ਬਿਜ਼ਨਸਮੈਨ ਤੋਂ ਅਮਰੀਕਾ ਦੇ ਰਾਸ਼ਟਰਪਤੀ ਬਣੇ ਡੋਨਾਲਡ ਟਰੰਪ ਦੇ ਕਰੀਬ 20 ਸਾਲਾਂ ਤੱਕ ਡਰਾਈਵਰ ਦੇ ਤੌਰ ਉੱਤੇ ਨਾਲ ਰਹੇ ਨੋਏਲ ਕਿੰਟਰੋਨ ਦਾ ਕਹਿਣਾ ਹੈ ਕਿ ਉਹ ਆਮਤੌਰ  ਹਫਤੇ ਵਿਚ 55 ਘੰਟੇ ਤੱਕ ਕੰਮ ਕਰਦੇ ਸਨ ਅਤੇ ਹਰ ਰੋਜ਼ ਸਵੇਰੇ ਕੰਮ ਉੱਤੇ 7 ਵਜੇ ਪਹੁੰਚ ਜਾਂਦੇ ਸਨ। ਪਰ ਸੋਮਵਾਰ ਦੇ ਦਿਨ ਰਾਸ਼ਟਰਪਤੀ ਟਰੰਪ ਦੇ ਡਰਾਈਵਰ ਨੇ ਉਨ੍ਹਾਂ ਨੂੰ ਕਾਨੂੰਨੀ ਨੋਟਿਸ ਭੇਜਦੇ ਹੋਏ ਉਨ੍ਹਾਂ ਦੇ ਉੱਤੇ ਓਵਰਟਾਇਮ ਦਾ ਪੈਸਾ ਨਾ ਦੇਣ ਦਾ ਇਲਜ਼ਾਮ ਲਗਾਇਆ ਹੈ। 

ਸੋਮਵਾਰ ਨੂੰ ਦਰਜ ਮੁਕਦਮੇ ਵਿਚ ਕਿੰਟਰਨ ਨੇ ਟਰੰਪ ਅਤੇ ਉਨ੍ਹਾਂ ਦੇ ਸੰਗਠਨ ਉੱਤੇ ਕਰੀਬ 3,000 ਘੰਟੇ ਦੇ ਓਵਰਟਾਈਮ ਦਾ ਪੈਸਾ ਨਾ ਦੇਣ ਦਾ ਇਲਜ਼ਾਮ ਲਗਾਉਂਦੇ ਹੋਏ ਕਰੀਬ 1,60,000 ਡਾਲਰ ਦੀ ਮੰਗ ਕੀਤੀ ਹੈ। ਮੁਕੱਦਮੇ ਦੇ ਮੁਤਾਬਕ, ਟਰੰਪ ਅਤੇ ਉਨ੍ਹਾਂ ਦੇ ਸੰਗਠਨ ਨੇ ਕਿੰਟਰਨ ਨੂੰ ਸਾਲਾਂ ਤੱਕ ਵੇਕੇਸ਼ਨ ਟਾਈਮ, ਬਿਮਾਰੀ ਲਈ ਛੁੱਟੀ ਅਤੇ ਖਰਚਿਆਂ ਨੂੰ ਲੈ ਕੇ ਉਨ੍ਹਾਂ ਨੂੰ ਠਗਿਆ ਅਤੇ ਇਕ ਦਹਾਕੇ ਤੋਂ ਜ਼ਿਆਦਾ ਸਮੇਂ ਤੱਕ ਉਨ੍ਹਾਂ ਦੀ ਤਨਖਾਹ ਵਿਚ ਵਾਧਾ ਵੀ ਨਹੀਂ ਕੀਤਾ ਹੈ। 59 ਸਾਲ ਦੇ ਕਿੰਟਰਨ ਇਸ ਸਮੇਂ ਕਵੀਨਸ ਵਿਚ ਰਹਿ ਰਹੇ ਹਨ

ਅਤੇ ਅਜਿਹੀਆਂ ਹੀ ਕਈ ਸ਼ਿਕਾਇਤਾਂ ਟਰੰਪ ਦੇ ਲਈ ਕੰਮ ਕਰਨਵਾਲੇ ਕਈ ਹੋਰ ਕਰਮਚਾਰੀਆਂ ਦੇ ਵੱਲੋਂ ਵੀ ਕੀਤੀਆਂ ਗਈਆਂ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਉਨ੍ਹਾਂ ਨੇ ਟਰੰਪ ਲਈ ਸਾਲਾਂ ਤੱਕ ਕੰਮ ਕੀਤਾ ਪਰ ਉਨ੍ਹਾਂ ਨੂੰ ਤੱਕ ਘੱਟ ਮਿਹਨਤਾਨਾ ਦਿੱਤਾ ਗਿਆ ਜਾਂ ਫਿਰ ਉਨ੍ਹਾਂ ਦੇ ਕੰਮ ਨੂੰ ਸਮਰਥ ਸਨਮਾਨ ਨਹੀਂ ਦਿੱਤਾ ਗਿਆ। ਟਰੰਪ ਦੇ ਸੰਗਠਨ ਦੇ ਦੋ ਵਕੀਲਾਂ ਨੇ ਮੈਨਹੈਟਨ ਵਿਚ ਸੁਪ੍ਰੀਮ ਕੋਰਟ ਵਿਚ ਦਰਜ ਮੁਕਦਮੇ ਉੱਤੇ ਕੋਈ ਜਵਾਬ ਨਹੀਂ ਦਿੱਤਾ। ਹਾਲਾਂਕਿ, ਕੰਪਨੀ ਦੇ ਬੁਲਾਰੇ ਅਮਾਂਦਾ ਮਿੱਲਰ ਨੇ ਕਿਹਾ ਕਿ ਉਨ੍ਹਾਂ ਨੇ ਹਮੇਸ਼ਾ ਖੁੱਲੇ ਦਿਲੋਂ ਅਤੇ ਕਨੂੰਨ ਦੇ ਮੁਤਾਬਕ ਭੁਗਤਾਨ ਕੀਤਾ ਹੈ।