Shubman Gill News: ‘ਬੇਬੇ-ਬਾਪੂ ਬੜੇ ਨੇ Proud ਤੇਰੇ 'ਤੇ!’ ਵਿਸ਼ਵ ਕੱਪ ਵਿਚ ਸ਼ੁਭਮਨ ਗਿੱਲ ਦੇ ਚੌਥੇ ਅਰਧ ਸੈਂਕੜੇ ਦੇ ਗਵਾਹ ਬਣੇ ਮਾਪੇ
ਸ਼ੁਭਮਨ ਗਿੱਲ ਨੇ 65 ਗੇਂਦਾਂ ’ਤੇ 79 ਦੌੜਾਂ ਬਣਾ ਕੇ Retired Hurt ਹੋ ਗਏ।
Shubman Gill Half Century in IND vs NZ ICC World Cup 2023 Semifinal News: ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਾਲੇ ਵਿਸ਼ਵ ਕੱਪ ਦਾ ਪਹਿਲਾ ਸੈਮੀਫਾਈਨਲ ਮੈਚ ਮੁੰਬਈ ਦੇ ਵਾਨਖੇੜੇ ਸਟੇਡੀਅਮ 'ਚ ਖੇਡਿਆ ਜਾ ਰਿਹਾ ਹੈ। ਟੀਮ ਇੰਡੀਆ ਨੇ ਟਾਸ ਜਿੱਤ ਕੇ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਹੈ। ਟੀਮ ਨੇ 21 ਓਵਰਾਂ 'ਚ ਇਕ ਵਿਕਟ 'ਤੇ 153 ਦੌੜਾਂ ਬਣਾਈਆਂ ਹਨ। ਸ਼ੁਭਮਨ ਗਿੱਲ ਅਤੇ ਵਿਰਾਟ ਕੋਹਲੀ ਕਰੀਜ਼ 'ਤੇ ਹਨ।
ਇਸ ਦੌਰਾਨ ਸ਼ੁਭਮਨ ਗਿੱਲ ਨੇ ਇਸ ਵਿਸ਼ਵ ਕੱਪ ਵਿਚ ਅਪਣਾ ਚੌਥਾ ਅਰਧ ਸੈਂਕੜਾ ਪੂਰਾ ਕੀਤਾ ਹੈ। ਇਹ ਉਸ ਦੇ ਵਨਡੇ ਕਰੀਅਰ ਦਾ ਛੇਵਾਂ ਅਰਧ ਸੈਂਕੜਾ ਹੈ। ਖ਼ਾਸ ਗੱਲ ਇਹ ਹੈ ਕਿ ਇਸ ਸ਼ੁਭਮਨ ਗਿੱਲ ਦੀ ਇਸ ਪ੍ਰਾਪਤੀ ਮੌਕੇ ਉਨ੍ਹਾਂ ਦੇ ਮਾਤਾ-ਪਿਤਾ ਵੀ ਸਟੇਡੀਅਮ ਵਿਚ ਮੌਜੂਦ ਸਨ। ਉਨ੍ਹਾਂ ਦੀ ਤਸਵੀਰ ਵੀ ਸਾਹਮਣੇ ਆਈ ਹੈ, ਜਿਸ ਵਿਚ ਉਹ ਭਾਵੁਕ ਨਜ਼ਰ ਆ ਰਹੇ ਹਨ। ਇਸ ਤਸਵੀਰ ਨੂੰ ਪੰਜਾਬ ਕਿੰਗਜ਼ ਨੇ ਅਪਣੇ ਸੋਸ਼ਲ ਮੀਡੀਆ ਹੈਂਡਲ ਉਤੇ ਸ਼ੇਅ ਕਰਦਿਆਂ ਕੈਪਸ਼ਨ ਲਿਖਿਆ, “ਬੇਬੇ-ਬਾਪੂ ਬੜੇ ਨੇ Proud ਤੇਰੇ 'ਤੇ”। ਇਹ ਤਸਵੀਰ ਕਾਫੀ ਵਾਇਰਲ ਹੋ ਰਹੀ ਹੈ। ਸ਼ੁਭਮਨ ਗਿੱਲ ਨੇ 65 ਗੇਂਦਾਂ ’ਤੇ 79 ਦੌੜਾਂ ਬਣਾ ਕੇ Retired Hurt ਹੋ ਗਏ।
ਵਿਰਾਟ ਕੋਹਲੀ ਵਿਸ਼ਵ ਕੱਪ ਦੇ ਇਕ ਸੀਜ਼ਨ ਵਿਚ 600 ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਭਾਰਤ ਦੇ ਤੀਜੇ ਬੱਲੇਬਾਜ਼ ਬਣ ਗਏ ਹਨ। ਇਸ ਤੋਂ ਪਹਿਲਾਂ ਸਚਿਨ ਤੇਂਦੁਲਕਰ ਨੇ 2003 ਅਤੇ ਰੋਹਿਤ ਸ਼ਰਮਾ ਨੇ 2019 'ਚ ਅਜਿਹਾ ਕੀਤਾ ਸੀ। ਕਪਤਾਨ ਰੋਹਿਤ ਸ਼ਰਮਾ 29 ਗੇਂਦਾਂ 'ਤੇ 47 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਉਸ ਨੂੰ ਟਿਮ ਸਾਊਦੀ ਨੇ ਕੇਨ ਵਿਲੀਅਮਸਨ ਦੇ ਹੱਥੋਂ ਕੈਚ ਕਰਵਾਇਆ। ਟਿਮ ਸਾਊਦੀ ਨੇ ਵਨਡੇ ਪਾਵਰਪਲੇ 'ਚ ਰੋਹਿਤ ਨੂੰ 5ਵੀਂ ਵਾਰ ਆਊਟ ਕੀਤਾ ਹੈ। ਰੋਹਿਤ ਨੇ ਸ਼ੁਭਮਨ ਗਿੱਲ ਨਾਲ 50 ਗੇਂਦਾਂ 'ਤੇ 71 ਦੌੜਾਂ ਦੀ ਸਾਂਝੇਦਾਰੀ ਕੀਤੀ।
(For more news apart from Shubman Gill Parents in IND vs NZ ICC World Cup 2023 Semifinal News, stay tuned to Rozana Spokesman)