ਬੀਮਾਰ ਨਵਾਜ਼ ਸ਼ਰੀਫ਼ ਦੀ ਲੰਡਨ ਰਵਾਨਗੀ ਵਿਚ ਹੋਈ ਦੇਰੀ
ਸਰਕਾਰ ਨੇ ਸ਼ੁੱਕਰਵਾਰ ਨੂੰ ਦਸਿਆ ਸੀ ਕਿ ਸਾਬਕਾ ਪ੍ਰਧਾਨ ਮੰਤਰੀ ਦਾ ਨਾਮ ਈਸੀਐਲ ਤੋਂ ਹਟਾਉਣਾ ਸਿਰਫ਼ ਰਸਮੀ ਹੈ।
ਲਾਹੌਰ: ਪਾਕਿਸਤਾਨ ਸਰਕਾਰ ਦੁਆਰਾ ਸਾਬਕਾ ਪ੍ਰਧਾਨ ਮੰਤਰੀ ਨਵਾਜ਼ ਸ਼ਰੀਫ਼ ਨੂੰ ਨੋ-ਫਲਾਈ ਸੂਚੀ ਤੋਂ ਕੱਢਣ ਵਿਚ ਹੋਈ ਦੇਰੀ ਕਾਰਨ ਉਹਨਾਂ ਦਾ ਇਲਾਜ ਕਰਨ ਲਈ ਐਤਵਾਰ ਨੂੰ ਲੰਡਨ ਜਾਣ ਦੇ ਅਪਣੇ ਪ੍ਰੋਗਰਾਮ ਵਿਚ ਬਦਲਾਅ ਕਰਨਾ ਪਿਆ। ਪਾਕਿਸਤਾਨ ਮੁਸਲਿਮ ਲੀਗ-ਨਵਾਜ਼ ਮੁੱਖ ਨੂੰ ਐਗਜ਼ਿਟ ਕੰਟਰੋਲ ਲਿਸਟ ਤੋਂ ਬਾਹਰ ਕਰਨ ਦੇ ਸਬੰਧ ਵਿਚ ਨੈਸ਼ਨਲ ਅਕਾਉਂਟਿਬਿਲਿਟੀ ਬਿਊਰੋ ਅਤੇ ਗ੍ਰਹਿ ਵਿਭਾਗ ਸ਼ਨੀਵਾਰ ਨੂੰ ਫ਼ੈਸਲਾ ਨਹੀਂ ਲੈ ਸਕੇ।
ਸੂਤਰ ਨੇ ਇਸ ਦੇਰੀ ਨੂੰ ਸ਼ਰੀਫ਼ ਦੀ ਸਿਹਤ ਦੀ ਨਜ਼ਰ ਤੋਂ ਬਹੁਤ ਖ਼ਤਰਨਾਕ ਦਸਿਆ। ਉਹਨਾਂ ਡਾਨ ਨਿਊਜ਼ ਨੂੰ ਦਸਿਆ ਕਿ ਨਵਾਜ਼ ਸ਼ਰੀਫ਼ ਦੀ ਅਸਥਿਰਤਾ ਕਾਰਨ ਲਗਾਤਾਰ ਵਿਗੜਦੀ ਜਾ ਰਹੀ ਹੈ। ਸਰਕਾਰ ਦੀ ਕਥਨੀ ਅਤੇ ਕਰਨੀ ਵਿਚ ਟਕਰਾਅ ਹਲਾਤ ਨੂੰ ਹੋਰ ਵਿਗਾੜ ਰਿਹਾ ਹੈ। ਪ੍ਰਧਾਨ ਮੰਤਰੀ ਇਮਰਾਨ ਖ਼ਾਨ ਦੁਆਰਾ ਦਿੱਤੇ ਗਏ ਫ਼ੈਸਲੇ ਅਨੁਸਾਰ ਨਵਾਜ਼ ਸ਼ਰੀਫ਼ ਨੂੰ ਸ਼ੁੱਕਰਵਾਰ ਨੂੰ ਇਲਾਜ ਲਈ ਵਿਦੇਸ਼ ਜਾਣ ਦੀ ਆਗਿਆ ਦਿੱਤੀ ਗਈ ਸੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।