ਅੰਮ੍ਰਿਤਸਰ: ਗਲੀਆਂ ਵਿਚ ਹੋਕਾਂ ਦੇ ਸਬਜ਼ੀ ਵੇਚ ਰਹੀ ਤੇ ਲੋਕਾਂ ਦਾ ਆਪਣੇ ਗੀਤਾਂ ਨਾਲ ਲੋਕਾਂ ਦਾ ਮਨੋਰੰਜਨ ਕਰ ਰਹੀ ਇਸ ਜੋੜੀ ਦੇ ਪੂਰੇ ਪੰਜਾਬ ਵਿਚ ਕਦੇ ਚਰਚੇ ਹੁੰਦੇ ਸੀ। ਚਰਚੇ ਇਸ ਕਰਕੇ ਕਿਉਂਕਿ ਇਹ ਜੋੜੀ ਕਿਸੇ ਸਮੇਂ ਆਪਣੀ ਆਵਾਜ਼ ਮੇਲਿਆਂ ਵਿਚ ਖੂਬ ਰੰਗ ਬੰਨਦੀ ਸੀ ਪਰ ਅੱਜ ਕੋਰੋਨਾ ਵਰਗੀ ਬੀਮਾਰੀ ਨੇ ਇਨ੍ਹਾਂ ਦੀ ਰੋਜ਼ੀ ਰੋਟੀ ਵੀ ਖੋਹ ਲਈ ਹੈ।
ਇਸ ਮਹਾਂਮਾਰੀ ਕਾਰਨ ਮੇਲਿਆਂ, ਸਟੇਜਾਂ ਅਤੇ ਧਾਰਮਿਕ ਸਮਾਰੋਹਾਂ 'ਤੇ ਇੱਕਠ ਕਰਨ 'ਤੇ ਪਾਬੰਦੀ ਲੱਗ ਚੁੱਕੀ ਹੈ। ਜਿਸ ਕਰ ਕੇ ਇਸ ਗਾਇਕ ਜੋੜੀ ਦੀ ਰੋਜ਼ੀ ਰੋਟੀ ਦਾ ਜੁਗਾੜ ਕਰਨਾ ਵੀ ਮੁਸ਼ਕਿਲ ਹੋ ਚੁੱਕਿਆ ਹੈ ਪਰ ਇਸ ਜੋੜੀ ਨੇ ਹਾਰ ਨਹੀਂ ਮੰਨੀ ਸਗੋਂ ਲੋਕਾਂ ਦੀ ਪਰਵਾਹ ਕੀਤੇ ਬਿਨਾਂ ਸਬਜ਼ੀ ਵੇਚਣਾ ਸ਼ੁਰੂ ਕਰ ਦਿੱਤਾ।
ਗਾਇਕ ਨੇ ਦਸਿਆ ਕਿ ਲਾਕਡਾਊਨ ਕਾਰਨ ਅਤੇ ਕੋਰੋਨਾ ਵਾਇਰਸ ਕਾਰਨ ਸਾਰੇ ਪਾਸੇ ਮਨੋਰੰਜਨ ਦਾ ਹਰ ਕੰਮ ਠੱਪ ਹੋ ਚੁੱਕਾ ਹੈ ਜਿਸ ਕਾਰਨ ਉਹਨਾਂ ਦੀ ਰੋਜ਼ੀ ਰੋਟੀ ਨੂੰ ਭਾਰੀ ਸੱਟ ਵੱਜੀ ਹੈ। ਇਸ ਲਈ ਉਹ ਅਪਣੇ ਪਰਿਵਾਰ ਦਾ ਪਾਲਣ-ਪੋਸ਼ਣ ਕਰਨ ਲਈ ਮਾੜੀ-ਮੋਟੀ ਕਿਰਤ ਕਰ ਕੇ ਅਪਣਾ ਗੁਜ਼ਾਰਾ ਕਰ ਰਹੇ ਹਨ। ਉਹ ਸਬਜ਼ੀ ਵਿਚੋਂ ਸਾਰੇ ਖਰਚੇ ਕੱਢ ਖੇ ਹੁਣ ਤਕ ਢਾਈ ਜਾਂ 300 ਤਕ ਕਮਾ ਲੈਂਦੇ ਹਨ।
ਇਸ ਤਰ੍ਹਾਂ ਉਹਨਾਂ ਨੇ ਗਾਇਕੀ ਕਰ ਕੇ ਅਪਣਾ ਘਰ ਦਾ ਖਰਚਾ ਤੋਰਿਆ ਹੋਇਆ ਸੀ ਉਸ ਸਮੇਂ ਉਹਨਾਂ ਨੂੰ 2500 ਤਕ ਬਚ ਜਾਂਦਾ ਸੀ। ਪਰ ਲਾਕਡਾਊਨ ਕਾਰਨ ਉਹਨਾਂ ਨੂੰ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪਿਆ ਹੈ, ਲਾਕਡਾਊਨ ਦਾ ਪੰਜਵਾਂ ਪੜਾਅ ਚਲ ਰਿਹਾ ਹੈ ਤੇ ਅੱਗੇ ਵੀ ਕੋਈ ਪਤਾ ਨਹੀਂ ਕਿ ਲਾਕਡਾਊਨ ਖੁੱਲ੍ਹਣਾ ਹੈ ਜਾਂ ਨਹੀਂ।
ਲੋਕਾਂ ਵੱਲੋਂ ਵੀ ਉਹਨਾਂ ਨੂੰ ਖੂਬ ਸਨਮਾਨ ਮਿਲ ਰਿਹਾ ਹੈ, ਲੋਕ ਉਹਨਾਂ ਨੂੰ ਇਕ ਮਿਸਾਲ ਵਜੋਂ ਦੇਖ ਰਹੇ ਹਨ ਪਰ ਉਹ ਸਿਰਫ ਅਪਣੀ ਰੋਜ਼ੀ ਰੋਟੀ ਲਈ ਕਮਾਈ ਕਰ ਰਹੇ ਹਨ। ਉੱਥੇ ਹੀ ਉਹਨਾਂ ਨੇ ਹੋਰਨਾਂ ਛੋਟੇ ਗਾਇਕਾਂ ਨੂੰ ਵੀ ਇਹੀ ਸਲਾਹ ਦਿੱਤੀ ਹੈ ਕਿ ਉਹ ਵੀ ਅਪਣਾ ਖਰਚ ਤੋਰਨ ਲਈ ਕੋਈ ਰੁਜ਼ਗਾਰ ਕਰਨ।
ਅਸੀਂ ਸਭ ਜਾਣਦੇ ਹਾਂ ਕਿ ਇਸ ਸਮੇਂ ਮੇਲਿਆਂ, ਸਟੇਜਾਂ ਅਤੇ ਧਾਰਮਿਕ ਸਮਾਰੋਹਾਂ 'ਤੇ ਇੱਕਠ ਕਰਨ 'ਤੇ ਪਾਬੰਦੀ ਲੱਗੀ ਹੋਈ ਹੈ ਜਿਸ ਕਰਕੇ ਇਸ ਪਰਿਵਾਰ ਦਾ ਵੀ ਗੁਜਾਰਾ ਕਰਨਾ ਔਖਾ ਹੋ ਗਿਆ ਪਰ ਹੁਣ ਇਹ ਜੋੜੀ ਸਬਜ਼ੀ ਵੇਚ ਕੇ ਗੁਜਾਰਾ ਕਰ ਰਹੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।