Sharadul

ਜਕਾਰਤਾ : ਇੰਡੋਨੇਸ਼ੀਆ `ਚ ਚਲ ਰਹੀਆਂ ਏਸ਼ੀਅਨ ਖੇਡਾਂ ਦੌਰਾਨ ਭਾਰਤ ਨੇ ਇਕ ਹੋਰ ਮੈਡਲ `ਤੇ ਕਬਜ਼ਾ ਕਰ ਲਿਆ ਹੈ। ਤੁਹਾਨੂੰ ਦਸ ਦੇਈਏ ਕਿ ਸ਼ੂਟਿੰਗ ਵਿਚ ਇਕ ਵਾਰ ਫਿਰ ਭਾਰਤ ਦੀ ਝੋਲੀ ਵਚ ਸਿਲਵਰ ਮੈਡਲ ਪਾਇਆ ਹੈ। ਇਸ ਵਾਰ ਡਬਲ ਟਰੈਪ ਦੀ ਪੁਰਸ਼ ਮੁਕਾਬਲੇ ਵਿਚ ਸ਼ਾਰਦੁਲ ਸਵੇਰਾ ਨੇ ਫਾਈਨਲ ਰਾਉਂਡ ਵਿਚ 73 ਅੰਕ ਹਾਸਲ ਕਰ ਕੇ ਦੂਜਾ ਸਥਾਨ ਹਾਸਲ ਕਰ ਕੇ ਇਹ ਉਪਲਬਧੀ ਹਾਸਲ ਕੀਤੀ ।

ਦਸਿਆ ਜਾ ਰਿਹਾ ਹੈ ਕਿ ਇਹ ਖਿਡਾਰੀ ਸਿਰਫ 15 ਸਾਲ ਦਾ ਹੀ ਹੈ। 15 ਸਾਲ ਦਾ ਸ਼ਾਰਦੁਲ ਇੰਡੋਨੇਸ਼ੀਆ ਵਿਚ ਜਾਰੀ ਏਸ਼ੀਆਈ ਖੇਡਾਂ ਵਿਚ ਮੈਡਲ ਜਿੱਤਣ ਵਾਲੇ ਤੀਸਰੇ ਸ਼ੂਟਰ ਹਨ। ਇਸ ਤੋਂ ਪਹਿਲਾਂ ਸ਼ਾਰਦੁਲ ਨੇ 141 ਅੰਕਾਂ  ਦੇ ਨਾਲ ਟਾਪ `ਤੇ ਰਹਿੰਦੇ ਹੋਏ ਫਾਈਨਲ ਵਿਚ ਆਪਣੀ ਜਗ੍ਹਾ ਬਣਾਈ ਸੀ। ਸ਼ਾਰਦੁਲ  ਦੇ ਇਲਾਵਾ ਇਸ ਮੁਕਾਬਲੇ ਵਿਚ ਕੋਰੀਆ ਦੇ ਹਿਊਨਵੂ ਸ਼ਿਨ ਨੇ ਗੋਲਡ ਅਤੇ ਕਤਰ ਦੇ ਹਾਮਿਦ ਅਲੀ ਅਲ ਮਾਰੀ ਨੇ ਬਰਾਂਜ ਮੈਡਲ ਆਪਣੇ ਨਾਮ ਕੀਤਾ। ਇਸ ਦੇ ਨਾਲ ਹੀ ਭਾਰਤ  ਦੇ ਮੈਡਲਾਂ ਦੀ ਗਿਣਤੀ 17 ਹੋ ਗਈ ਹੈ। 

ਤੁਹਾਨੂੰ ਦਸ ਦੇਈਏ ਕਿ ਭਾਰਤ  ਦੇ ਖ਼ਾਤੇ ਵਿਚ ਹੁਣ ਤਕ 4 ਗੋਲਡ ,  4 ਸਿਲਵਰ ਅਤੇ 9 ਬਰਾਂਜ ਮੈਡਲ ਆਏ ਹਨ। ਸ਼ਾਰਦੁਲ ਦੀ ਉਪਲਬਧੀ `ਤੇ ਓਲੰਪਿਕ ਗੋਲਡ ਮੇਡਲਿਸਟ ਅਭਿਨਵ ਬਿੰਦਰਾ ਅਤੇ ਖੇਡ ਮੰਤਰੀ  ਰਾਜਵਰਧਨ ਸਿੰਘ  ਰਾਠੌੜ ਨੇ ਵੀ ਟਵੀਟ ਕਰ ਵਧਾਈ ਦਿੱਤੀ ਹੈ। ਸ਼ਾਰਦੁਲ ਗੋਲਡ ਮੇਡਲ ਜਿੱਤਣ ਵਾਲੇ ਕੋਰੀਆਈ ਖਿਡਾਰੀ ਤੋਂ ਸਿਰਫ 1 ਅੰਕ ਪਿੱਛੇ ਰਹਿ ਗਏ। ਏਸ਼ੀਅਨ ਖੇਡਾਂ ਵਿਚ ਡਬਲ ਟਰੈਪ ਮੁਕਾਬਲੇ ਵਿਚ ਮੈਡਲ ਜਿੱਤਣ ਵਾਲੇ ਉਹ ਤੀਸਰੇ ਭਾਰਤੀ ਖਿਡਾਰੀ ਬਣ ਗਏ ਹਨ।  

ਸ਼ਾਰਦੁਲ ਤੋਂ ਪਹਿਲਾਂ ਸਾਲ 2010 ਵਿੱਚ ਰੋਜੰਨ ਸੋਢੀ  ਨੇ ਇਸ ਖੇਡਾਂ ਵਿੱਚ ਗੋਲਡ ਜਿੱਤਿਆ ਸੀ।  ਇੰਡੋਨੇਸ਼ੀਆ ਵਿਚ ਜਾਰੀ ਏਸ਼ੀਆਈ ਖੇਡਾਂ ਵਿਚ ਭਾਰਤੀ ਨਿਸ਼ਾਨੇਬਾਜਾਂ ਦਾ ਸ਼ਾਨਦਾਰ ਪ੍ਰਦਰਸ਼ਨ ਜਾਰੀ ਹੈ।  ਇਸ ਖੇਡਾਂ ਵਿਚ ਮੈਡਲ ਜਿੱਤਣ ਵਾਲੇ ਸ਼ਾਰਦੁਲ ਤੀਸਰੇ ਕਿਸ਼ੋਰ ਖਿਡਾਰੀ ਹਨ। ਉਨ੍ਹਾਂ ਨੂੰ ਪਹਿਲਾਂ ਸੌਰਭ ਚੌਧਰੀ   ( 10 ਮੀਟਰ ਏਅਰ ਪਿਸਟਲ ਵਿੱਚ ਗੋਲਡ )  ਅਤੇ ਲਕਸ਼  ( ਟਰੈਪ ਸ਼ੂਟਿੰਗ ਵਿਚ ਸਿਲਵਰ )  ਮੈਡਲ ਆਪਣੇ ਨਾਮ ਕੀਤਾ ਸੀ। ਭਾਰਤ ਦੇ ਸਾਰੇ ਹੀ ਖਿਡਾਰੀ ਬੇਹਤਰੀਨ ਪ੍ਰਦਰਸ਼ਨ ਕਰ ਦੇਸ਼ ਵਾਸੀਆਂ ਨੂੰ ਖੁਸ਼ ਕਰ ਰਹੇ ਹਨ।