South Africa vs Afghanistan

ਨਵੀਂ ਦਿੱਲੀ: ਕ੍ਰਿਕਟ ਵਿਸ਼ਵ ਕੱਪ 2019 ਵਿਚ ਸ਼ਨਿਵਾਰ ਨੂੰ ਪੁਆਇੰਟ ਟੇਬਲ ‘ਤੇ 9ਵੇਂ ਅਤੇ 10ਵੇਂ ਸਥਾਨ ਦੀਆਂ ਟੀਮਾਂ ਦੀ ਟੱਕਰ ਹੋਵੇਗੀ। ਕਾਰਡਿਫ ਦੇ ਮੈਦਾਨ ‘ਤੇ ਦੱਖਣੀ ਅਫ਼ਰੀਕਾ ਅਤੇ ਅਫ਼ਗਾਨਿਸਤਾਨ ਵਿਚਕਾਰ ਟੂਰਨਾਮੈਂਟ ਦਾ 21 ਵਾਂ ਮੁਕਾਬਲਾ ਹੋਵੇਗਾ। ਇਹ ਦੋਵੇਂ ਟੀਮਾਂ ਅਹਿਮ ਖਿਡਾਰੀਆਂ ਦੀਆਂ ਸੱਟਾਂ ਨਾਲ ਜੂਝ ਰਹੀਆਂ ਹਨ। ਜਿੱਥੇ ਸਾਊਥ ਅਫ਼ਰੀਕਾ ਦਾ ਇਹ ਪੰਜਵਾਂ ਮੁਕਾਬਲਾ ਹੋਵੇਗਾ ਤਾਂ ਉਥੇ ਹੀ ਅਫ਼ਗਾਨਿਸਤਾਨ ਦਾ ਇਹ ਚੌਥਾਂ ਮੈਚ ਹੈ।

ਟੂਰਨਾਮੈਂਟ ਤੋਂ ਪਹਿਲਾਂ ਸਾਊਥ ਅਫ਼ਰੀਕਾ ਦੀ ਟੀਮ ਖ਼ਿਤਾਬ ਲਈ ਵੱਡੀ ਦਾਅਵੇਦਾਰ ਮੰਨੀ ਜਾ ਰਹੀ ਸੀ। ਹਾਲਾਂਕਿ ਉਮੀਦ ਤੋਂ ਉਲਟ ਇਸ ਟੀਮ ਦੀ ਸ਼ੁਰੂਅਤ ਬੇਹੱਦ ਖ਼ਰਾਬ ਰਹੀ। ਅਫ਼ਰੀਕੀ ਟੀਮ ਨੂੰ ਇੰਗਲੈਂਡ, ਬਾਂਗਲਾਦੇਸ਼ ਅਤੇ ਭਾਰਤ ਵਿਰੁੱਧ ਹਾਰ ਦਾ ਸਾਹਮਣਾ ਕਰਨਾ ਪਿਆ ਜਦਕਿ ਵੈਸਟ ਇੰਡੀਜ਼ ਵਿਰੁੱਧ ਮੈਚ ਬਾਰਿਸ਼ ਦੇ ਚਲਦਿਆਂ ਰੱਦ ਹੋ ਗਿਆ। ਸਾਊਥ ਅਫ਼ਰੀਕਾ ਨੂੰ ਰੱਦ ਹੋਏ ਮੁਕਾਬਲੇ ਵਿਚ ਪਹਿਲਾ ਅੰਕ ਮਿਲਿਆ। ਇਹ ਮੈਚ ਅੱਜ ਸ਼ਾਮੀਂ ਛੇ ਵਜੇ ਖੇਡਿਆ ਜਾਵੇਗਾ।