Ramesh Kumar, District Election Officer

ਨਵੀਂ ਦਿਲੀ, ( ਭਾਸ਼ਾ) : ਜੰਮੂ-ਕਸ਼ਮੀਰ ਵਿਚ ਸਥਾਨਕ ਸਰਕਾਰਾਂ ਚੋਣਾਂ ਦੇ ਪਹਿਲੇ ਪੜਾਅ ਦੀ ਵੋਟਿੰਗ ਖਤਮ ਹੋ ਗਈ ਹੈ। ਜੰਮੂ-ਕਸ਼ਮੀਰ ਵਿਚ 13 ਸਾਲ ਦੇ ਲੰਮੇ ਇੰਤਜ਼ਾਰ ਤੋਂ ਬਾਅਦ ਸਥਾਨਕ ਸਰਕਾਰਾਂ ਚੋਣਾਂ ਹੋਈਆਂ। ਸੈਨਾ ਅਤੇ ਅਰਧਸੈਨਿਕ ਬਲਾਂ ਦੇ 10 ਹਜ਼ਾਰ ਤੋਂ ਵੱਧ ਜਵਾਨਾਂ ਦੀ ਸੁਰੱਖਿਆ ਵਿਚ ਜੰਮੂ-ਕਸ਼ਮੀਰ ਦੇ 11 ਜਿਲਿਆਂ ਦੇ ਕੁਲ 422 ਵਾਰਡਾਂ ਦੇ 820 ਪੋਲਿੰਸ ਸਟੇਸ਼ਨਨਾਂ ਤੇ ਸਥਾਨਕ ਸਰਕਾਰਾਂ ਦੇ ਪਹਿਲੇ ਪੜਾਅ ਦੀਆਂ ਵੋਟਾਂ ਪਈਆਂ।

ਚੋਣ ਅਧਿਕਾਰੀ ਰਮੇਸ਼ ਕੁਮਾਰ ਨੇ ਵੋਟਿੰਗ ਦੇ ਅੰਕੜਿਆਂ ਸਬੰਧੀ  ਜਾਣਕਾਰੀ ਦਿੰਦੇ ਹੋਏ ਦਸਿਆ ਕਿ ਪਹਿਲੇ ਪੜਾਅ ਵਿਚ ਸ਼ਾਮ 4 ਵਜੇ ਤੱਕ 63.83 ਫੀਸਦੀ ਵੋਟਾਂ ਪਈਆਂ। ਰਾਜੌਰੀ ਵਿਚ ਸੱਭ ਤੋਂ ਵੱਧ ਵੋਟਾਂ ਪਈਆਂ। ਹਾਲਾਂਕਿ ਕਸ਼ਮੀਰ ਵਿਚ ਹਾਲਾਤ ਇਸਦੇ ਉਲਟ ਰਹੇ। ਇਥੇ ਜਿਆਦਾਤਰ ਪੋਲਿੰਗ ਸਟੇਸ਼ਨ ਸੁੰਨੇ ਪਏ ਰਹੇ। ਆਮ ਹੜਤਾਲ ਦੌਰਾਨ ਸ਼੍ਰੀਨਗਰ ਵਿਚ ਸੱਭ ਤੋਂ ਘੱਟ ਵੋਟਾਂ ਪਈਆਂ। ਠੋਸ ਸੁਰੱਖਿਆ ਪ੍ਰਬੰਧਾਂ ਵਿਚ ਜੰਮੂ ਜਿਲੇ ਦੇ ਸਾਰੇ ਨਗਰ ਨਿਗਮਾਂ ਅਤੇ ਵਾਰਡਾਂ ਵਿਚ ਵੋਟਰਾਂ ਦੀਆਂ ਲੰਮੀਆਂ ਕਤਾਰਾਂ ਦੇਖਣ ਨੂੰ ਮਿਲੀਆਂ।

ਜਿਥੇ 5 ਘੰਟਿਆਂ ਵਿਚ 34 ਫੀਸਦੀ ਵੋਟਾਂ ਪਈਆਂ। ਇਸ ਦੌਰਾਨ ਰਾਜੌਰੀ ਵਿਚ 55 ਫੀਸਦੀ ਅਤੇ ਪੂੰਛ ਵਿਚ 47 ਫੀਸਦੀ ਵੋਟਾਂ ਪਈਆਂ। ਗਾਂਧੀਨਗਰ, ਆਰਐਸ ਪੁਰਾ ਵਿਚ ਸ਼ਾਂਤੀਪੁਰਣ ਵੋਟਾਂ ਪਈਆਂ। ਪੂਰਾ, ਬਿਨਾਹ, ਅਰਨਿਆ, ਖੌਰ, ਜੁਰਿਆਂ, ਅਖਨੂਰ, ਨੁਸ਼ਹਿਰਾ, ਸੁਰਨਕੋਟ, ਕਲਾਕੋਟ ਅਤੇ ਹੋਰਨਾਂ ਵਾਰਡਾਂ ਵਿਚ ਵੀ ਮਾਹੌਲ ਸ਼ਾਂਤ ਰਿਹਾ। ਜਦਕਿ ਕਸ਼ਮੀਰ ਵਿਚ ਦੋ ਪ੍ਰਮੁਖ ਦਲਾਂ ਨੈਸ਼ਨਲ ਕਾਨਫੰਰਸ ਅਤੇ ਪੀਪਲਜ ਡੈਮੋਕ੍ਰੈਟਿਕ ਪਾਰਟੀ ਨੇ ਇਨਾਂ ਚੌਣਾਂ ਦਾ ਬਾਇਕਾਟ ਕੀਤਾ ਹੈ। ਉਤਰੀ ਕਸ਼ਮੀਰ ਦੇ ਬਾਂਦੀਪੋਰਾ ਵਿਖੇ ਕੁਝ ਸ਼ਰਾਰਤੀ ਅਨਸਰਾਂ ਨੇ ਇਕ ਪੋਲਿੰਗ ਬੂਥ ਤੇ ਪੱਥਰਬਾਜ਼ੀ ਕੀਤੀ।

ਇਸ ਪਥੱਰਬਾਜ਼ੀ ਦੇ ਬਾਵਜੂਦ ਸੁਰੱਖਿਆਬਲਾਂ ਦੀ ਚੌਕਸੀ ਕਾਰਣ ਵੋਟਾਂ ਦੀ ਪ੍ਰਕਿਰਿਆ ਪ੍ਰਭਾਵਿਤ ਨਹੀਂ ਹੋਈ। ਇਸ ਦੌਰਾਨ ਪੋਲਿੰਗ ਬੂਥ ਵੱਲ ਆ ਰਹੇ ਵਾਰਡ ਨੰਬਰ 15 ਦੇ ਉਮੀਦਵਾਰ ਆਦਿਲ ਅਲੀ ਬਹੁਰੂ ਪਥੱਰਬਾਜ਼ੀ ਕਾਰਨ ਗੰਭੀਰ ਰੂਪ ਵਿਚ ਜ਼ਖ਼ਮੀ ਹੋ ਗਏ। ਉਨਾਂ ਦੀ ਸੁਰੱਖਿਆ ਵਿਚ ਤੈਨਾਤ ਪੁਲਿਸ ਜਵਾਨਾਂ ਨੇ ਸਥਾਨਕ ਲੋਕਾਂ ਦੀ ਮਦਦ ਨਾਲ ਬਾਂਦੀਪੁਰਾ ਦੇ ਜ਼ਿਲਾ ਹਸਪਤਾਲ ਵਿਖੇ ਆਦਿਲ ਅਲੀ ਨੂੰ ਭਰਤੀ ਕਰਵਾਇਆ ਜਿੱਥੇ ਉਨਾਂ ਦੀ ਹਾਲਤ ਹੁਣ ਸਥਿਰ ਹੈ।

13 ਸਾਲ ਤੱਕ ਵੋਟਾਂ ਨਾਂ ਪੈਣ ਕਾਰਨ ਲੋਕਾਂ ਵਿਚ ਵੋਟਾਂ ਨੂੰ ਲੈ ਕੇ ਖਾਸਾ ਉਤਸ਼ਾਹ ਵੇਖਣ ਨੂੰ ਮਿਲਿਆ। ਖਾਸ ਗੱਲ ਇਹ ਰਹੀ ਕਿ ਹੁਰੀਅਤ ਅਤੇ ਅਤਿਵਾਦੀ ਸੰਗਠਨਾਂ ਦੀਆਂ ਕਈਆਂ ਅਪੀਲਾਂ ਦੇ ਬਾਵਜੂਦ ਵੀ ਕਸ਼ਮੀਰ ਦੇ ਅਤਿਵਾਦੀ ਪ੍ਰਭਾਵਿਤ ਜਿਲਿਆਂ ਦੇ ਪੋਲਿੰਗ ਸਟੇਸ਼ਨਾਂ ਤੇ ਵੋਟਰਾਂ ਦੀ ਵੱਡੀ ਗਿਣਤੀ ਵੇਖਣ ਨੂੰ ਮਿਲੀ। ਰਾਜ ਦੇ ਮੁਖ ਚੋਣ ਕਮਿਸ਼ਨਰ ਦੇ ਦਫਤਰ ਵੱਲੋਂ ਮਿਲੀ ਜਾਣਕਾਰੀ ਮੁਤਾਬਕ, 

ਸਵੇਰੇ 11 ਵਜੇ ਤੱਕ ਰਾਜੌਰੀ ਜਿਲੇ ਵਿਚ ਸੱਭ ਤੋਂ ਵੱਧ 55 ਫੀਸਦੀ ਵੋਟਿੰਗ ਹੋਈ। ਇਸ ਤੋਂ ਇਲਾਵਾ ਪੂੰਛ ਵਿਚ 47, ਜੰਮੂ ਵਿਚ 34, ਕਾਰਗਿਲ ਵਿਚ 33, ਲੇਹ ਵਿਚ 26, ਕੁਪਵਾੜਾ ਵਿਚ 18, ਅਨੰਤਨਾਗ ਵਿਚ 5, ਬਾਰਾਮੁਲਾ ਅਤੇ ਬੜਗਾਮ ਵਿਚ 3 ਅਤੇ ਬਾਂਦੀਪੋਰਾ ਵਿਚ 2 ਫੀਸਦੀ ਵੋਟਾਂ ਪਈਆਂ। ਜ਼ਿਕਰਯੋਗ ਹੈ ਕਿ ਜੰਮ-ਕਸ਼ਮੀਰ ਵਿਚ ਹੁਣ ਤੱਕ ਦੀਆਂ ਹੋਈਆਂ ਚੋਣਾਂ ਦੇ ਮੁਕਾਬਲੇ ਇਨਾਂ ਚੌਣਾਂ ਦੇ ਅੰਕੜਿਆਂ ਨੂੰ ਸੱਭ ਤੋਂ ਵੱਧ ਸਾਕਾਰਾਤਮਕ ਮੰਨਿਆ ਜਾ ਰਿਹਾ ਹੈ।