Jalalabad News : ਜਲਾਲਾਬਾਦ 'ਚ 10 ਲੱਖ ਰੁਪਏ ਦੀ ਲਾਟਰੀ ਦਾ ਜੇਤੂ ਲਾਪਤਾ, ਵਿਕਰੇਤਾ ਕਰ ਰਹੇ ਭਾਲ
Jalalabad News : ਬੀਤੀ ਦਿਨ ਹੀ ਐਲਾਨਿਆ ਗਿਆ ਟਿਕਟ ਦਾ ਨਤੀਜਾ
Lottery Winner missing in Jalalabad News in punjabi: ਪੰਜਾਬ ਸਟੇਟ ਪਿਆਰੀ ਵਿਸਾਖੀ ਬੰਪਰ ਲਾਟਰੀ 2024 ਦੇ ਨਤੀਜੇ ਸ਼ਨੀਵਾਰ ਰਾਤ 8 ਵਜੇ ਘੋਸ਼ਿਤ ਕੀਤੇ ਗਏ ਹਨ। ਇਸ ਵਾਰ ਪਹਿਲਾ ਇਨਾਮ 2.5 ਕਰੋੜ ਰੁਪਏ ਰੱਖਿਆ ਗਿਆ ਹੈ। ਦੂਜੇ ਦੀ ਕੀਮਤ 10 ਲੱਖ ਰੁਪਏ ਹੈ। ਇਸ ਵਿਸਾਖੀ ਬੰਪਰ ਦਾ ਜਲਾਲਾਬਾਦ ਵਿੱਚ ਇੱਕ ਇਨਾਮ ਨਿਕਲਿਆ ਹੈ। ਹਾਲਾਂਕਿ, ਜਿਸ ਵਿਅਕਤੀ ਨੇ ਇਹ ਲਾਟਰੀ ਜਿੱਤੀ ਹੈ। ਉਸ ਦਾ ਕੋਈ ਸੁਰਾਗ ਨਹੀਂ ਮਿਲ ਸਕਦਾ।
ਇਹ ਵੀ ਪੜ੍ਹੋ: Haryana News : ਦੇਸ਼ ਦੀ ਸੇਵਾ ਕਰਦਾ ਫੌਜੀ ਹੋਇਆ ਸ਼ਹੀਦ, ਡਿਊਟੀ ਦੌਰਾਨ ਹੀ ਪਿਆ ਦਿਲ ਦਾ ਦੌਰਾ
ਦਰਅਸਲ ਸ਼ਨੀਵਾਰ ਦੀ ਸ਼ਾਮ 8:00 ਵਜੇ ਐਲਾਨੇ ਗਏ ਵਿਸਾਖੀ ਬੰਪਰ ਦੇ ਨਤੀਜਿਆਂ ਵਿੱਚ ਫਾਜ਼ਿਲਕਾ ਜ਼ਿਲ੍ਹੇ ਦੇ ਜਲਾਲਾਬਾਦ ਵਿੱਚ ਪੰਜਾਬ ਨੈਸ਼ਨਲ ਬੈਂਕ ਨੇੜੇ ਇੱਕ ਪ੍ਰਾਈਵੇਟ ਲਾਟਰੀ ਵਿਕਰੇਤਾ ਤੋਂ ਖਰੀਦੀ ਗਈ ਟਿਕਟ ਉੱਤੇ 10 ਲੱਖ ਰੁਪਏ ਦਾ ਦੂਜਾ ਇਨਾਮ ਜਿੱਤਿਆ ਗਿਆ ਹੈ।
ਜੇਤੂ ਦੀ ਭਾਲ ਜਾਰੀ
ਹਾਲਾਂਕਿ, ਇਹ ਪਤਾ ਨਹੀਂ ਲੱਗ ਰਿਹਾ ਕਿ ਇਹ ਕਿਸ ਦਾ ਇਨਾਮ ਹੈ। ਲਾਟਰੀ ਵਿਕਰੇਤਾ ਕਰਨ ਦਾ ਕਹਿਣਾ ਹੈ ਕਿ ਇਹ ਲਾਟਰੀ ਟਿਕਟ ਬੀਤੇ ਦਿਨ ਵਿਕ ਗਈ ਸੀ, ਟਿਕਟ ਖਰੀਦਣ ਸਮੇਂ ਖਰੀਦਦਾਰ ਆਪਣਾ ਕੋਈ ਨਾਂ-ਪਤਾ ਦਰਜ ਕਰਵਾ ਕੇ ਉਸ ਕੋਲ ਨਹੀਂ ਗਿਆ ਅਤੇ ਹੁਣ ਤੱਕ ਨਾ ਤਾਂ ਕੋਈ ਉਸ ਕੋਲ ਆਇਆ ਅਤੇ ਨਾ ਹੀ ਕਿਸੇ ਨੇ ਉਸ ਨਾਲ ਸੰਪਰਕ ਕੀਤਾ ਹੈ | ਟਿਕਟ ਵੇਚਣ ਵਾਲੇ ਨੇ ਕਿਹਾ ਕਿ ਖਰੀਦਦਾਰ ਦੀ ਭਾਲ ਕੀਤੀ ਜਾ ਰਹੀ ਹੈ।
ਇਹ ਵੀ ਪੜ੍ਹੋ: Punjab News: ਮੁੱਖ ਸਕੱਤਰ ਨੇ ਕਣਕ ਦੀ ਖਰੀਦ ਦੇ ਪ੍ਰਬੰਧਾਂ ਅਤੇ ਮੌਸਮ ਨਾਲ ਹੋਏ ਖਰਾਬੇ ਦਾ ਜਾਇਜ਼ਾ ਲਿਆ
ਲਾਟਰੀ ਵਿਕਰੇਤਾ ਨੇ ਦਿੱਤੀ ਇਹ ਜਾਣਕਾਰੀ
ਮਾਮਲੇ ਸਬੰਧੀ ਜਾਣਕਾਰੀ ਦਿੰਦਿਆਂ ਲਾਟਰੀ ਵਿਕਰੇਤਾ ਕਰਨ ਨੇ ਦੱਸਿਆ ਕਿ ਵਿਸਾਖੀ ਬੰਪਰ ਟਿਕਟ ਨੰਬਰ 775641 'ਤੇ 10 ਲੱਖ ਰੁਪਏ ਦਾ ਦੂਜਾ ਇਨਾਮ ਜਿੱਤਿਆ ਗਿਆ ਹੈ। ਇਹ ਲਾਟਰੀ ਟਿਕਟ ₹500 ਵਿੱਚ ਵੇਚੀ ਗਈ ਸੀ। ਟਿਕਟ ਦੇ ਇਨਾਮ ਦਾ ਐਲਾਨ ਕੱਲ੍ਹ ਰਾਤ 8:00 ਵਜੇ ਕੀਤਾ ਗਿਆ ਹੈ। ਕਈ ਘੰਟੇ ਬੀਤ ਗਏ ਪਰ ਲਾਟਰੀ ਖਰੀਦਣ ਵਾਲੇ ਦਾ ਕੋਈ ਸੁਰਾਗ ਨਹੀਂ ਲੱਗਾ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
ਹਾਲਾਂਕਿ, ਉਹ ਲਾਟਰੀ ਖਰੀਦਦਾਰਾਂ ਨੂੰ ਵਿਜ਼ਿਟਿੰਗ ਕਾਰਡ ਅਤੇ ਸੰਪਰਕ ਨੰਬਰ ਵੀ ਪ੍ਰਦਾਨ ਕਰਦੇ ਹਨ। ਇਸ ਦੇ ਬਾਵਜੂਦ ਉਸ ਨੂੰ ਅਜੇ ਤੱਕ ਕਿਸੇ ਦਾ ਕੋਈ ਫੋਨ ਨਹੀਂ ਆਇਆ। ਉਨ੍ਹਾਂ ਨੇ ਲਾਟਰੀ ਟਿਕਟ ਖਰੀਦਦਾਰਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਵਿਸਾਖੀ ਬੰਪਰ ਦੇ ਨਤੀਜੇ ਦੇਖ ਕੇ ਆਪਣੀ ਲਾਟਰੀ ਚੈੱਕ ਕਰਨ।
(For more Punjabi news apart from Lottery Winner missing in Jalalabad News in punjabi, stay tuned to Rozana Spokesman)