ਅੰਮ੍ਰਿਤਸਰ: ਜਿਸ ਦੇ ਸਿਰ ਤੇ ਪ੍ਰਮਾਤਮਾ ਦਾ ਹੱਥ ਹੁੰਦਾ ਹੈ ਉਸ ਦਾ ਕੋਈ ਵਾਲ ਵੀ ਵਿੰਗਾ ਨਹੀਂ ਕਰ ਸਕਦਾ। ਜਦ ਵੀ ਕਿਸੇ ਨੂੰ ਮਦਦ ਦੀ ਲੋੜ ਪੈਂਦੀ ਏ ਪ੍ਰਮਾਤਮਾ ਕਿਸੇ ਨਾ ਕਿਸੇ ਨੂੰ ਫਰਿਸ਼ਤੇ ਦੇ ਰੂਪ ਵਿੱਚ ਪਹੁੰਚ ਹੀ ਜਾਂਦਾ ਹੈ। ਇੰਸਾਨੀਅਤ ਦੀ ਜਿਉਂਦੀ ਜਾਗਦੀ ਮਿਸਾਲ ਇਸ ਵੀਰ ਨੇ ਕਾਇਮ ਕੀਤੀ ਹੈ। ਦੱਸ ਦਈਏ ਇਹ ਗੱਲ ਅੰਮ੍ਰਿਤਸਰ ਦੇ ਬਤਾਲਾ ਦੀ ਹੈ ਜਿਥੇ ਗੋਬਿੰਦ ਸਿੰਘ ਨਾਂ ਦੇ ਵਿਅਕਤੀ ਦੀਆ ਕਰੰਟ ਲਗਨ ਕਰ ਕੇ ਬਾਂਹਾ ਕੱਟੀਆ ਗਈਆ ਸਨ।
ਜਦ ਉਸ ਦੇ ਗਰੀਬ ਪਰਿਵਾਰ ਨੂੰ ਸਹਾਇਤਾ ਦੀ ਸਭ ਤੋਂ ਜਿਆਦਾ ਜਰੂਰਤ ਸੀ ਤਾਂ ਇਹ ਪੰਜਾਬ ਪੁਲਿਸ ਦਾ ਮੁਲਾਜ਼ਮ ਸਤਿੰਦਰ ਗਿੱਲ ਵੀਰ ਪਰਿਵਾਰ ਦੀ ਮਦਦ ਲਈ ਪਹੁੰਚ ਗਿਆ ਜਿਸ ਨੇ ਜਿਥੇ ਪਰਿਵਾਰ ਦੀ ਮਦਦ ਉਥੇ ਹੀ ਹਰ ਮਹੀਨੇ ਰਾਸ਼ਨ ਤੇ ਲੋੜੀਦਾ ਸਮਾਨ ਦੇਣ ਦਾ ਵਾਅਦਾ ਕੀਤਾ। ਉਹਨਾਂ ਦਸਿਆ ਕਿ ਲੋਕਾਂ ਦੀ ਮਦਦ ਨਾਲ ਹੀ ਉਹਨਾਂ ਨੇ ਇਸ ਪਰਿਵਾਰ ਦੀ ਮਦਦ ਕੀਤੀ ਹੈ।
ਦੱਸ ਦਈਏ ਕਿ ਪ੍ਰਮਾਤਮਾ ਵੀ ਸਾਡੇ ਤੋਂ ਉਦੋ ਹੀ ਖੁੱਸ਼ ਹੁੰਦਾ ਹੈ। ਜਦ ਅਸੀਂ ਕਿਸੇ ਲੋੜਵੰਦ ਵਿਅਕਤੀ ਦੀ ਸਹਾਇਤਾ ਕਰਦੇ ਹਾਂ। ਇਸ ਵੀਰ ਵੱਲੋ ਕੀਤਾ ਇਹ ਕੰਮ ਸ਼ਲਾਘਾ ਯੋਗ ਹੈ। ਅਜਿਹੇ ਵੀਰ ਹੀ ਸਾਡੇ ਵਿੱਚ ਗਰੀਬਾਂ ਦੀ ਸਹਾਇਤਾ ਕਰਨ ਦਾ ਜੋਸ਼ ਪੈਦਾ ਕਰਦੇ ਹਨ। ਦਸ ਦਈਏ ਕਿ ਪੰਜਾਬ ਪੁਲਿਸ ਅਕਸਰ ਹੀ ਆਪਣੇ ਸਖਤ ਰਵੱਈਏ ਕਰਕੇ ਜਾਣੀ ਜਾਂਦੀ ਹੈ ਪਰ ਪੰਜਾਬ ਪੁਲਿਸ ਦੇ ਕਾਂਸਟੇਬਲ ਪੀਪੀ ਗੋਲਡੀ ਲੋਕਾਂ ਦੀ ਮਦਦ ਵੀ ਕਰਦੇ ਹਨ।
ਸੋਸ਼ਲ ਮੀਡੀਆ ਤੇ ਇਕ ਵੀਡੀਓ ਵਾਇਰਲ ਹੋਈ ਸੀ ਜੋ ਕਿ ਸਾਡੇ ਸਮਾਜ ਦੀ ਤਰਾਸਦੀ ਨੂੰ ਸਾਫ ਬਿਆਨ ਕਰਦੀ ਸੀ ਤੇ ਵੀਡੀਓ ਮੋਗਾ ਤੋਂ ਮਖੂ ਨੂੰ ਜਾਂਦੇ ਹਾਈਵੇਅ ਦੀ ਦੱਸੀ ਗਈ ਸੀ ਜਿੱਥੇ ਸੜਕ 'ਤੇ ਕੜਕਦੀ ਧੁੱਪ ਵਿਚ ਇੱਕ ਨੌਜਵਾਨ ਦੌਰਾ ਪੈਣ ਨਾਲ ਡਿਗ ਜਾਂਦਾ ਹੈ। ਆਲੇ ਦੁਆਲੇ ਸੈਂਕੇੜੇ ਦੀ ਮਾਤਾਰਾ ਵਿਚ ਗੱਡੀਆਂ ਗੁਜ਼ਰਦੀਆਂ ਨੇ ਪਰ ਕੋਈ ਵੀ ਇਸ ਸ਼ਖਸ ਨੂੰ ਚੁੱਕਣ ਦੀ ਜ਼ੁਅਰਤ ਨਹੀਂ ਕਰਦਾ।
ਜਿਸ ਤੋਂ ਬਾਅਦ ਪੰਜਾਬ ਪੁਲਿਸ ਦਾ ਮੁਲਾਜ਼ਮ ਪੀ ਪੀ ਗੋਲਡੀ ਆਪਣੀ ਟੀਮ ਨਾਲ ਪਹੁੰਚ ਇਸ ਸ਼ਖਸ ਨੂੰ ਚੁਕਦੇ ਹਨ। ਪੀਪੀ ਗੋਲਡੀ ਉਸ ਨੂੰ ਪਾਣੀ ਪਿਲਾਉਂਦੇ ਹਨ ਤੇ ਉਸ ਦਾ ਹਾਲ ਚਾਲ ਪੁੱਛਦੇ ਹਨ ਕਿ ਘਟਨਾ ਕਿਵੇਂ ਵਾਪਰੀ। ਇਸ ਤੋਂ ਇਹੀ ਸਿੱਧ ਹੁੰਦਾ ਹੈ ਲੋਕਾਂ ਵਿਚ ਇਨਸਾਨੀਅਤ ਬਿਲਕੁੱਲ ਹੀ ਮਰ ਚੁੱਕੀ ਹੈ।
ਇਸ ਦੇ ਨਾਲ ਹੀ ਉਹਨਾਂ ਨੇ ਲੋਕਾਂ ਨੂੰ ਵੀ ਇਹੀ ਅਪੀਲ ਕੀਤੀ ਹੈ ਕਿ ਉਹਨਾਂ ਨੂੰ ਵੀ ਜੇ ਕੋਈ ਸੜਕ ਤੇ ਡਿੱਗਿਆ ਹੋਇਆ ਮਿਲਦਾ ਹੈ ਤਾਂ ਉਸ ਦਾ ਹਾਲ-ਚਾਲ ਪੁੱਛੋ, ਉਸ ਨੂੰ ਪਾਣੀ ਪਿਲਾਓ ਤੇ ਉਸ ਬਾਰੇ ਜਾਣਕਾਰੀ ਲੈ ਕੇ ਉਸ ਨੂੰ ਉਸ ਦੇ ਘਰ ਛੱਡਣ ਦੀ ਕੋਸ਼ਿਸ਼ ਕਰੋ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।