Sourav Ganguli

ਨਵੀਂ ਦਿੱਲੀ: ਸੁਪ੍ਰੀਮ ਕੋਰਟ ਨੇ ਮੰਗਲਵਾਰ ਨੂੰ ਸੰਕੇਤ ਦਿੱਤਾ ਕਿ 6 ਸਾਲ ਤੋਂ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ  (ਬੀਸੀਸੀਆਈ) ਵਿੱਚ ਚੱਲੀ ਆ ਰਹੀ ਉਸਦੀ ਨਿਗਰਾਨੀ ਖਤਮ ਹੋ ਜਾਵੇਗੀ।  ਇਸ ਤਰ੍ਹਾਂ ਇੱਕ ਵਾਰ ਫਿਰ ਇਸ ਪ੍ਰਭਾਵਸ਼ਾਲੀ ਬੋਰਡ ਦਾ ਕੰਮਧੰਦਾ ਚੁਣੇ ਹੋਏ ਅਧਿਕਾਰੀਆਂ ਦੇ ਸੰਭਾਲਣ ਦਾ ਰਸਤਾ ਸਾਫ਼ ਹੋ ਗਿਆ ਹੈ। ਟੀਮ ਇੰਡੀਆ ਦੇ ਸਾਬਕਾ ਕੈਪਟਨ ਸੌਰਭ ਗਾਂਗੁਲੀ ਅੱਜ (ਬੁੱਧਵਾਰ) ਬੀਸੀਸੀਸੀਆਈ ਦੇ ਨਵੇਂ ਪ੍ਰਧਾਨ ਦੇ ਤੌਰ ਉੱਤੇ ਅਹੁਦਾ ਸੰਭਾਲਣਗੇ। ਉਨ੍ਹਾਂ ਦੀ ਨਵੀਂ ਟੀਮ ਹੀ ਬੀਸੀਸੀਆਈ ਲਈ ਫੈਸਲੇ ਲਵੇਗੀ।

ਜਸਟੀਸ ਐਸ.ਏ. ਬੋਬਡੇ ਅਤੇ ਜਸਟੀਸ ਐਲ. ਨਾਗੇਸ਼ਵਰ ਰਾਓ ਦੀ ਬੇਂਚ ਨੇ ਪ੍ਰਬੰਧਕਾਂ ਦੀ ਕਮੇਟੀ  (CoA) ਨੂੰ ਕਿਹਾ ਕਿ ਬੁੱਧਵਾਰ ਨੂੰ ਜਦੋਂ ਬੀਸੀਸੀਆਈ ਦੇ ਨਵਨਿਉਕਤ ਅਧਿਕਾਰੀ ਚਾਰਜ ਸੰਭਾਲ ਲੈਣ ਤਾਂ ਉਹ ਆਪਣਾ ਕੰਮ ਖ਼ਤਮ ਕਰ ਲੈਣ।  ਸੁਪ੍ਰੀਮ ਕੋਰਟ ਨੇ ਜਸਟੀਸ ਆਰਐਸ. ਲੋਢਾ ਦੀਆਂ ਸਿਫਾਰਿਸ਼ਾਂ ਦੇ ਆਧਾਰ ‘ਤੇ ਬੀਸੀਸੀਆਈ ਦੇ ਸੰਚਾਲਨ ਲਈ 2017 ਵਿੱਚ ਅਧਿਕਾਰੀਆਂ ਦੀ ਕਮੇਟੀ ਯਾਨੀ ਕਮੇਟੀ ਆਫ਼ ਐਡਮਿਨਿਸਟਰੇਟਰਸ (CoA) ਦਾ ਗਠਨ ਕੀਤਾ ਸੀ।

ਭਾਰਤ ਦੇ ਸਭ ਤੋਂ ਸਫਲ ਕਪਤਾਨਾਂ ਵਿੱਚੋਂ ਇੱਕ ਗਾਂਗੁਲੀ ਬੀਸੀਸੀਆਈ ਦੇ 39ਵੇਂ ਪ੍ਰਧਾਨ ਹੋਣਗੇ, ਜਿਸਦੇ ਨਾਲ ਅਧਿਕਾਰੀਆਂ ਦੀ ਕਮੇਟੀ ਦਾ 33 ਮਹੀਨਿਆਂ ਤੋਂ ਚੱਲਿਆ ਆ ਰਿਹਾ ਸ਼ਾਸਨ ਖਤਮ ਹੋ ਜਾਵੇਗਾ। ਬੀਸੀਸੀਆਈ ਪ੍ਰਧਾਨ ਅਹੁਦੇ ਲਈ ਗਾਂਗੁਲੀ ਦਾ ਨਾਮ ਸਰਬਸੰਮਤੀ ਨਾਲ ਹੋਇਆ ਹੈ ਜਦਕਿ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਦੇ ਬੇਟੇ ਜੈ ਸਕੱਤਰ ਹੋਣਗੇ। ਉਤਰਾਖੰਡ ਦੇ ਮਹੀਮ ਵਰਮਾ  ਨਵੇਂ ਉਪ-ਪ੍ਰਧਾਨ ਹੋਣਗੇ। ਬੀਸੀਸੀਆਈ ਦੇ ਸਾਬਕਾ ਪ੍ਰਧਾਨ ਅਤੇ ਕੇਂਦਰੀ ਵਿੱਤ ਰਾਜ ਮੰਤਰੀ ਅਨੁਰਾਗ ਠਾਕੁਰ ਦੇ ਛੋਟੇ ਭਰਾ ਅਰੂਣ ਧੂਮਲ ਕੋਸ਼ਾਧਿਅਕਸ਼ ਅਤੇ ਕੇਰਲ  ਦੇ ਜਏਸ਼ ਜਾਰਜ ਸੰਯੁਕਤ ਸਕੱਤਰ ਦਾ ਅਹੁਦਾ ਸੰਭਾਲਣਗੇ।

2013 ਵਿੱਚ ਆਈਪੀਐਲ ਦੇ ਦੌਰਾਨ ਸਪਾਟ ਫਿਕਸਿੰਗ ਅਤੇ ਸੱਟੇਬਾਜੀ ਦੇ ਦੋਸ਼ਾਂ ਤੋਂ ਬਾਅਦ ਸੁਪ੍ਰੀਮ ਕੋਰਟ ਨੂੰ ਬੀਸੀਸੀਆਈ ਦੇ ਕੰਮਕਾਰਾਂ ਵਿੱਚ ਦਖਲ ਦੇਣਾ ਪਿਆ। ਦੁਨੀਆ ਦੇ ਸਭ ਤੋਂ ਅਮੀਰ ਕ੍ਰਿਕੇਟ ਬੋਰਡ ਦੇ ਕੰਮਾਕਾਰਾਂ ਵਿੱਚ ਛੋਟ ਲਿਆਉਣ, ਭ੍ਰਿਸ਼ਟਾਚਾਰ ਖਤਮ ਕਰਨ ਸਮੇਤ ਕਈ ਸੁਧਾਰਾਂ ਲਈ ਸੁਪ੍ਰੀਮ ਕੋਰਟ ਨੇ 22 ਜਨਵਰੀ 2015 ਨੂੰ ਜਸਟੀਸ ਆਰ.ਐਮ. ਲੋਢਾ ਦੀ ਅਗਵਾਈ ਵਿੱਚ ਇੱਕ ਕਮੇਟੀ ਦਾ ਗਠਨ ਕੀਤਾ। ਕਮੇਟੀ ਨੇ ਉਸੀ ਸਾਲ 14 ਜੁਲਾਈ ਨੂੰ ਆਪਣੀ ਰਿਪੋਰਟ ਸੌਂਪੀ।

ਲੋਢਾ ਕਮੇਟੀ ਦੀਆਂ ਸਿਫਾਰਿਸ਼ਾਂ ਨੂੰ ਲਾਗੂ ਕਰਨ ਲਈ ਸੁਪ੍ਰੀਮ ਕੋਰਟ ਨੇ 30 ਜਨਵਰੀ 2017 ਨੂੰ ਸਾਬਕਾ ਸੀਏਜੀ ਵਿਨੋਦ ਰਾਏ ਦੀ ਅਗਵਾਈ ਅਤੇ ਲੈਫਟਿਨੇਂਟ ਜਨਰਲ (ਰਿਟਾਇਰਡ) ਰਵੀ ਥੋਗਡੇ ਅਤੇ ਸਾਬਕਾ ਕਰਿਕਟਰ ਡਾਇਨਾ ਏਡੁਲਜੀ ਦੀ ਮੈਂਬਰੀ ਵਾਲੀ ਮੈਂਬਰਾਂ ਦੀ ਕਮੇਟੀ (CoA) ਦਾ ਗਠਨ ਕੀਤਾ। ਉਦੋਂ ਤੋਂ CoA ਹੀ BCCI ਦਾ ਕੰਮ-ਕਾਰ ਸੰਭਾਲ ਰਹੀ ਸੀ।