ਨਵੀਂ ਦਿੱਲੀ: ਭਾਰਤੀ ਮਹਿਲਾ ਬੈਡਮਿੰਟਨ ਖਿਡਾਰਨ ਸਾਇਨਾ ਨੇਹਵਾਲ ਆਲ ਇੰਗਲੈਂਡ ਬੈਡਮਿੰਟਨ ਚੈਂਪੀਅਨਸ਼ਿਪ ਦੇ ਕੁਆਟਰ ਫਾਈਨਲ ਵਿਚ ਹਾਰ ਕੇ ਬਾਹਰ ਹੋ ਗਈ ਹੈ। ਸਾਇਨਾ ਨੂੰ ਚੀਨੀ- ਤਾਈਪੇ ਖਿਡਾਰੀ ਤਾਈ ਤਜੁ ਯਿੰਗ ਨੇ ਵੂਮੈਂਨਜ਼ ਸਿੰਗਲਸ ਦੇ ਕੁਆਟਰ ਫਾਈਨਲ ’ਚ 15-21, 19-21 ਨਾਲ ਮਾਤ ਦਿੱਤੀ।

ਤਾਈ ਦੇ ਹੱਥੋਂ ਪਹਿਲਾ ਸੈਟ ਗਵਾਉਣ ਤੋਂ ਬਾਅਦ ਸਾਇਨਾ ਕੋਲ ਦੂਜਾ ਸੈਟ ਜਿੱਤਣ ਲਈ ਸ਼ਾਨਦਾਰ ਮੌਕਾ ਸੀ। ਸਾਈਨਾ 19-19 ਦੇ ਸਕੋਰ ਨਾਲ ਤਾਈ ਦੇ ਬਰਾਬਰ ਚੱਲ ਰਹੀ ਸੀ, ਪਰ ਚੀਨੀ- ਤਾਈਪੇ ਖਿਡਾਰੀ ਨੇ ਲਗਾਤਾਰ ਦੋ ਪੁਆਇੰਟ ਹਾਂਸਿਲ ਕਰ ਭਾਰਤੀ ਬੈਡਮਿੰਟਨ ਖਿਡਾਰੀ ਨੂੰ ਹਰਾ ਦਿੱਤਾ।