Asian Games: ਚੀਨ ਨੂੰ ਹਰਾ ਕੇ ਭਾਰਤੀ ਮਹਿਲਾ ਹਾਕੀ ਟੀਮ ਪੁੱਜੀ ਫਾਈਨਲ `ਚ
ਏਸ਼ੀਆਈ ਖੇਡਾਂ ਦਾ ਅੱਜ 11ਵਾਂ ਦਿਨ ਹੈ
ਏਸ਼ੀਆਈ ਖੇਡਾਂ ਦਾ ਅੱਜ 11ਵਾਂ ਦਿਨ ਹੈ । ਭਾਰਤ ਦੀ ਮਹਿਲਾ ਹਾਕੀ ਟੀਮ ਨੇ ਸੈਮੀਫਾਈਨਲ ਮੁਕਾਬਲੇ ਵਿਚ ਚੀਨ ਨੂੰ 1 - 0 ਨਾਲ ਹਰਾ ਕੇ ਫਾਈਨਲ ਵਿਚ ਸਥਾਨ ਪੱਕਾ ਕਰ ਲਿਆ ਹੈ। ਭਾਰਤ ਲਈ ਇੱਕਮਾਤਰ ਗੋਲ ਗੁਰਜੀਤ ਕੌਰ ਨੇ 52ਵੇਂ ਮਿੰਟ ਵਿਚ ਕੀਤਾ। ਦੂਸਰੇ ਪਾਸੇ ਭਾਰਤ ਦੀ ਸਵਪਨਾ ਬਰਮਨ ਨੇ ਸ਼ਾਨਦਾਰ ਪ੍ਰਦਰਸਨ ਕਰਦੇ ਹੋਏ ਮਹਿਲਾ ਹੇਪਟਾਥਲਨ ਵਿਚ ਭਾਰਤ ਲਈ ਗੋਲ੍ਡ ਮੈਡਲ ਹਾਸਿਲ ਕੀਤਾ।
18ਵੇਂ ਏਸ਼ੀਅਨ ਖੇਡਾਂ ਵਿਚ ਇਹ ਭਾਰਤ ਦਾ 11ਵਾਂ ਗੋਲਡ ਮੈਡਲ ਹੈ। ਨਾਲ ਪੁਰਸ਼ਾਂ ਦੀ ਟਰਿਪਲ ਜੰਪ ਵਿਚ ਅਰਪਿੰਦਰ ਸਿੰਘ ਨੇ 16 . 77 ਦੇ ਸਕੋਰ ਦੇ ਨਾਲ ਗੋਲਡ ਮੇਡਲ ਜਿੱਤਿਆ। ਮਹਿਲਾ 200 ਮੀਟਰ ਦੋੜ ਵਿਚ ਭਾਰਤੀ ਧਾਵਿਕਾ ਦੁਤੀ ਨੇ 23 . 20 ਸਕਿੰਟ ਦੇ ਨਾਲ ਸਿਲਵਰ ਮੈਡਲ ਆਪਣੇ ਨਾਮ ਕੀਤਾ। ਟੇਬਲ ਟੈਨਿਸ ਦੀ ਮਿਕਸਡ ਡਬਲਸ ਮੁਕਾਬਲੇ ਵਿਚ ਭਾਰਤ ਦੀ ਮਣਿਕਾ ਬਤਰਾ ਅਤੇ ਅਚੰਤ ਸ਼ਰਤ ਦੀ ਜੋਡ਼ੀ ਨੂੰ ਬਰਾਂਜ ਮੈਡਲ ਸੰਤੋਸ਼ ਕਰਨਾ ਪਿਆ। ਸੈਮੀਫਾਈਨਲ ਵਿਚ ਉਨ੍ਹਾਂ ਨੂੰ ਚੀਨ ਦੇ ਹੱਥੋਂ 1 - 4 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ।