ਲਾਹੌਰ (ਚਰਨਜੀਤ ਸਿੰਘ): ਪਾਕਿਸਤਾਨੀ ਪੰਜਾਬ ਦੇ ਗਵਰਨਰ ਜਨਾਬ ਚੌਧਰੀ ਮੁਹੰਮਦ ਸਰਵਰ ਵਲੋਂ ਗਵਰਨਰ ਹਾਊਸ ਵਿਚ ਰੱਖੀ ਦਾਅਵਤ ਮੌਕੇ ਮਾਹੌਲ ਉਸ ਸਮੇਂ ਬੇਹਦ ਖ਼ੁਸ਼ਨੁਮਾ ਹੋ ਗਿਆ ਜਦ ਦਾਅਵਤ ਦੌਰਾਨ ਪੰਜਾਬੀ ਗਾਇਕ ਮਲਕੁ ਨੇ ਅਪਣੇ ਗੀਤ ਪੇਸ਼ ਕੀਤੇ। ਮਲਕੁ ਨੇ ਸ੍ਰੀ ਕਰਤਾਰਪੁਰ ਸਾਹਿਬ ਲਾਂਘੇ ਤੇ ਗੀਤ ਪੇਸ਼ ਕਰਦਿਆਂ ਕਿਹਾ,''ਲੱਖ ਮੁਬਾਰਕ ਹੋਵੇ ਸੱਭ ਸਰਦਾਰਾਂ ਨੂੰ ਸਿੱਧੂ ਤੇ ਇਮਰਾਨ ਜਹੇ ਯਾਰਾਂ ਨੂੰ।'' ਇਹ ਸੁਣਦੇ ਸਾਰ ਹੀ ਬੈਠੇ ਸਾਰੇ ਹੀ ਯਾਤਰੀ ਖ਼ੁਸ਼ੀ ਨਾਲ ਝੂਮ ਉਠੇ।

ਨੱਚਦੇ ਲੋਕਾਂ ਨੂੰ ਕਿਹਾ ਕਿ ਕੋਈ ਇਹ ਨਹੀਂ ਸੀ ਕਹਿ ਸਕਦਾ ਕਿ ਭਾਰਤੀ ਕਿਸੇ ਬੇਗਾਨੇ ਦੇਸ਼ ਵਿਚ ਹਨ ਤੇ ਪਾਕਿਸਤਾਨੀ ਗ਼ੈਰ ਮੁਲਕ ਦੇ ਲੋਕਾਂ ਨਾਲ ਨੱਚਦੇ ਹਨ। ਖ਼ੁਸ਼ੀ ਵਿਚ ਖੀਵਾ ਹਰ ਕੋਈ ਭੰਗੜਾ ਪਾ ਕੇ ਖ਼ੁਸ਼ੀ ਸਾਂਝੀ ਕਰ ਰਿਹਾ ਸੀ। ਗਵਰਨਰ ਹਾਊਸ ਵਿਚ ਹਰ ਕੋਈ ਥਿਰਕ ਰਿਹਾ ਸੀ। ਮਲਕੁ ਤੇ ਨੋਟਾਂ ਦੀ ਬਰਸਾਤ ਕੀਤੀ ਜਾ ਰਹੀ ਸੀ। ਇਥੇ ਹੀ ਬਸ ਨਹੀਂ ਮਲਕੁ ਦੇ ਗੀਤ ਸੁਣ ਕੇ ਚੌਧਰੀ ਮੁਹੰਮਦ ਸਰਵਰ ਵੀ ਸਟੇਜ 'ਤੇ ਗਏ ਤੇ ਉਨ੍ਹਾਂ ਗਾਇਕ ਮਲਕੁ ਤੇ ਨੱਚਣ ਵਾਲੇ ਸਾਰੇ ਲੋਕਾਂ ਦਾ ਹੌਂਸਲਾ ਵਧਾਇਆ।