Sikh Statement Sikh Reply Biplab Kumar Deb

ਚੰਡੀਗੜ੍ਹ: ਜਿੱਥੇ ਇਕ ਪਾਸੇ ਸਿੱਖ ਜੱਥੇਬੰਦੀਆਂ ਵੱਲੋਂ ਤ੍ਰਿਪੁਰਾ ਦੇ ਮੁੱਖ ਮੰਤਰੀ ਵਿਪਲਬ ਦੇਬ ਦੇ ਦਿੱਤੇ ਬਿਆਨ ਦਾ ਤਿੱਖਾ ਵਿਰੋਧ ਕੀਤਾ ਜਾ ਰਿਹਾ ਹੈ ਉੱਥੇ ਹੀ ਇਕ ਸਿੱਖ ਨੇ ਮੁੱਖ ਮੰਤਰੀ ਦੇ ਇਸ ਬਿਆਨ ਨੂੰ ਸਹੀ ਕਰਾਰ ਦਿੱਤਾ ਹੈ। ਉਹਨਾਂ ਤੰਜ ਕਸਦਿਆਂ ਆਖਿਆ ਜੇ ਸਿੱਖਾਂ ਦਾ ਦਿਮਾਗ਼ ਹੁੰਦਾ ਤਾਂ ਇਸ ਦੇਸ਼ ਦੀ ਆਜ਼ਾਦੀ ਲਈ ਕੁਰਬਾਨੀਆਂ ਨਾ ਦਿੰਦੇ। ਜਿਸ ਦੇਸ਼ ਲਈ ਉਹਨਾਂ ਕੁਰਬਾਨੀ ਦਿੱਤੀ ਉੱਥੇ ਉਹਨਾਂ ਤੇ ਜ਼ੁਲਮ ਢਾਹੇ ਜਾ ਰਹੇ ਹਨ।

ਉਹਨਾਂ ਕਿਹਾ ਕਿ ਜਦ ਲੋਕ ਕੋਰੋਨਾ ਤੋਂ ਡਰਦੇ ਮਾਰੇ ਘਰਾਂ ਵਿਚ ਲੁਕੇ ਬੈਠੇ ਸਨ ਤਾਂ ਸਿੱਖ ਭੁੱਖੇ ਪਿਆਸੇ ਲੋਕਾਂ ਨੂੰ ਲੰਗਰ ਛਕਾ ਰਹੇ ਸਨ। ਜਿਸ ਸਮੇਂ ਕੋਰੋਨਾ ਨਾਲ ਮਰ ਚੁੱਕੇ ਮਰੀਜ਼ਾਂ ਨੂੰ ਕੋਈ ਨਹੀਂ ਸਾਂਭ ਰਿਹਾ ਸੀ ਉਸ ਸਮੇਂ ਉਹਨਾਂ ਨੇ ਇਹਨਾਂ ਲਾਸ਼ਾਂ ਦਾ ਸਸਕਾਰ ਕੀਤਾ। ਅਜਿਹਾ ਕੰਮ ਘਟ ਦਿਮਾਗ ਵਾਲੇ ਲੋਕ ਹੀ ਕਰ ਸਕਦੇ ਹਨ। ਉਹਨਾਂ ਕਿਹਾ ਕਿ, “ਹਰਿਆਣਾ ਵਿਚ ਜਦੋਂ ਉਹ ਜਾਣਗੇ ਤਾਂ ਉਹਨਾਂ ਨੂੰ ਜਾਟਾਂ ਦਾ ਦਿਮਾਗ਼ ਤਾਂ ਮਿਲ ਹੀ ਜਾਵੇਗਾ ਪਰ ਜਿਹੜੀ ਉਹਨਾਂ ਨੇ ਸਿੱਖਾਂ ਦੇ ਦਿਮਾਗ਼ ਦੀ ਗੱਲ ਕੀਤੀ ਹੈ ਇਸ ਕਈ ਸਿੱਖ ਸੰਸਥਾਵਾਂ ਨੇ ਇਸ ਦੀ ਵਿਰੋਧਤਾ ਵੀ ਕੀਤੀ ਹੈ।

ਉਹ ਉਹਨਾਂ ਦੀ ਗੱਲ ਨਾਲ ਪੂਰੀ ਤਰ੍ਹਾਂ ਸਹਿਮਤ ਹਨ ਕਿ ਸਿੱਖਾਂ ਦਾ ਦਿਮਾਗ਼ ਸੱਚਮੁੱਚ ਹੀ ਘਟ ਹੈ। ਸਿੱਖਾਂ ਨੇ ਬਹੁਤ ਸਾਰੀਆਂ ਕਾਲੇ ਪਾਣੀ ਦੀਆਂ ਸਜ਼ਾਵਾਂ, ਹੋਰ ਕਈ ਸਜ਼ਾਵਾਂ ਭੁਗਤੀਆਂ। ਲਾਰਡ ਮਾਉਂਟਬੇਟਨ ਨੇ ਸਿੱਖਾਂ ਨੂੰ ਕਿਹਾ ਸੀ ਕਿ ਉਹ ਵੀ ਅਪਣਾ ਦੇਸ਼ ਲੈ ਲੈਣ ਪਰ ਸਿੱਖਾਂ ਨੇ ਕਿਹਾ ਕਿ ਨਹੀਂ ਉਹ ਇਸੇ ਦੇਸ਼ ਦੇ ਨਾਲ ਹੀ ਰਹਿਣਗੇ।

ਮਾਸਟਰ ਤਾਰਾ ਸਿੰਘ ਨੂੰ ਜਵਾਹਰ ਲਾਲ ਨਹਿਰੂ ਨੇ ਕਿਹਾ ਸੀ ਕਿ ਉਹਨਾਂ ਨੂੰ ਆਜ਼ਾਦੀ ਤੋਂ ਬਾਅਦ ਸਿੱਖਾਂ ਦੇ ਬਣਦੇ ਸਾਰੇ ਹੱਕ ਦਿੱਤੇ ਜਾਣਗੇ, ਤੁਹਾਡਾ ਇਕ ਸੂਬਾ ਹੋਵੇਗਾ। ਉਸ ਸਮੇਂ ਮਾਸਟਰ ਸਿੰਘ ਨੇ ਮਨ੍ਹਾਂ ਕਰ ਦਿੱਤਾ। ਉਸ ਤੋਂ ਬਾਅਦ ਜਦੋਂ ਸੂਬੇ ਦੀ ਗੱਲ ਆਈ ਤਾਂ ਪੰਡਿਤ ਨਹਿਰੂ ਨੇ ਕਿਹਾ ਕਿ ਹੁਣ ਤਾਂ ਸਮਾਂ ਚਲਾ ਗਿਆ ਹੈ, ਹੁਣ ਗੱਲ ਹੋਰ ਹੈ। ਜੇ ਸਿੱਖਾਂ ਕੋਲ ਦਿਮਾਗ਼ ਦੀ ਕਮੀ ਨਾ ਹੁੰਦੀ ਤਾਂ ਇਹ ਅਪਣੇ ਹੱਕ ਲਈ ਪੂਰੀ ਗੱਲ ਕਰ ਲੈਂਦੇ।

ਜਦੋਂ ਦਰਬਾਰ ਸਾਹਿਬ ਤੇ ਹਮਲਾ ਹੁੰਦਾ ਹੈ ਤਾਂ ਉਸ ਸਮੇਂ ਵੀ ਸਿੱਖਾਂ ਨੇ ਮੰਗ ਰੱਖੀ ਕਿ ਅੰਮ੍ਰਿਤਸਰ ਤੋਂ ਦਿੱਲੀ ਟ੍ਰੇਨ ਚਲੇਗੀ। ਹੋਰ ਤੇ ਹੋਰ ਸਿੱਖਾਂ ਨੇ ਸਾਰੇ ਰਾਜਾਂ ਦੇ ਬਣਦੇ ਹੱਕਾਂ ਦੀ ਮੰਗ ਰੱਖੀ, ਕੋਰੋਨਾ ਦੇ ਦੌਰ ਵਿਚ ਵੀ ਇਹ ਘਰ ਵਿਚ ਨਹੀਂ ਬੈਠ ਰਹੇ ਸਗੋਂ ਸੜਕਾਂ ਤੇ ਨਿਕਲ ਕੇ ਲੋਕਾਂ ਨੂੰ ਰਾਸ਼ਨ, ਦਵਾਈਆਂ ਹੋਰ ਪਤਾ ਨਹੀਂ ਕਈ ਪ੍ਰਕਾਰ ਦੀ ਸੇਵਾ ਕਰ ਰਰੇ ਹਨ।

ਦਸ ਦਈਏ ਕਿ ਕੁੱਝ ਦਿਨ ਪਹਿਲਾਂ ਤ੍ਰਿਪੁਰਾ ਤੋਂ ਭਾਜਪਾ ਸਰਕਾਰ ਦੇ ਮੁੱਖ ਮੰਤਰੀ ਵਿਪਲਬ ਦੇਬ ਨੇ ਸਰਦਾਰਾਂ ਦੇ ਘਟ ਹੋਣ ਵਾਲਾ ਬਿਆਨ ਦਿੱਤਾ ਸੀ ਜਿਸ ਤੋਂ ਬਾਅਦ ਸਿੱਖ ਜਥੇਬੰਦੀਆਂ ਵਿਚ ਭਾਰੀ ਰੋਸ ਪਾਇਆ ਜਾ ਰਿਹਾ ਹੈ।