Meat testing

ਹੈਦਰਾਬਾਦ , ( ਪੀਟੀਆਈ ) : ਰੈਸਟੋਰੇਂਟਾਂ ਵਿਚ ਵਰਤਾਇਆ ਜਾਣ ਵਾਲਾ ਅਤੇ ਸੁਪਰਮਾਰਕਿਟ ਵਿਚ ਹਲਾਲ ਮੀਟ ਦੇ ਨਾਮ ਨਾਲ ਵਿਕਣ ਵਾਲਾ ਮੀਟ ਅਸਲ ਵਿਚ ਹਲਾਲ ਮੀਟ ਹੁੰਦਾ ਹੈ? ਹੈਦਰਾਬਾਦ ਦੇ ਨੈਸ਼ਨਲ ਰਿਸਰਚ ਸੈਂਟਰ ਆਨ ਮੀਟ (ਐਨਆਰਸੀਐਮ) ਨੇ ਦਾਵਾ ਕੀਤਾ ਹੈ ਕਿ ਪਹਿਲੀ ਵਾਰ ਪ੍ਰਯੋਗਸ਼ਾਲਾ ਵਿਚ ਇਸ ਸਬੰਧੀ ਜਾਂਚ ਦਾ ਵਿਕਾਸ ਕੀਤਾ ਗਿਆ ਹੈ। ਇਸ ਜਾਂਚ ਤੋਂ ਬਾਅਦ ਵਿਗਿਆਨੀ ਇਹ ਦੱਸ ਸਕਣਗੇ ਕਿ ਮੀਟ ਹਲਾਲ ਹੈ ਜਾਂ ਨਹੀਂ।

ਐਨਆਰਸੀਐਮ ਦੇ ਵਿਗਿਆਨੀਆਂ ਨੇ ਦੱਸਿਆ ਕਿ ਇਹ ਜਾਂਚ ਉਨ੍ਹਾਂ ਨੇ ਹਲਾਲ ਕੀਤੀ ਗਈ ਇਕ ਭੇਡ ਅਤੇ ਬਿਜਲੀ ਦੇ ਝਟਕੇ ਨਾਲ ਮਾਰੀ ਗਈ ਭੇਡ ਤੇ ਕੀਤਾ। ਇਸ ਜਾਂਚ ਤੋਂ ਬਾਅਦ ਦੋਨਾਂ ਭੇਡਾਂ ਦੇ ਮੀਟ ਵਿਚ ਬਹੁਤ ਜਿਆਦਾ ਅੰਤਰ ਪਾਇਆ ਗਿਆ। ਵਿਗਿਆਨੀਆਂ ਨੇ ਪਾਇਆ ਕਿ ਸੂਖਮ ਤੌਰ ਤੇ ਦੋਨਾਂ ਦਾ ਮੀਟ ਬਹੁਤ ਵੱਖ ਹੈ। ਹਲਾਲ ਕੀਤੀ ਗਈ ਭੇਡ ਦੇ ਮੀਟ ਵਿਚ ਪ੍ਰੋਟੀਨ ਦਾ ਵਿਸ਼ੇਸ਼ ਸਮੂਹ ਪਾਇਆ ਗਿਆ ਜੋ ਕਿ ਝਟਕੇ ਵਾਲੇ ਮੀਟ ਤੋਂ ਵੱਖ ਸੀ।

ਇਸੇ ਬਦਲਾਅ ਦੇ ਆਧਾਰ ਤੇ ਹੁਣ ਵਿਗਿਆਨੀ ਦੱਸ ਸਕਣਗੇ ਕਿ ਹਲਾਲ ਮੀਟ ਦੇ ਨਾਮ ਤੇ ਵੇਚਿਆ ਜਾ ਰਿਹਾ ਮੀਟ ਅਸਲ ਵਿਚ ਹਲਾਲ ਦਾ ਹੈ ਜਾਂ ਨਹੀਂ। ਵਿਗਿਆਨੀਆਂ ਦਾ ਦਾਵਾ ਹੈ ਕਿ ਹਲਾਲ ਮੀਟ ਦੀ ਪਛਾਣ ਕਰਨ ਦਾ ਇਹ ਦੁਨੀਆ ਦਾ ਪਹਿਲਾ ਟੈਸਟ ਹੈ। ਵਿਗਿਆਨੀਆਂ ਨੇ ਦੱਸਿਆ ਕਿ ਬਲੱਡ ਬਾਇਓਕੈਮੀਕਲ ਸਟੈਂਡਰਡਜ਼ ਅਤੇ ਪ੍ਰੋਟੀਨ ਸਟ੍ਰਕਟਰ ਦੀ ਜਾਂਚ ਦੇ ਆਧਾਰ ਤੇ ਹਲਾਲ ਮੀਟ ਦੀ ਪਛਾਣ ਕੀਤੀ ਜਾ ਸਕਦੀ ਹੈ।

ਜਾਂਚ ਦੇ ਇਸ ਤਰੀਕੇ ਨੂੰ ਡਿਫਰੈਂਸ ਜੇਲ ਇਲੈਕਟਰੋਫਾਰੇਸਿਸ ਕਹਿੰਦੇ ਹਨ। ਇਸ ਦੇ ਆਧਾਰ ਤੇ ਦੋਨਾਂ ਮੀਟ ਦੇ ਮਸਲਸ ਪ੍ਰੋਟੀਨ ਵਿਚ ਅੰਤਰ ਕੱਢਿਆ ਜਾ ਸਕਦਾ ਹੈ। ਇਨਾਂ ਹੀ ਨਹੀਂ ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਜਾਨਵਰਾਂ ਨੂੰ ਕੱਟਣ ਤੋਂ ਪਹਿਲਾਂ ਉਸ ਵਿਚ ਜੋ ਤਣਾਅ ਹੁੰਦਾ ਹੈ ਉਸ ਦੇ ਆਧਾਰ ਤੇ ਵੀ ਮੀਟ ਦੀ ਪਛਾਣ ਕੀਤੀ ਜਾ ਸਕਦੀ ਹੈ।