸ ਕੋਲੋਂ ਗੋਲੀ ਚੱਲੀ ਤੇ ਥਾਣੇ ਵਿਚ ਚਲਾਣ ਜਮਾ ਕਰਵਾਉਣ ਆਏ ASI ਲਖਵਿੰਦਰ ਸਿੰਘ ਦੀ ਮੌਤ ਹੋ ਗਈ। ਦੱਸ ਦੇਈਏ ਕਿ ASI ਲਖਵਿੰਦਰ ਸਿੰਘ ਨੇ ਡੀਏਵੀ ਸਕੂਲ ਨੇੜੇ ਡਰੰਕ ਐਂਡ ਡਰਾਈਵ ਦਾ ਨਾਕਾ ਲਗਾਇਆ ਹੋਇਆ ਸੀ ਅਤੇ ਉਹ ਰਾਤੀਂ 9:45 ਤੇ ਡੇਰਾਬੱਸੀ ਥਾਣੇ ਵਿਚ ਚਲਾਨ ਜਮ੍ਹਾਂ ਕਰਾਉਣ ਗਿਆ ਸੀ।

ਜਿੱਥੇ ਨਾਈਟ ਮੁਨਸ਼ੀ ਕਾਲੇ ਖ਼ਾਨ ਤੇ ਹੌਲਦਾਰ ਲੇਖਰਾਜ ਦੀ ਹੋ ਰਹੀ ਲੜਾਈ ਵਿਚ ਉਸਦੀ ਮੌਤ ਹੋ ਗਈ। ਇਸਦੇ ਨਾਲ ਹੀ ਦੱਸਿਆ ਜਾ ਰਿਹਾ ਹੈ ਮੁਨਸ਼ੀ ਕਾਲੇ ਖ਼ਾਨ ਦੀ ਸ਼ਰਾਬ ਪੀਤੀ ਹੋਈ ਸੀ ਅਤੇ ਨਸ਼ੇ ਵਿਚ ਚੂਰ ਮੁਨਸ਼ੀ ਨੇ ਲਖਵਿੰਦਰ ਸਿੰਘ ਨੂੰ ਗੋਲੀ ਮਾਰ ਦਿੱਤੀ ਤੇ ਹੁਣ  ਮੁਨਸ਼ੀ ਕਾਲੇ ਖ਼ਾਨ ਪੁਲਿਸ ਦੀ ਹਿਰਾਸਤ ਵਿਚ ਹੈ।