ਸਿਡਨੀ : ਹਰ ਇਨਸਾਨ ਚਾਹੁੰਦਾ ਹੈ ਕਿ ਉਸ ਕੋਲ ਸੋਹਣਾ ਤੇ ਪਿਆਰਾ ਕੁੱਤਾ ਹੋਵੇ। ਆਸਟ੍ਰੇਲੀਆ ਦੇ ਸ਼ਹਿਰ ਕੁਈਨਜ਼ਲੈਂਡ ਵਿਚ ਰਹਿਣ ਵਾਲੇ ਇਕ ਪਰਿਵਾਰ ਦਾ ਪਿਆਰਾ ਫ੍ਰਾਂਸੀਸੀ ਕੁੱਤਾ ਤਿੰਨ ਹਫ਼ਤੇ ਪਹਿਲਾਂ ਲਾਪਤਾ ਹੋ ਗਿਆ ਸੀ। ਜਿਸ ਦੇ ਨਾਲ ਪਰਵਾਰ ਵਿਚ ਕੁੱਤੇ ਦੇ ਲਾਪਤਾ ਹੋਣ ਦੇ ਕਾਰਨ ਸੋਗ ਛਾਇਆ ਹੋਇਆ ਹੈ। ਪਰ ਹੁਣ ਇਸ ਪਰਵਾਰ ਨੇ ਦਾਅਵਾ ਕੀਤਾ ਹੈ ਕਿ ਕੁੱਤੇ ਦੀ ਰਿਹਾਈ ਲਈ 10,000 ਡਾਲਰ ਦੀ ਫਿਰੌਤੀ ਦੀ ਮੰਗ ਕੀਤੀ ਗਈ ਹੈ।

ਕੁੱਤੇ ਦੇ ਮਾਲਕ ਦਾ ਮੰਨਣਾ ਹੈ ਕਿ ਸਾਡੇ ਕੁੱਤੇ ਨੂੰ ਕੋਈ ਅਜਨਬੀ ਚੁੱਕ ਕੇ ਲੈ ਗਿਆ ਸੀ। ਜਦੋਂ 20 ਜਨਵਰੀ ਨੂੰ ਉਹ ਰੋਮਾ ਵਿਚ ਅਪਣੇ ਘਰ ਦੇ ਨੇੜੇ ਟਰੱਕ ਸਟਾਪ ਉਤੇ ਘੁੰਮ ਰਿਹਾ ਸੀ। ਚੋਰ ਨੇ ਕੁੱਤੇ ਨੂੰ ਜਾਨਵਰਾਂ ਵਾਲੇ ਹਸਪਤਾਲ ਸੌਂਪਣ ਦੀ ਬਜਾਏ ਉਸ ਨੂੰ ਨਾਲ ਲੈ ਕੇ ਭੱਜ ਗਿਆ। ਉਨ੍ਹਾਂ ਨੇ ਕਿਹਾ ਕਿ ਕੁੱਤੇ ਨੂੰ ਲੱਭਣ ਲਈ ਪਰਵਾਰ ਪੈਦਲ ਘੁੰਮਿਆ।

ਇਸ ਤੋਂ ਇਲਾਵਾ ਡਰੋਨਾਂ ਦੀ ਮਦਦ ਲਈ ਪਰ ਉਨ੍ਹਾਂ ਹੱਥ ਨਿਰਾਸ਼ਾ ਹੀ ਲੱਗੀ। ਸਾਨੂੰ ਇਕ ਹਫਤੇ ਤੋਂ ਬਾਅਦ ਮੋਬਾਇਲ ਉਤੇ ਸੁਨੇਹਾ ਆਇਆ ਕਿ ਕੁੱਤੇ ਦੀ ਰਿਹਾਈ ਲਈ 10,000 ਡਾਲਰ ਦੇਵੋਂ। ਪੁਲਿਸ ਇਸ ਮਾਮਲੇ ਦੀ ਜਾਂਚ ਵਿਚ ਜੁਟ ਗਈ ਹੈ। ਕੁੱਤੇ ਨੂੰ ਛੇਤੀ ਤੋਂ ਛੇਤੀ ਲੱਭਣ ਵਿਚ ਲੱਗੀ ਹੋਈ ਹੈ।