ਮੱਲਾਂਵਾਲਾ ਪਿਛਲੇ ਲੰਮੇਂ ਸਮੇਂ ਤੋਂ ਹੋ ਰਹੀਆਂ ਬੇਅਦਬੀ ਦੀਆਂ ਘਟਨਾਵਾਂ ਦੀ ਪਾਰਦਰਸ਼ਤਾ ਲਈ ਤਖਤਾਂ ਦੇ ਜਥੇਦਾਰਾਂ ਵਲੋਂ ਬਰਗਾੜੀ ਵਿਖੇ ਜੋ ਇਨਸਾਫ਼ ਮੋਰਚਾ ਲਗਾਇਆ ਗਿਆ ਹੈ। ਜਿਸ ਦਾ ਸਮਰਥਨ ਸਾਰੀਆਂ ਸਿੱਖ ਜਥੇਬੰਦੀਆਂ ਵਲੋਂ ਸਮਰਥ ਕੀਤਾ ਜਾ ਰਿਹਾ ਹੈ। ਹਰ ਸਿੱਖ ਵਲੋਂ ਇਸ ਇਨਸਾਫ ਮੋਰਚੇ ਦਾ ਸਮਰਥਨ ਕੀਤਾ ਜਾ ਰਿਹਾ ਹੈ। ਇਸ ਤਹਿਤ ਸ਼ਾਮ ਵੇਲੇ ਮੱਲਾਂਵਾਲਾ ਦੀ ਸੰਗਤ ਵਲੋਂ ਇਕ ਜਥਾ ਬਰਗਾੜੀ ਨੂੰ ਇਨਸਾਫ਼ ਮੋਰਚੇ ਵਿਚ ਸੰਗਤ ਕਰਨ ਲਈ ਰਵਾਨਾ ਹੋਇਆ।

ਜਥੇ ਵਿਚ ਬਾਬਾ ਹਰਦੀਪ ਸਿੰਘ ਮੱਲਾਂਵਾਲਾ ਟਹਿਲ ਸਿੰਘ ਗਗਨ ਮੈਡੀਕਲ ਤੋਂ ਹਾਰਦੇਵ ਸਿੰਘ ਭੁਟੋ, ਗੋਰਾ ਜਸਵਿੰਦਰ ਸਿੰਘ ਆਦਿ ਸਿੰਘਾਂ ਨੇ ਮੱਲਾਵਾਲਾ ਤੋਂ ਰਵਾਨਾ ਹੋਏ ਜਥੇ ਦੀ ਅਗਵਾਈ ਕੀਤੀ ਸੰਗਤਾਂ ਨੇ ਜਿਥੇ ਤਖਤਾਂ ਦੇ ਜਥੇਦਾਰਾਂ ਦੀ ਗੁਰੂ ਸਾਹਿਬਾਂ ਦੀ ਬੇਅਦਬੀ ਦੇ ਮੁੱਦੇ 'ਤੇ ਵਿਢੇ ਸੰਘਰਸ਼ ਦੀ ਸ਼ਲਾਘਾ ਕੀਤੀ ਉਥੇ ਉਨ੍ਹਾਂ ਪੰਜਾਬ ਸਰਕਾਰ ਨੂੰ ਦੇਰ ਆਏ ਦਰੁਸਤ ਆਏ ਤਹਿਤ ਆਖਿਆ ਕਿ ਪੰਥ ਦੋਖੀਆਂ ਦੀ ਭਾਲ ਲਈ ਸਰਕਾਰ ਵਧੀਆਂ ਕਾਰਵਾਈ ਕਰ ਰਹੀ ਹੈ।

ਸਰਕਾਰ ਨੇ ਸਾਰੇ ਮਾਮਲੇ ਵਿਚ ਪਾਰਦਰਸ਼ਤਾ ਲਿਆਉਣੀ ਚਾਹੀਦੀ ਹੈ। ਗੁਰੂ ਸਾਹਿਬਾਂ ਦੇ ਸਤਿਕਾਰ ਨੂੰ ਢਾਹ ਲਾਉਣ ਪਿਛੇ ਚਾਹੇ ਕਿਸੇ ਵੀ ਸ਼ਰਾਰਤੀ ਅਨਸਰ ਦਾ ਹੱਥ ਹੋਵੇ ਸੰਗਤ ਸਾਹਮਣੇ ਉਜਾਗਰ ਹੋਣਾ ਚਾਹੀਦਾ ਹੈ। ਤਾਂ ਜੋ ਅੱਗੇ ਤੋਂ ਕੋਈ ਵੀ ਕਿਸੇ ਧਰਮ ਦਾ ਅਪਮਾਨ ਨਾਂ ਕਰ ਸਕੇ।