ਇੰਤਜ਼ਾਰ ਖ਼ਤਮ! ਰੂਸ ਵਿੱਚ ਅਗਲੇ ਹਫਤੇ ਰਜਿਸਟਰ ਹੋਵੇਗੀ ਕੋਰੋਨਾ ਦੀ ਪਹਿਲੀ ਵੈਕਸੀਨ
ਕੋਰੋਨਾ ਸੰਕਟ ਨਾਲ ਜੂਝ ਰਹੀ ਪੂਰੀ ਦੁਨੀਆਂ ਵੈਕਸੀਨ ਦਾ ਇੰਚਜ਼ਾਰ ਕਰ ਰਹੀ ਹੈ ਪਰ ਅਜਿਹਾ ਲਗਦਾ ਹੈ.........
ਕੋਰੋਨਾ ਸੰਕਟ ਨਾਲ ਜੂਝ ਰਹੀ ਪੂਰੀ ਦੁਨੀਆਂ ਵੈਕਸੀਨ ਦਾ ਇੰਚਜ਼ਾਰ ਕਰ ਰਹੀ ਹੈ ਪਰ ਅਜਿਹਾ ਲਗਦਾ ਹੈ ਕਿ ਇੰਤਜ਼ਾਰ ਖਤਮ ਹੋਣ ਵਾਲਾ ਹੈ। ਰੂਸ ਨੇ ਅਗਲੇ ਹਫਤੇ ਦੁਨੀਆ ਦੀ ਪਹਿਲੀ ਏਟੀ-ਕੋਵਿਡ ਟੀਕਾ ਰਜਿਸਟਰ ਕਰਨ ਦੀ ਯੋਜਨਾ ਬਣਾਈ ਹੈ। ਰੂਸ ਦੇ ਉਪ ਸਿਹਤ ਮੰਤਰੀ ਓਲੇਗ ਗਰਿੱਨੇਵ ਨੇ ਕਿਹਾ ਕਿ ਰੂਸ 12 ਅਗਸਤ ਨੂੰ ਕੋਰੋਨੋਵਾਇਰਸ ਵਿਰੁੱਧ ਆਪਣਾ ਪਹਿਲਾ ਵੈਕਸੀਨ ਦਰਜ ਕਰਵਾਵੇਗਾ।
ਉਫਾ ਸ਼ਹਿਰ ਵਿੱਚ ਇੱਕ ਕੈਂਸਰ ਸੈਂਟਰ ਦੀ ਇਮਾਰਤ ਦਾ ਉਦਘਾਟਨ ਕਰਨ ਪਹੁੰਚੇ ਓਲੇਗ ਗਰਿਦਨੇਵ ਨੇ ਕਿਹਾ ਕਿ ਫਿਲਹਾਲ, ਕੋਰੋਨਾ ਵੈਕਸੀਨ ਦਾ ਤੀਜਾ ਅਤੇ ਆਖਰੀ ਪੜਾਅ ਚੱਲ ਰਿਹਾ ਹੈ। ਟੈਸਟਿੰਗ ਬਹੁਤ ਮਹੱਤਵਪੂਰਨ ਹੈ। ਸਾਨੂੰ ਇਹ ਸਮਝਣਾ ਪਵੇਗਾ ਕਿ ਟੀਕੇ ਸੁਰੱਖਿਅਤ ਹੋਣੇ ਚਾਹੀਦੇ ਹਨ। ਮੈਡੀਕਲ ਪੇਸ਼ੇਵਰ ਅਤੇ ਬਜ਼ੁਰਗ ਨਾਗਰਿਕਾਂ ਨੂੰ ਪਹਿਲਾਂ ਟੀਕਾਕਰਣ ਕੀਤਾ ਜਾਵੇਗਾ।
ਉਪ ਸਿਹਤ ਮੰਤਰੀ ਓਲੇਗ ਗਰਿਦਨੇਵ ਦੇ ਅਨੁਸਾਰ, ਕੋਰੋਨਾ ਟੀਕੇ ਦੀ ਪ੍ਰਭਾਵਸ਼ੀਲਤਾ ਦਾ ਪਤਾ ਲਗਾਇਆ ਜਾਵੇਗਾ। ਜਦੋਂ ਆਬਾਦੀ ਵਿੱਚ ਪ੍ਰਤੀਰੋਧਕਤਾ ਵਿਕਸਤ ਹੋ ਜਾਂਦੀ ਹੈ। ਕੋਰੋਨਾ ਟੀਕਾ ਗਮਾਲੇਆ ਰਿਸਰਚ ਇੰਸਟੀਚਿਊਟ ਅਤੇ ਰੂਸ ਦੇ ਰੱਖਿਆ ਮੰਤਰਾਲੇ ਨੇ ਸਾਂਝੇ ਤੌਰ ਤੇ ਵਿਕਸਤ ਕੀਤਾ ਹੈ।
ਕੋਰੋਨਾ ਟੀਕੇ ਦਾ ਮਨੁੱਖੀ ਟਰਾਇਲ 18 ਜੂਨ ਤੋਂ ਸ਼ੁਰੂ ਹੋਇਆ ਸੀ ਅਤੇ ਇਸ ਵਿਚ 38 ਵਲੰਟੀਅਰ ਸ਼ਾਮਲ ਹੋਏ ਸਨ। ਸਾਰੇ ਭਾਗੀਦਾਰਾਂ ਨੇ ਇਮਿਊਨਟੀ ਵਿਕਸਤ ਕੀਤੀ। ਪਹਿਲੇ ਸਮੂਹ ਨੂੰ 15 ਜੁਲਾਈ ਨੂੰ ਛੁੱਟੀ ਦਿੱਤੀ ਗਈ ਸੀ, ਦੂਜੇ ਸਮੂਹ ਨੂੰ 20 ਜੁਲਾਈ ਨੂੰ ਛੁੱਟੀ ਦਿੱਤੀ ਗਈ ਸੀ। ਡਬਲਯੂਐਚਓ ਨੇ ਕਿਹਾ ਹੈ ਕਿ ਇਹ ਰੂਸ ਦੇ ਟੀਕੇ ਪ੍ਰੋਗਰਾਮ ਤੋਂ ਸੁਚੇਤ ਹੈ, ਜਿਸ ਬਾਰੇ ਉਨ੍ਹਾਂ ਨੂੰ ਕੋਈ ਅਧਿਕਾਰਤ ਖ਼ਬਰ ਨਹੀਂ ਮਿਲੀ ਹੈ।
ਇਹ ਧਿਆਨ ਦੇਣ ਯੋਗ ਹੈ ਕਿ ਰੂਸ ਦੇ ਸਿਹਤ ਮੰਤਰੀ ਮਿਖਾਇਲ ਮੁਰਾਸ਼ਕੋ ਨੇ ਹਾਲ ਹੀ ਵਿੱਚ ਕਿਹਾ ਸੀ ਕਿ ਰੂਸ ਵਿੱਚ ਇੱਕ ਵਿਸ਼ਾਲ ਟੀਕਾਕਰਨ ਮੁਹਿੰਮ ਅਕਤੂਬਰ ਵਿੱਚ ਸ਼ੁਰੂ ਹੋਵੇਗੀ। ਮੰਤਰੀ ਦੇ ਅਨੁਸਾਰ, ਸਾਰੇ ਖਰਚਿਆਂ ਨੂੰ ਰਾਜ ਦੇ ਬਜਟ ਵਿੱਚ ਸ਼ਾਮਲ ਕੀਤਾ ਜਾਵੇਗਾ। ਹਾਲਾਂਕਿ, ਹੁਣ ਉਸਦੇ ਉਪ ਸਿਹਤ ਮੰਤਰੀ ਦੇ ਬਿਆਨ ਤੋਂ ਇਹ ਸਪੱਸ਼ਟ ਹੋ ਗਿਆ ਹੈ ਕਿ ਰੂਸ ਵਿਚ ਟੀਕਾਕਰਨ ਮੁਹਿੰਮ ਜਲਦੀ ਹੀ ਸ਼ੁਰੂ ਹੋ ਸਕਦੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।