Telugu Titans vs Gujarat Fortunegiants

ਨੋਇਡਾ: ਗੁਜਰਾਤ ਫਾਰਚੂਨ ਜੁਆਇੰਟਸ ਨੇ ਸੋਮਵਾਰ ਨੂੰ ਪ੍ਰੋ ਕਬੱਡੀ ਲੀਗ ਦੇ ਸੱਤਵੇਂ ਸੀਜ਼ਨ ਦੇ ਮੈਚ ਵਿਚ ਤੇਲਗੂ ਟਾਇੰਟਸ ਨੂੰ 48-38 ਨਾਲ ਮਾਤ ਦਿੱਤੀ। ਗੁਜਰਾਤ ਦੀ ਟੀਮ ਲਈ ਸੋਨੂੰ ਨੇ 17 ਰੇਡ ਅੰਕ ਹਾਸਲ ਕੀਤੇ, ਜਿਸ ਨਾਲ ਛੇਵੇਂ ਸੈਸ਼ਨ ਦੀ ਰਨਰ ਟੀਮ ਨੇ ਅਪਣਾ ਮੈਚ ਸ਼ਾਨਦਾਰ ਤਰੀਕੇ ਨਾਲ ਸਮਾਪਤ ਕੀਤਾ। ਹਾਲਾਂਕਿ ਦੋਵੇਂ ਟੀਮਾਂ ਮੁਕਾਬਲੇ ਵਿਚੋਂ ਬਾਹਰ ਹੋ ਗਈਆਂ ਹਨ ਪਰ ਦੋਵੇਂ ਟੀਮਾਂ ਨੇ ਵਧੀਆ ਪ੍ਰਦਰਸ਼ਨ ਦਿਖਾਇਆ ਅਤੇ ਤੇਲਗੂ ਟਾਇੰਟਸ ਨੇ ਪਹਿਲੀ ਪਾਰੀ ਤੱਕ 21-13 ਨਾਲ ਵਾਧਾ ਬਣਾਇਆ ਸੀ ਪਰ ਸੋਨੂੰ ਦੇ ਪ੍ਰਦਰਸ਼ਨ ਨਾਲ ਗੁਜਰਾਤ ਜੇ ਜਿੱਤ ਹਾਸਲ ਕੀਤੀ।

ਉੱਥੇ ਹੀ ਦੂਜੇ ਮੈਚ ਵਿਚ ਤਮਿਲ ਥਲਾਈਵਾਜ਼ ਨੇ ਜੈਪੁਰ ਪਿੰਕ ਪੈਂਥਰਜ਼ ਨੂੰ ਹਰਾ ਦਿੱਤਾ। ਤਮਿਲ ਥਲਾਈਵਾਜ਼ ਦੀ ਟੀਮ ਪਹਿਲਾਂ ਹੀ ਮੁਕਾਬਲੇ ਵਿਚੋਂ ਬਾਹਰ ਹੋ ਚੁੱਕੀ ਹੈ। ਹਾਲਾਂਕਿ ਜੈਪੁਰ ਪਿੰਕ ਪੈਂਥਰਜ਼ ਲਈ ਵੀ ਉਮੀਦ ਖਤਮ ਹੋਣ ਕਿਨਾਰੇ ਹੈ। ਉਸ ਨੇ 22 ਮੈਚਾਂ ਵਿਚ 9 ਮੈਚ ਜਿੱਤੇ ਹਨ ਅਤੇ ਇਸ ਸਮੇਂ ਉਹ ਅੰਕ ਸੂਚੀ ਵਿਚ ਸੱਤਵੇਂ ਸਥਾਨ ‘ਤੇ ਹੈ। ਦੱਸ ਦਈਏ ਕਿ ਅੰਕ ਸੂਚੀ ਵਿਚ ਟਾਪ 6 ਟੀਮਾਂ ਹੀ ਪਲੇਆਫ ਦੀ ਦੌੜ ਵਿਚ ਕੁਆਲੀਫਾਈ ਕਰਨਗੀਆਂ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।