Small Car Junk Material Amazing Car

ਹੁਸ਼ਿਆਰਪੁਰ: ਕਹਿੰਦੇ ਨੇ ਕਿ ਜੇ ਹੌਂਸਲੇ ਬੁਲੰਦ ਹੋਣ ਤਾਂ ਕੁੱਝ ਵੀ ਕਰਨਾ ਨਾਮੁਮਕਿਨ ਨਹੀਂ ਹੈ ਤੇ ਇਹ ਸਭ ਕੁੱਝ ਕਰ ਦਿਖਾਇਆ ਹੈ ਹੁਸ਼ਿਆਰਪੁਰ ਦੇ ਸ਼ਖ਼ਸ ਜਿੰਦਲ ਨੇ ਜਿਸ ਦੀ ਗੱਡੀ ਬਜ਼ਾਰਾਂ ਵਿਚ ਘੁੰਮਦੀ ਨਜ਼ਰ ਆ ਰਹੀ ਹੈ। ਤਸਵੀਰਾਂ ਵਿਚ ਦੇਖਿਆ ਜਾ ਸਕਦਾ ਹੈ ਕਿ ਛੋਟੀ ਜਿਹੀ ਗੱਡੀ ਨੂੰ ਦੇਖ ਕੇ ਹਰ ਕੋਈ ਹੈਰਾਨ ਰਹਿ ਜਾਂਦਾ ਹੈ।

ਦਰਅਸਲ ਜਿੰਦਲ ਦੀ ਤਮੰਨਾ ਸੀ ਕਿ ਉਸ ਕੋਲ ਵੀ ਇਕ ਗੱਡੀ ਹੋਵੇ ਤੇ ਨਾਲ ਹੀ ਲੋਕਾਂ ਵਿਚ ਉਸ ਦਾ ਨਾਮ ਵੀ ਹੋਣਾ ਚਾਹੀਦਾ ਹੈ। ਬਸ ਇਸੇ ਤਮੰਨਾ ਦੇ ਚਲਦਿਆਂ ਜਿੰਦਲ ਨੇ ਸਕੂਟਰੀ ਤੋਂ ਗੱਡੀ ਤਿਆਰ ਕਰ ਲਈ। ਕੁੱਝ ਕੁ ਸਮਾਨ ਕਬਾੜ ਵਿਚੋਂ ਲਿਆ ਗਿਆ ਤੇ ਕੁੱਝ ਕੁ ਖਰੀਦਿਆ ਗਿਆ। ਹੌਂਸਲਿਆਂ ਨਾਲ ਬਣੀ ਹੋਈ ਇਹ ਛੋਟੀ ਜਿਹੀ ਗੱਡੀ ਬਜ਼ਾਰ ਵਿਚ ਹਰ ਇਕ ਦੀ ਖਿੱਚ ਦਾ ਕੇਂਦਰ ਬਣੀ ਹੋਈ ਹੈ।

ਉਹਨਾਂ ਦਸਿਆ ਕਿ ਉਹਨਾਂ ਨੇ ਦਿਲੀ ਤਮੰਨਾ ਸੀ ਕਿ ਉਹਨਾਂ ਕੋਲ ਅਜਿਹੀ ਗੱਡੀ ਹੋਵੇ ਜਿਸ ਨਾਲ ਉਹਨਾਂ ਦੀ ਚਾਰੇ ਪਾਸੇ ਚਰਚਾ ਵੀ ਹੋਵੇ। ਫਿਰ ਉਹਨਾਂ ਨੇ ਕਬਾੜ ਦਾ ਸਮਾਨ ਇਕੱਠਾ ਕੀਤਾ ਤੇ ਇਕ ਹੌਂਡਾ ਵੀ ਖਰੀਦਿਆ। ਵੈਲਡਿੰਗ ਦੀ ਸਹਾਇਤਾ ਨਾਲ ਇਸ ਨੂੰ ਤਿਆਰ ਕੀਤਾ ਗਿਆ।

ਸਮਾਨ ਇਕੱਠਾ ਕਰਨ ਲਈ ਉਹਨਾਂ ਨੂੰ 10 ਦਿਨ ਲੱਗੇ ਸਨ ਤੇ 1 ਹਫ਼ਤੇ ਦੇ ਅੰਦਰ ਗੱਡੀ ਤਿਆਰ ਕੀਤੀ ਗਈ ਹੈ। ਗੱਡੀ ਦਾ ਅਗਲਾ ਹਿੱਸਾ ਮਰੂਤੀ ਕਾਰ ਦਾ ਲਿਆ ਗਿਆ ਹੈ ਤੇ ਇਸ ਦੇ ਟੈਰ ਸਕੂਟਰ ਦੇ ਲਗਾਏ ਗਏ ਹਨ। ਇਕ ਲੀਟਰ ਨਾਲ 30 ਕਿਲੋਮੀਟਰ ਦੀ ਦੂਰੀ ਤੈਅ ਹੋ ਜਾਂਦੀ ਹੈ।

ਇਸ ਗੱਡੀ ਦਾ ਸ਼ੀਸ਼ਾ ਸਰਹੰਦ ਤੋਂ ਲਿਆਂਦਾ ਗਿਆ ਹੈ। ਇਸ ਗੱਡੀ ਤੇ ਲਗਭਗ 30 ਹਜ਼ਾਰ ਖਰਚ ਆ ਗਿਆ ਹੈ। ਜਿੰਦਲ ਦਾ ਕਹਿਣਾ ਹੈ ਕਿ ਰੱਬ ਨੇ ਉਸ ਨੂੰ ਕਲਾ ਦਿੱਤੀ ਹੋਈ ਹੈ ਜਿਸ ਦੇ ਰਾਂਹੀ ਉਹ ਅਪਣਾ ਸੁਪਨਾ ਪੂਰਾ ਕਰ ਸਕਿਆ ਹੈ। ਭਾਂਵੇ ਰੱਬ ਨੇ ਉਸ ਨੂੰ ਇਕ ਵੱਡੀ ਗੱਡੀ ਨਹੀਂ ਦਿੱਤੀ ਪਰ ਕਲਾ ਅਤੇ ਅਪਣੇ ਹੌਂਸਲਿਆਂ ਨਾਲ ਜਿੰਦਲ ਨੇ ਅਪਣਾ ਅਤੇ ਅਪਣੇ ਪਰਿਵਾਰ ਦਾ ਸੁਪਨਾ ਪੂਰਾ ਕਰ ਦਿੱਤਾ ਹੈ।