ਘਰੋਂ ਦਵਾਈ ਲੈਣ ਗਏ ਨੌਜੁਆਨ ਦੀ ਸੂਏ ਕੋਲੋਂ ਮਿਲੀ ਲਾਸ਼

ਤਰਨ ਤਾਰਨ : ਪਿੰਡ ਵੇਈਂਪੁਈ ਦੇ ਨੌਜੁਵਾਨ ਦਵਿੰਦਰ ਸਿੰਘ ਜੋ ਕੇ ਬੀਤੇ ਕੱਲ੍ਹ ਆਪਣੀ ਦਵਾਈ ਲੈਣ ਘਰੋਂ ਫਤਿਆਬਾਦ ਗਿਆ ਸੀ। ਪਰ ਘਰ ਵਾਪਿਸ ਨਹੀਂ ਪਰਤਿਆ। ਅੱਜ ਉਸ ਦੀ ਲਾਸ਼ ਪਿੰਡ ਵੇਈਂਪੁਈ ਦੇ ਸੂਏ ਕੋਲ ਬਣੇ ਬੰਦ ਕਮਰੇ ਵਿਚੋਂ ਮਿਲਣ ਕਾਰਨ ਇਲਾਕੇ ਵਿਚ ਸਨਸਨੀ ਫੈਲ ਗਈ ।

ਜਾਣਕਾਰੀ ਦਿੰਦੇ ਪ੍ਰਵਾਰਕ ਮੈਂਬਰਾਂ ਨੇ ਦਸਿਆ ਕੱਲ੍ਹ ਦੀ ਉਸ ਦੀ ਭਾਲ ਕਰ ਰਹੇ ਸੀ ਪਰ ਅੱਜ ਉਸ  ਦੀ ਲਾਸ਼ ਮਿਲੀ ਹੈ ਅਤੇ ਉਸ ਦਾ ਮੋਟਰਸਾਈਕਲ ਵੀ ਚੋਰ ਖੋਹ ਕੇ ਲੈ ਗਏ ਹਨ। ਪ੍ਰਵਾਰਕ ਮੈਂਬਰਾਂ ਨੇ ਇਨਸਾਫ਼ ਦੀ ਮੰਗ ਕੀਤੀ ਹੈ। ਮੌਕੇ ’ਤੇ ਪੁਜੇ ਡੀ. ਐੱਸ .ਪੀ. ਪੱਟੀ ਨੇ ਕਿਹਾ ਕਿ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।