Navjot Singh Sidhu Jitega punjab

ਚੰਡੀਗੜ੍ਹ: ਨਵਜੋਤ ਸਿੱਧੂ ਨੇ ਯੂਟਿਊਬ ਤੇ ਅਪਣਾ ਇਕ ਵੱਖਰਾ ਚੈਨਲ ਚਲਾਇਆ ਹੈ ਜਿਸ ਦਾ ਨਾਮ ਹੈ ‘ਜਿੱਤੇਗਾ ਪੰਜਾਬ।’ ਇਸ ਯੂਟਿਊਬ ਚੈਨਲ ਉੱਪਰ ਲੋਕ ਸੂਬੇ ਦੀ ਤਰੱਕੀ ਨਾਲ ਜੁੜੇ ਮੁੱਦਿਆਂ, ਗੋਸ਼ਟੀਆਂ, ਮੁਲਾਕਾਤਾਂ ਅਤੇ ਸੰਵਾਦ ਰਾਹੀਆਂ ਆਪਣੇ ਵਿਚਾਰਾਂ ਦਾ ਸਿੱਧੂ ਨਾਲ ਆਦਾਨ-ਪ੍ਰਧਾਨ ਕਰ ਸਕਣਗੇ।

ਸਿੱਧੂ ਨੇ ਦੱਸਿਆ ਕਿ ਇਹ ਚੈਨਲ ਪੰਜਾਬ ਨੂੰ ਮੁੜ ਉਸਾਰੀ ਅਤੇ ਪੁਨਰ ਜਾਗ੍ਰਿਤੀ ਵੱਲ ਲਿਜਾਣ ਦੇ ਯਤਨ ਦਾ ਇੱਕ ਪਲੇਟਫਾਰਮ ਹੋਵੇਗਾ। ਹਾਲ ਹੀ ਵਿਚ ਉਹਨਾਂ ਨੇ ਅਪਣੇ ਚੈਨਲ ਤੇ ਉਹਨਾਂ ਦੀ ਬੁਰਾਈ ਕਰਨ ਵਾਲਿਆਂ ਨੂੰ ਕਰਾਰਾ ਜਵਾਬ ਦਿੱਤਾ ਹੈ। ਉਹਨਾਂ ਨੇ ਕਿਹਾ ਕਿ ਲੋਕਾਂ ਨੂੰ ਹਾਓਮੈ ਛੱਡ ਕੇ ਪਿਆਰ ਨਾਲ ਰਹਿਣਾ ਸਿਖਣਾ ਚਾਹੀਦਾ ਹੈ। ਇਨਸਾਨ ਨੂੰ ਕਦੇ ਹੰਕਾਰ ਨਹੀਂ ਕਰਨਾ ਚਾਹੀਦਾ ਕਿਉਂ ਕਿ ਪ੍ਰਮਾਤਮਾ ਨੇ ਜੇ ਇਨਸਾਨ ਬਣਾਇਆ ਹੈ ਤਾਂ ਉਸ ਦਾ ਅੰਨ-ਦਾਣਾ ਵੀ ਬਣਇਆ ਹੈ।

ਉਸ ਨੂੰ ਅਪਣੇ ਸਿੱਖ ਦੀ ਫਿਕਰ ਹੈ। ਉਹ ਕਿਸੇ ਨੂੰ ਵੀ ਵਿਅਕਤੀ ਨੂੰ ਭੁੱਖਾ ਨਹੀਂ ਮਰਨ ਦਿੰਦਾ। ਜਿਹਨਾਂ ਦੀਆਂ ਬਾਹਵਾਂ ਨਹੀਂ ਹੁੰਦੀਆਂ ਕੀ ਉਹਨਾਂ ਦੀ ਕਿਸਮਤ ਨਹੀਂ ਹੁੰਦੀ। ਬੰਦੇ ਦੀ ਔਕਾਤ ਪ੍ਰਮਾਤਮਾ ਅੱਗੇ ਕੁੱਝ ਵੀ ਨਹੀਂ ਹੈ। ਇਸ ਦੇ ਨਾਲ-ਨਾਲ ਉਹਨਾਂ ਨੇ ਸਿਆਸਤ ਦੀ ਗੱਲ ਵੀ ਦੁਹਰਾਈ। ਸਿੱਧੂ ਦਾ ਕਹਿਣਾ ਹੈ ਕਿ ਪਾਰਟੀ ਵਿਚ ਸਭ ਤੋਂ ਖ਼ਤਰਨਾਕ ਹੁੰਦਾ ਹੈ ਵਰਕਰ ਦਾ ਨਰਾਜ਼ ਹੋ ਜਾਣਾ, ਕਿਉਂ ਕਿ ਪਾਰਟੀ ਦੀ ਰੀੜ ਦੀ ਹੱਡੀ ਵਰਕਰ ਹੀ ਹੁੰਦਾ ਹੈ।

ਜੇ ਉਹ ਨਰਾਜ਼ ਹੋ ਜਾਂਦਾ ਹੈ ਤਾਂ ਪਾਰਟੀ ਦੇ ਮੈਂਬਰ ਘਟਣ ਲੱਗ ਜਾਂਦੇ ਹਨ ਤੇ ਜੇ ਬੰਦੇ ਹੀ ਘਟ ਗਏ ਤਾਂ ਪਾਰਟੀ ਵੀ ਖ਼ਤਮ ਹੋ ਜਾਵੇਗੀ। ਜਿਵੇਂ ਇਕ ਸਮੁੰਦਰ ਹੁੰਦਾ ਹੈ, ਲੋਕ ਵੀ ਉਸੇ ਤਰ੍ਹਾਂ ਹੀ ਹਨ, ਸਮੁੰਦਰ ਕਦੇ ਖਤਮ ਨਹੀਂ ਹੋਣਾ। ਪਰ ਜੋ ਨੇਤਾ ਹੁੰਦੇ ਹਨ ਉਹ ਸਮੁੰਦਰ ਵਿਚਲੀ ਕਿਸ਼ਤੀ ਵਾਂਗ ਹੁੰਦੇ ਹਨ। ਨੇਤਾ ਬਦਲਦੇ ਰਹਿੰਦੇ ਹਨ ਪਰ ਜਨਤਾ ਸਮੁੰਦਰ ਵਾਂਗ ਹਮੇਸ਼ਾ ਹੀ ਰਹੇਗੀ।

ਇਸ ਚੈਨਲ ਨੂੰ ਸ਼ੁਰੂ ਕਰਨ ਤੋਂ ਬਾਅਦ ਨਵਜੋਤ ਸਿੰਘ ਸਿੱਧੂ ਨੇ ਕਿਹਾ ਕਿ ਉਹ ਪੰਜਾਬੀਆਂ ਨਾਲ ਸਿੱਧੇ ਰੂਪ 'ਚ, ਸਾਦੀ ਅਤੇ ਸਰਲ ਭਾਸ਼ਾ 'ਚ ਆਪਣੇ ਵਿਚਾਰ ਸਾਂਝੇ ਕਰਨ ਲਈ ਇਸ ਯੂ-ਟਿਊਬ ਚੈਨਲ ਸ਼ੁਰੂਆਤ ਕਰ ਰਹੇ ਹਨ। ਚੈਨਲ ਦੀ ਸ਼ੁਰੂਆਤ ਕਰਦਿਆਂ ਸਿੱਧੂ ਨੇ ਕਿਹਾ ਕਿ ਲੋਕ ਉਨ੍ਹਾਂ ਨਾਲ ਸਿੱਧੇ ਤੌਰ 'ਤੇ ਜੁੜ ਸਕਦੇ ਹਨ।

ਸਿੱਧੂ ਮੁਤਾਬਕ ਇਸ ਚੈਨਲ 'ਤੇ ਲੋਕ ਸੂਬੇ ਦੀ ਤਰੱਕੀ ਨਾਲ ਜੁੜੇ ਮੁੱਦਿਆਂ, ਗੋਸ਼ਟੀਆਂ, ਮੁਲਾਕਾਤਾਂ ਅਤੇ ਸੰਵਾਦ ਰਾਹੀਂ ਆਪਣੇ ਵਿਚਾਰਾਂ ਦਾ ਉਨ੍ਹਾਂ ਨਾਲ ਅਦਾਨ-ਪ੍ਰਦਾਨ ਕਰ ਸਕਣਗੇ। ਸਿੱਧੂ ਨੇ ਦੱਸਿਆ ਕਿ ਇਹ ਚੈਨਲ ਪੰਜਾਬ ਨੂੰ ਮੁੜ ਉਸਾਰੀ ਤੇ ਪੁਨਰ ਜਾਗ੍ਰਿਤੀ ਵੱਲ ਲਿਜਾਣ ਦੇ ਯਤਨ ਦਾ ਇਕ ਪਲੇਟਫਾਰਮ ਹੋਵੇਗਾ।