Attack on father and minor son with ice breake

ਨਾਭਾ : ਅੱਜ ਦੇ ਯੁੱਗ ਵਿੱਚ ਇਨਸਾਨਾਂ ਵਿਚ ਸਹਿਣਸੀਲਤਾ ਖ਼ਤਮ ਹੀ ਹੁੰਦੀ ਜਾ ਰਹੀ ਹੈ ਅਤੇ ਹਰ ਵਿਅਕਤੀ ਨਿੱਕੀ ਜਿਹੀ ਗੱਲ ਨੂੰ ਲੈ ਕੇ ਖੂਨ ਦਾ ਪਿਆਸਾ ਹੁੰਦਾ ਜਾ ਰਿਹਾ ਹੈ। ਨਾਭਾ ਤੋਂ ਇੱਕ ਅਜਿਹੀ ਹੀ ਲੜਾਈ ਦਾ ਮਾਮਲਾ ਸਾਹਮਣੇ ਆ ਰਿਹਾ ਹੈ। ਜਿਸ ਵਿਚ ਇੱਕ ਵਿਅਕਤੀ ਨੇ ਦੋ ਪਿਓ ਪੁੱਤਰਾਂ ਤੇ ਬਰਫ ਤੋੜਨ ਵਾਲੇ ਸੂਏ ਨਾਲ ਹਮਲਾ ਕਰ ਦਿੱਤਾ।

ਦੱਸ ਦਈਏ ਕਿ ਨਾਭਾ ਭਵਾਨੀਗੜ ਰੋਡ ਤੇ ਗੰਨੇ ਦੇ ਰਸ ਦੀ ਰਹੇੜੀ ਲਗਾ ਰਹੇ ਦੋ ਵਿਅਕਤੀਆ ਦੀ ਥੋੜੀ ਜਿਹੀ ਗੱਲ ਨੂੰ ਲੈ ਕੇ ਕਹਾ ਸੁਨੀ ਹੋ ਗਈ। ਮੌਕੇ 'ਤੇ ਬਜਿੰਦਰ ਕੁਮਾਰ 22 ਸਾਲਾ ਨੂੰ ਨਾਲ ਵਾਲੇ ਰੇਹੜੀ ਵਾਲੇ ਨੇ ਬਰਫ਼ ਕੱਟਣ ਵਾਲੇ ਸੂਏ ਦੇ ਨਾਲ ਜ਼ਖਮੀ ਕਰ ਦਿੱਤਾ। ਜਦੋ ਬਜਿੰਦਰ ਕੁਮਾਰ ਦੇ ਪਿਤਾ ਪ੍ਰੇਮ ਪਾਲ 55 ਸਾਲਾ ਨੇ ਹਟਾਉਣ ਦੀ ਕੋਸਿਸ ਕੀਤੀ ਤਾਂ ਉਸ ਵਿਅਕਤੀ ਨੇ ਉਸ ਤੇ ਵੀ ਸੂਏ ਦੇ ਨਾਲ ਵਾਰ ਕਰ ਦਿੱਤੇ ਤੇ ਦੋਸ਼ੀ ਨੂੰ ਮੌਕੇ ਤੋ ਫਰਾਰ ਹੋ ਗਿਆ।

ਇਸ ਮੌਕੇ ਤੇ ਨਾਭਾ ਦੇ ਐਸ.ਐਮ ਓ ਸੰਜੇ ਗੋਇਲ ਨੇ ਕਿਹਾ ਕਿ ਇਹਨਾਂ ਦੋਵੇ ਵਿਅਕਤੀਆ ਦੀ ਹਾਲਤ ਬਹੁਤ ਖਰਾਬ ਸੀ ਅਤੇ ਜਿੰਨਾ ਨੂੰ ਪਟਿਆਲਾ ਰਾਜਿੰਦਰ ਹਸਪਤਾਲ ਰੈਫਰ ਕਰ ਦਿੱਤਾ ਹੈ। ਜ਼ਖਮੀ ਹੋਏ ਪ੍ਰੇਮ ਲਾਲ ਨੇ ਦੱਸਿਆ ਕਿ ਮੇਰੇ ਬੇਟਾ ਗੰਨੇ ਦੀ ਰੇਹੜੀ ਤੇ ਕੰਮ ਕਰ ਰਿਹਾ ਸੀ ਤਾਂ ਨਾਲ ਲਗਦੇ ਵਿਅਕਤੀ ਨੇ ਕਿਸੇ ਗੱਲ ਨੂੰ ਲੈ ਕੇ ਮੇਰੇ ਬੇਟੇ ਅਤੇ ਮੇਰੇ ਤੇ ਤੇਜ ਧਾਰ ਸੂਏ ਨਾਲ ਵਾਰ ਕਰ ਦਿੱਤੇ ਅਤੇ ਸਾਨੂੰ ਬਹੁਤ ਮੁਸਕਿਲ ਨਾਲ ਲੋਕਾਂ ਨੇ ਛਡਵਾਇਆ।

ਮੌਕੇ ਤੇ ਮੌਜੂਦ ਚਸ਼ਮਦੀਦ ਨੇ ਦੱਸਿਆ ਕੀ ਮੇਰੇ ਸਾਹਮਣੇ ਘਟਨਾ ਵਾਪਰੀ ਹੈ ਇਨ੍ਹਾਂ ਬਾਪ-ਪੁੱਤਰ ਤੇ ਨਾਲ ਖੜੇ ਵਿਅਕਤੀ ਨੇ ਸੂਏ ਦੇ ਨਾਲ ਵਾਰ ਕੀਤੇ ਅਤੇ ਇਹ ਦੋਵਾਂ ਦੀ ਹਾਲਤ ਨਾਜ਼ੁਕ ਹੈ। ਨਾਭਾ ਦੇ ਐਸ.ਐਮ ਓ ਸੰਜੇ ਗੋਇਲ ਨੇ ਕਿਹਾ ਕਿ ਇਨ੍ਹਾਂ ਦੋਵੇਂ ਵਿਅਕਤੀਆ ਦੀ ਹਾਲਤ ਬਹੁਤ ਖਰਾਬ ਸੀ ਅਤੇ ਜਿਨ੍ਹਾਂ ਨੂੰ ਪਟਿਆਲਾ ਦੇ ਰਜਿੰਦਰਾ ਹਸਪਤਾਲ ਰੈਫਰ ਕਰ ਦਿੱਤਾ ਹੈ।