ਚਮਕੌਰ ਸਾਹਿਬ ਤੋਂ ਫ਼ਤਿਹਗੜ੍ਹ ਸਾਹਿਬ ਤਕ ਸਜਾਇਆ ਸ਼ਹੀਦੀ ਖ਼ਾਲਸਾ ਮਾਰਚ
ਵੱਡੀ ਗਿਣਤੀ ਸੰਗਤਾਂ ਨੇ ਕੀਤੀ ਸ਼ਮੂਲੀਅਤ
ਫਤਿਹਗੜ੍ਹ ਸਾਹਿਬ, ਸ਼੍ਰੋਮਣੀ ਸੰਤ ਖਾਲਸਾ ਇੰਟਰਨੈਸ਼ਨਲ ਫਾਊਂਡੇਸ਼ਨ ਰਜਿ ਵੱਲੋ ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ (ਪੀਰਮੁਹੰਮਦ) ਦੇ ਸਹਿਯੋਗ ਨਾਲ ਅੱਜ ਚਮਕੌਰ ਸਾਹਿਬ ਤੋ ਫਤਿਹਗੜ੍ਹ ਸਾਹਿਬ ਦੀ ਪਵਿੱਤਰ ਧਰਤੀ ਤੱਕ ਸ਼ਹੀਦੀ ਖਾਲਸਾ ਮਾਰਚ ਦਾ ਆਯੋਜਨ ਪੰਜ ਪਿਆਰਿਆ ਦੀ ਅਗਵਾਈ ਹੇਠ ਸਾਹਿਬ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੀ ਪਵਿੱਤਰ ਛੱਤਰ ਛਾਇਆ ਹੇਠ ਗੁਰਦੁਆਰਾ ਗੁਰ ਸਾਹਿਬ ਚੰਡੀਗੜ੍ਹ ਦੇ ਮੁੱਖੀ ਸੰਤ ਬਾਬਾ ਪ੍ਰਿਤਪਾਲ ਸਿੰਘ ਜੀ ਅਤੇ ਵਾਈਸ ਚੇਅਰਮੈਨ ਭਾਈ ਤੇਜਸਵਰਪ੍ਰਤਾਪ ਸਿੰਘ ਅਤੇ ਬੀਬਾ ਚਰਨਕਮਲ ਕੌਰ ਚੇਅਰਪਰਸਨ ਕਰਤਾਰ ਆਸਰਾ ਟਰੱਸਟ ਦੀ ਦੇਖ ਰੇਖ ਹੇਠ ਕੀਤਾ ਗਿਆ ।
ਇਸ ਮਾਰਚ ਵਿੱਚ ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਦੇ ਸਰਪ੍ਰਸਤ ਅਤੇ ਸ੍ਰੌਮਣੀ ਅਕਾਲੀ ਦਲ ਟਕਸਾਲੀ ਦੇ ਜਨਰਲ ਸਕੱਤਰ ਜਥੇਦਾਰ ਕਰਨੈਲ ਸਿੰਘ ਪੀਰਮੁਹੰਮਦ, ਬਾਬਾ ਸੇਵਾ ਸਿੰਘ, ਚਰਨਜੀਤ ਸਿੰਘ ਸਮਰਾਲਾ ਰਜਿੰਦਰ ਸਿੰਘ, ਭਾਈ ਦਲੀਪ ਸਿੰਘ ਭਾਈ ਮੋਹਣ ਸਿੰਘ ਸੈਲਰ ਆਲੇ ਐਡਵੋਕੇਟ ਤਿਰਲੋਕ ਸਿੰਘ ਕੁਲਦੀਪ ਸਿੰਘ ਬਲਕਾਰ ਸਿੰਘ ਈਸਰ ਸਿੰਘ ਰਵੀ ਸਿੰਘ ਸਾਉਥ ਅਫਰੀਕਾ ਸਰਪੰਚ ਜਗਜੀਤ ਸਿੰਘ ਭਾਈ ਪ੍ਰਦੀਪ ਸਿੰਘ, ਮਨਮੋਹਨ ਸਿੰਘ ਰਾਮਗੜ੍ਹ ਵਿਸੇਸ਼ ਤੌਰ ਤੇ ਹਾਜ਼ਰ ਸਨ ।
ਇਸ ਸ਼ਹੀਦੀ ਖਾਲਸਾ ਮਾਰਚ ਦਾ ਗੁਰਦੁਆਰਾ ਕਤਲਗੜ ਸਾਹਿਬ ਪਹੁੰਚਣ ਮੌਕੇ ਹੈਡਗ੍ਰੰਥੀ ਸਾਹਿਬ ਨੇ ਪੰਜ ਪਿਆਰਿਆ ਦਾ ਵਿਸੇਸ਼ ਸਨਮਾਨ ਸਿਰੋਪਾਓ ਦੇਕੇ ਕੀਤਾ । ਇਸ ਤੋ ਪਹਿਲਾ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਦੇ ਸਾਬਕਾ ਹੈਡਗਰੰਥੀ ਸਿੰਘ ਸਾਹਿਬ ਭਾਈ ਜਸਵਿੰਦਰ ਸਿੰਘ, ਬਾਬਾ ਸਰੂਪ ਸਿੰਘ ਸੰਤਸਰ ਗੁਰਦੁਆਰਾ ਚੰਡੀਗੜ੍ਹ, ਬਾਬਾ ਜਗਰੂਪ ਸਿੰਘ ਬਰਨਾਲਾ, ਬਾਬਾ ਬਲਕਾਰ ਸਿੰਘ, ਨੇ ਵੀ ਸਿਰਕਤ ਕੀਤੀ । ਪੱਤਰਕਾਰਾ ਨਾਲ ਗੱਲਬਾਤ ਕਰਦਿਆ ਸੰਤ ਬਾਬਾ ਪ੍ਰਿਤਪਾਲ ਸਿੰਘ ਸੁਖਨਾ ਝੀਲ ਚੰਡੀਗੜ੍ਹ ਨੇ ਕਿਹਾ ਕਿ ਭਾਰਤ ਦੀ ਸਰਕਾਰ 23 ਦਸਬੰਰ ਦਾ ਦਿਨ ਵਿਸ਼ਵ ਨੌਜਵਾਨ ਦਿਵਸ ਵਜੇ ਅਤੇ 14 ਨਵੰਬਰ ਦਾ ਦਿਨ ਬਾਲ ਦਿਵਸ ਵਜੋ ਮਨਾਉਣ ਲਈ ਪਹਿਲਕਦਮੀ ਕਰਨੀ ਚਾਹੀਦੀ ਹੈ ।
ਉਹਨਾ ਕਿਹਾ ਕਿ ਸਾਹਿਬ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ ਮਾਤਾ ਗੁੱਜਰੀ ਜੀ ਦੀ ਮਹਾਨ ਸ਼ਹਾਦਤ ਨੂੰ ਸਮਰਪਿਤ ਹੋਕੇ ਕੌਮ ਦੀਆ ਬੀਬੀਆਂ ਨੂੰ ਆਪਣੇ ਬੱਚਿਆ ਭਰਾਵਾ ਪਤੀਆ ਨੂੰ ਵੱਡੀ ਸਿੱਖਿਆ ਦੇਣੀ ਚਾਹੀਦੀ ਹੈ ਫਿਰ ਆਪਣੇ ਆਪ ਨਿਰੌਏ ਸਮਾਜ ਦੀ ਸਿਰਜਣਾ ਹੋਵੇਗੀ । ਟਕਸਾਲੀ ਅਕਾਲੀ ਆਗੂ ਜਥੇਦਾਰ ਕਰਨੈਲ ਸਿੰਘ ਪੀਰ ਮੁਹੰਮਦ ਨੇ ਕਿਹਾ ਕਿ ਪੁਰਾਤਨ ਇਤਿਹਾਸ ਤੇ ਕੁਰਬਾਨੀਆ ਦਾ ਜਿਕਰ ਕਰਨ ਵਾਲੇ ਸਮੂਹ ਨੂੰ ਆਪ ਵੀ ਕੁਰਬਾਨੀ ਦਾ ਜਜ਼ਬਾ ਰੱਖਦਿਆ ਮੌਜੂਦਾ ਸਮੇ ਵਿੱਚ ਕੁਰਬਾਨੀ ਦੀ ਚਾਹਤ ਕਾਇਮ ਰੱਖਣ ਲਈ ਤੱਤਪਰ ਹੋਣਾ ਚਾਹੀਦਾ ਹੈ