ਭਾਰਤੀ ਮਛੇਰਿਆਂ ’ਤੇ ਸ੍ਰੀਲੰਕਾਈ ਨਾਗਰਿਕਾਂ ਵਲੋਂ ਹਮਲਾ, 20 ਜ਼ਖ਼ਮੀ

Indian fishermen attacked by Sri Lankan nationals, 20 injured

ਨਾਗਪੱਟੀਨਮ : ਤਾਮਿਲਨਾਡੂ ਦੇ ਨਾਗਪੱਟੀਨਮ ਜ਼ਿਲ੍ਹੇ ਦੇ ਸਮੁੰਦਰ ਵਿਚ ਮਛੇਰਿਆਂ ਨੂੰ ਲੈ ਕੇ ਜਾ ਰਹੀ ਉਨ੍ਹਾਂ ਦੀ ਕਿਸ਼ਤੀ ’ਤੇ ਅਣਪਛਾਤੇ ਸ੍ਰੀਲੰਕਾਈ ਨਾਗਰਿਕਾਂ ਨੇ ਕਥਿਤ ਤੌਰ ’ਤੇ ਹਮਲਾ ਕੀਤਾ ਅਤੇ ਲੁੱਟ-ਖੋਹ ਕੀਤੀ, ਜਿਸ ਕਾਰਨ 20 ਮਛੇਰੇ ਜ਼ਖ਼ਮੀ ਹੋ ਗਏ।ਮਛੇਰਿਆਂ ਨੇ ਦੋਸ਼ ਲਗਾਇਆ ਕਿ ਜਦੋਂ ਉਹ ਨਾਗਪੱਟੀਨਮ ਵਿਚ ਕੋਡਿਆਕਰਾਈ ਤੱਟ ਤੋਂ ਕੱੁਝ ਸਮੁੰਦਰੀ ਮੀਲ ਦੱਖਣ-ਪੂਰਬ ਵਿਚ ਮੱਛੀਆਂ ਫੜ ਰਹੇ ਸਨ ਤਾਂ ਕੱੁਝ ਤਾਮਿਲ ਭਾਸ਼ੀ ਹਮਲਾਵਰ ਮੋਟਰਾਈਜ਼ਡ ਕਿਸ਼ਤੀਆਂ ਵਿਚ ਸਵਾਰ ਹੋ ਕੇ ਭਾਰਤੀ ਮਛੇਰਿਆਂ ਦੀਆਂ ਕਿਸ਼ਤੀਆਂ ਕੋਲ ਪਹੁੰਚੇ। ਹਮਲਾਵਰ ਭਾਰਤੀ ਮਛੇਰਿਆਂ ਦੀਆਂ ਕਿਸ਼ਤੀਆਂ ’ਤੇ ਚੜ੍ਹ ਗਏ ਅਤੇ ਉਨ੍ਹਾਂ ’ਤੇ ਲੋਹੇ ਦੀਆਂ ਰਾਡਾਂ, ਪੱਥਰਾਂ ਅਤੇ ਚਾਕੂਆਂ ਨਾਲ ਹਮਲਾ ਕਰ ਦਿਤਾ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਮੱਛੀਆਂ ਫੜਨ ਦੇ ਜਾਲ, ਜੀ. ਪੀ. ਐਸ., ਗੈਜੇਟ, ਮੋਬਾਈਲ ਫ਼ੋਨ, ਬੈਟਰੀ, ਫੜੀਆਂ ਮੱਛੀਆਂ ਅਤੇ ਹੋਰ ਸਾਮਾਨ ਲੁੱਟ ਲਿਆ ਅਤੇ ਫ਼ਰਾਰ ਹੋ ਗਏ।