Car burn by Mischievous criminals

ਆਕਲੈਂਡ : (ਸਸਸ) ਅੰਮ੍ਰਿਤਪਾਲ ਸਿੰਘ ਪਾਪਾਟੋਏਟੋਏ ਵਿਚ ਰਹਿੰਦਾ ਹੈ। ਇਸ ਸਮੇਂ ਉਹ ਤਸਮਾਨ ਕਾਲਜ ਦੇ ਵਿਚ ਪੜ੍ਹਾਈ ਪੂਰੀ ਕਰ ਰਿਹਾ ਹੈ ਅਤੇ ਪੰਜਾਬ ਦੇ ਸੰਗਰੂਰ ਤੋਂ ਉਹ ਨਿਊਜ਼ੀਲੈਂਡ ਪੜ੍ਹਣ ਆਇਆ ਸੀ। ਅੰਮ੍ਰਿਤਪਾਲ ਸਿੰਘ ਗੁਰਦੁਆਰਾ ਦਸ਼ਮੇਸ਼ ਦਰਬਾਰ ਕੋਲਮਰ ਨਜ਼ਦੀਕ ਪਾਪਾਟੋਏਟੋਏ ਵਿਚ ਰਹਿੰਦਾ ਹੈ ਅਤੇ ਬੀਤੇ ਦਿਨੀਂ ਗੁਰਦੁਆਰਾ ਸਾਹਿਬ ਵਿਚ ਮੱਥਾ ਟੇਕਣ ਗਿਆ ਸੀ। ਇਸ ਦੌਰਾਨ ਉਸ ਦੀ ਪਾਰਕਿੰਗ ਦੇ ਹੀ ਨੇੜੇ ਖੜੀ ਕਾਰ ਚੋਰੀ ਹੋ ਗਈ। ਅੰਮ੍ਰਿਤਪਾਲ ਵਲੋਂ ਇਸ ਦੌਰਾਨ ਗੱਡੀ ਨੂੰ ਕਾਫੀ ਲੱਭਣ ਦੀ ਕੋਸ਼ਿਸ਼ ਕੀਤੀ ਗਈ। ਪੁਲਿਸ ਨੂੰ ਵੀ ਕਾਰ ਚੋਰੀ ਦੀ ਸੂਚਨਾ ਦਿਤੀ ਗਈ ਪਰ ਉਹ ਨਾ ਮਿਲੀ ਅਤੇ

ਪੁਲਿਸ ਵਲੋਂ ਵੀ ਕੋਈ ਖਾਸ ਕਾਰਵਾਈ ਨਹੀਂ ਕੀਤੀ ਗਈ। ਉਸੇ ਦਿਨ ਹੀ ਉਸ ਦੀ ਚੋਰੀ ਹੋਈ ਗੱਡੀ ਫਲੈਟਬੁਸ਼ ਵਿਚ ਬੁਰੀ ਤਰ੍ਹਾਂ ਬੁਰੀ ਸੜੀ ਹੋਈ ਮਿਲੀ। ਇਸ ਘਟਨਾ ਨੂੰ ਲੈ ਕੇ ਅੰਮ੍ਰਿਤਪਾਲ ਸਿੰਘ ਬਹੁਤ ਪ੍ਰੇਸ਼ਾਨ ਅਤੇ ਦੁਖੀ ਹੈ। ਦੱਸਣਯੋਗ ਹੈ ਕਿ ਪੁਲਿਸ ਵਲੋਂ ਵੀ ਕਾਰਾਂ ਚੋਰੀ ਹੋਣ ਦੀਆਂ ਘਟਨਾਵਾਂ ਸਬੰਧਿਤ ਸਾਫ ਤੌਰ 'ਤੇ ਕਿਹਾ ਗਿਆ ਹੈ ਕਿ ਕਾਰ ਮਾਲਕਾਂ ਨੂੰ ਬੇਨਤੀ ਹੈ ਕਿ ਉਹ ਅਪਣੀਆਂ ਕਾਰਾਂ ਵਿਚ ਸੈਂਟਰ ਲਾਕਿੰਗ ਅਤੇ ਹੋਰ ਵਰਤੀਆਂ ਜਾ ਸਕਣ ਵਾਲੀਆਂ ਤਕੀਨੀਕੀ ਉਪਕਰਣਾਂ ਦੀ ਵਰਤੋਂ ਦੇ ਨਾਲ-ਨਾਲ ਲੋੜੀਂਦੀ ਸਾਵਧਾਨੀ ਵੀ ਵਰਤਣ ਕਿਉਂਕਿ ਪਿਛਲੇ ਕੁਝ ਸਮੇਂ ਤੋਂ ਕਾਰ ਚੋਰੀ ਦੀਆਂ ਘਟਨਾਵਾਂ ਵਿਚ ਬਹੁਤ ਵਾਧਾ ਹੋਇਆ ਹੈ।