Jailed for wife’s murder, UK NRI to be deported

ਚੰਡੀਗੜ੍ਹ, ਪਤਨੀ ਦੀ ਹੱਤਿਆ ਦੇ ਮਾਮਲੇ ਵਿਚ ਬ੍ਰਿਟੇਨ ਦੀ ਇੱਕ ਜੇਲ੍ਹ ਵਿਚ ਸਜ਼ਾ ਕੱਟ ਰਹੇ ਇੱਕ ਪੰਜਾਬੀ ਪ੍ਰਵਾਸੀ ਨੌਜਵਾਨ ਨੂੰ ਅਪਣੀ ਬਾਕੀ ਦੀ ਸਜ਼ਾ ਕੱਟਣ ਲਈ ਭਾਰਤ ਡਿਪੋਰਟ ਕੀਤਾ ਜਾਵੇਗਾ। ਦੱਸ ਦਈਏ ਕਿ ਤਲਾਕ ਦੀ ਮੰਗ ਤੋਂ ਬਾਅਦ, ਆਪਣੀ ਪਤਨੀ ਗੀਤਾ ਔਲਖ (28) ਦੀ ਹੱਤਿਆ ਦੇ ਦੋਸ਼ ਵਿਚ ਦਸੰਬਰ 2010 ਵਿਚ ਹਰਪ੍ਰੀਤ ਔਲਖ ਨੂੰ ਲੰਦਨ ਵਿਚ ਘੱਟ ਤੋਂ ਘੱਟ 28 ਸਾਲ ਦੀ ਸਜ਼ਾ ਸੁਣਾਈ ਗਈ ਸੀ। 40 ਸਾਲ ਦੇ ਸਾਰੇ ਭਾਰਤ - ਬ੍ਰਿਟੇਨ ਦੇ ਕੈਦੀਆਂ ਨੂੰ ਪਰਿਵਰਤਨ ਐਕਟ ਦੇ ਤਹਿਤ ਡਿਪੋਰਟ ਕੀਤਾ ਜਾਵੇਗਾ। 

ਆਈ ਪੀ ਐੱਸ ਸਹੋਤਾ ਨੇ ਇਸ ਮਾਮਲੇ ਦੀ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਹਰਪ੍ਰੀਤ ਨੂੰ ਭਾਰਤ ਲਿਆਉਣ ਦੀਆਂ ਸਾਰੀਆਂ ਕਾਨੂੰਨੀ ਖ਼ਾਨਾਫੁਰਤੀਆਂ ਪੂਰੀਆਂ ਹੋ ਚੁਕੀਆਂ ਹਨ। ਬ੍ਰਿਟੇਨ ਸਰਕਾਰ ਵੱਲੋਂ ਹਰਪ੍ਰੀਤ ਔਲਖ ਨੂੰ ਦਿੱਲੀ ਲਿਆਂਦਾ ਜਾਵੇਗਾ ਜਿਥੇ ਪੰਜਾਬ ਪੁਲਿਸ ਉਸ ਨੂੰ ਹਿਰਾਸਤ ਵਿਚ ਲੈ ਕਿ ਅੰਮ੍ਰਿਤਸਰ ਪਹੁੰਚਾਵੇਗੀ। 
ਜੇਲ੍ਹ ਆਈ ਜੀ ਰੂਪ ਕੁਮਾਰ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਹਰਪ੍ਰੀਤ ਨੇ ਬ੍ਰਿਟੇਨ ਸਰਕਾਰ ਨੂੰ ਬੇਨਤੀ ਕੀਤੀ ਸੀ ਕਿ ਉਹ ਆਪਣੀ ਬੇਬਾਕੀ ਦੀ ਸਜ਼ਾ ਭਾਰਤ ਵਿਚ ਪੂਰੀ ਕਰਨਾ ਚਾਹੁੰਦਾ ਹੈ। ਦੱਸ ਦਈਏ ਕਿ ਗੀਤਾ ਔਲਖ ਦੀ ਹੱਤਿਆ ਇਕ ਤਲਵਾਰ ਨਾਲ 2009 ਵਿਚ ਕੀਤੀ ਗਈ ਸੀ। 

ਘਟਨਾ ਉਸ ਸਮੇਂ ਵਾਪਰੀ ਜਦੋਂ ਗੀਤਾ ਆਪਣੇ ਬੱਚਿਆਂ ਨੂੰ ਲੈਣ ਜਾ ਰਹੀ ਸੀ। ਗੀਤਾ ਰੇਡੀਓ ਸਟੇਸ਼ਨ ਵਿਚੋਂ ਬਾਹਰ ਆ ਰਹੀ ਸੀ ਜਿਥੇ ਉਹ ਬਤੌਰ ਰਿਸੈਪਸ਼ਨਿਸਟ ਕੰਮ ਕਰਦੀ ਸੀ। ਹਰਪ੍ਰੀਤ ਔਲਖ ਜੋ ਕਿ ਸਨੀ ਦੇ ਨਾਮ ਨਾਲ ਵੀ ਜਾਣਿਆ ਜਾਂਦਾ ਹੈ, ਉਸ ਦੇ ਦੋ ਸਾਥੀ ਸ਼ੇਰ ਸਿੰਘ (19), ਜਸਵੰਤ ਸਿੰਘ ਢਿੱਲੋਂ (30) ਵੀ ਇਸ ਜੁਰਮ ਵਿਚ ਬਰਾਬਰ ਦੇ ਭਾਗੀਦਾਰ ਸਨ।

ਦੱਸ ਦਈਏ ਕਿ ਸ਼ੇਰ ਸਿੰਘ ਵੱਲੋਂ ਤਲਵਾਰ ਚਲਾਈ ਗਈ ਸੀ ਅਤੇ ਜਸਵੰਤ ਢਿੱਲੋਂ ਦੀ ਨਿਗਰਾਨੀ ਵਿਚ ਇਸ ਵਾਰਦਾਤ ਨੂੰ ਅੰਜਾਮ ਦਿੱਤਾ ਗਿਆ ਸੀ। ਇਨ੍ਹਾਂ ਦੋਵਾਂ ਦੋਸ਼ੀਆਂ ਨੂੰ ਵੀ ਅਦਾਲਤ ਵੱਲੋਂ 22 ਸਾਲ ਦੀ ਸਜ਼ਾ ਸੁਣਾਈ ਗਈ ਸੀ। ਇਹ ਤਲਵਾਰ ਦੋਸ਼ੀਆਂ ਵੱਲੋਂ ਗੀਤਾ ਦੇ ਕਤਲ ਤੋਂ 2 ਦਿਨ ਪਹਿਲਾਂ ਇਕ ਸਟੋਰ ਵਿਚੋਂ ਖਰੀਦੀ ਗਈ ਸੀ। ਫਿਲਹਾਲ ਬ੍ਰਿਟੇਨ ਸਰਕਾਰ ਵੱਲੋਂ ਹਰਪ੍ਰੀਤ ਸਿੰਘ ਔਲਖ ਨੂੰ ਪੰਜਾਬ ਪੁਲਿਸ ਦੇ ਹੱਥ ਸੌਂਪਿਆ ਜਾਵੇਗਾ ਜਿਥੇ ਉਹ ਆਪਣੀ ਬਾਕੀ ਦੀ ਰਹਿੰਦੀ ਸਜ਼ਾ ਪੂਰੀ ਕਰੇਗਾ।