Alma Cadwalader bite woman

ਓਕਲੈਂਡ : ਕੈਲੀਫੋਰਨੀਆ ਵਿਚ ਇਕ ਹੈਰਾਨ ਕਰ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ ਵਿਚ ਇਕ ਮਹਿਲਾ ਨੂੰ ਕੁੱਤੇ ਨੇ ਨਹੀਂ, ਸਗੋਂ ਉਸ ਦੀ ਮਾਲਕਣ ਨੇ ਵੱਢ ਲਿਆ। ਈਸਟ ਬੇ ਰਿਜਨਲ ਪਾਰਕ ਡਿਸਟਰਿਕਟ ਪੁਲਿਸ ਡਿਪਾਰਟਮੈਂਟ ਨੇ ਫੇਸਬੁਕ 'ਤੇ ਪੋਸਟ ਕਰ ਇਸ ਘਟਨਾ ਦੀ ਜਾਣਕਾਰੀ ਦਿਤੀ।

ਦਰਅਸਲ, ਵੀਰਵਾਰ ਸਵੇਰੇ ਮਹਿਲਾ ਪਾਰਕ ਵਿਚ ਜੌਗਿੰਗ ਕਰ ਰਹੀ ਸੀ, ਜਦੋਂ ਇਕ ਕੁੱਤੇ ਨੇ ਉਸ ਉਤੇ ਹਮਲਾ ਕਰ ਦਿਤਾ ਤਾਂ ਮਹਿਲਾ ਨੇ ਹਮਲੇ ਤੋਂ ਅਪਣੇ ਆਪ ਨੂੰ ਬਚਾਉਣ ਲਈ ਪੈਪਰ ਸਪ੍ਰੇ ਦਾ ਇਸਤੇਮਾਲ ਕੀਤਾ। ਇਸ ਤੋਂ ਬਾਅਦ ਦੀ ਘਟਨਾ ਜਾਣ ਕੇ ਤੁਸੀਂ ਹੈਰਾਨ ਹੋ ਜਾਓਗੇ। ਸਥਾਨਕ ਪੁਲਿਸ ਨੇ ਲਿਖਿਆ ਕਿ ਜੌਗਿੰਗ ਕਰਨ ਦੇ ਦੌਰਾਨ ਕੁੱਤੇ ਦੇ ਹਮਲੇ ਤੋਂ ਬਚਨ ਲਈ ਪੈਪਰ ਸਪ੍ਰੇ ਦਾ ਇਸਤੇਮਾਲ ਕੀਤਾ।

ਇਸ ਤੋਂ ਗੁੱਸਾ ਹੋਕੇ ਕੁੱਤੇ ਦੀ ਮਾਲਕਣ ਨੇ ਵੀ ਮਹਿਲਾ ਨਾਲ ਲੜਾਈ ਕੀਤੀ, ਜਿਸ ਵਿਚ ਮਾਲਕਣ ਨੇ ਪੀੜਤਾ ਨੂੰ ਹੱਥ 'ਤੇ ਵੱਢ ਲਿਆ। ਹਮਲਾਵਰ ਦੀ ਪਹਿਚਾਣ 19 ਸਾਲਾਂ ਅਲਮਾ ਦੇ ਰੂਪ ਵਿਚ ਹੋਈ। ਇਕ ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਜਾਂਚ ਵਿਚ ਦੰਦਾਂ  ਦੇ ਨਿਸ਼ਾਨ ਕਿਸੇ ਕੁੱਤੇ ਦੇ ਨਹੀਂ ਸਗੋਂ ਇੱਕ ਇਨਸਾਨ ਦੇ ਪਾਏ ਗਏ ਹਨ ਅਤੇ ਵੱਢਣ ਦੇ ਨਾਲ ਪੀੜਤਾ ਨੂੰ ਲੱਤ - ਘੂਸੇ ਵੀ ਮਾਰੇ ਗਏ।