Girl dead body found without head

ਚੇਤਨਪੁਰਾ : ਇਹ ਖ਼ੌਫ਼ਨਾਕ ਤਸਵੀਰਾਂ ਲਾਹੌਰ ਨਹਿਰ ਬ੍ਰਾਂਚ ਜਗਦੇਵ ਕਲਾਂ 'ਚ ਪਿੰਡ ਕੰਦੋਵਾਲੀ ਦੇ ਨਜ਼ਦੀਕ ਦੀਆਂ ਹਨ। ਜਿੱਥੋਂ ਇਕ  ਨਹਿਰ 'ਚੋਂ ਕੁੜੀ ਦੀ ਸਿਰ ਕੱਟੀ ਲਾਸ਼ ਮਿਲਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਇਸ ਸਬੰਧੀ ਥਾਣਾ ਝੰਡੇਰ ਦੇ ਸਬ-ਇੰਸਪੈਕਟਰ ਜਗਬੀਰ ਸਿੰਘ ਨੇ ਪੁਲਿਸ ਪਾਰਟੀ ਸਮੇਤ ਪਹੁੰਚ ਕੇ ਲਾਸ਼ ਨੂੰ ਕਬਜ਼ੇ 'ਚ ਲੈਣ ਮੌਕੇ ਪ੍ਰੈੱਸ ਨੂੰ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਹ ਲਾਸ਼ ਕਰੀਬ 20 ਸਾਲਾ ਕੁੜੀ ਦੀ ਹੈ। 

ਜਿਸ ਦੇ ਸਿਰ ਅਤੇ ਹੱਥ-ਪੈਰ ਕੱਟੇ ਹੋਏ ਹਨ। ਲੜਕੀ ਨੇ ਚਿੱਟੇ ਰੰਗ ਦੀ ਸ਼ਰਟ ਤੇ ਲਾਲ ਰੰਗ ਦਾ ਲੋਹਰ ਪਾਇਆ ਹੋਇਆ ਹੈ। ਪੁਲਿਸ ਨੇ ਲਾਸ਼ ਨੂੰ ਕਬਜ਼ੇ 'ਚ ਲੈ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ਤੇ ਪੂਰੇ ਇਲਾਕੇ 'ਚ ਸਿਰ ਕੱਟੀ ਲਾਸ਼ ਮਿਲਣ ਨਾਲ ਦਹਿਸ਼ਤ ਦਾ ਮਾਹੌਲ ਬਣਿਆ ਹੋਇਆ ਹੈ।