Hindu, Sikh to get cremation grounds in Khyber Pakhtunkhwa

ਪੇਸ਼ਾਵਰ : ਪਾਕਿਸਤਾਨ ਦੇ ਖੈਬਰ ਪਖਤੂਨਖਵਾ ਸੂਬੇ ਵਿਚ ਹਿੰਦੂ ਅਤੇ ਸਿੱਖ ਭਾਈਚਾਰੇ ਦੇ ਲੋਕਾਂ ਲਈ ਛੇਤੀ ਹੀ ਇਕ ਸ਼ਮਸ਼ਾਨ ਘਾਟ ਦਾ ਪ੍ਰਬੰਧ ਕੀਤਾ ਜਾਵੇਗਾ। ਖੈਬਰ ਪਖਤੂਨਖਵਾ ਸਰਕਾਰ ਵਿਚ ਔਕਾਫ ਅਤੇ ਧਾਰਮਿਕ ਮਾਮਲਿਆਂ ਦੇ ਵਿਭਾਗ ਦੇ ਸੂਤਰਾਂ ਨੇ ਦੱਸਿਆ ਕਿ ਖੈਬਰ ਪਖਤੂਨਖਵਾ ਸੂਬੇ ਵਿਚ ਹਿੰਦੂ ਅਤੇ ਸਿੱਖ ਭਾਈਚਾਰੇ ਲਈ ਇਕ ਸ਼ਮਸ਼ਾਨ ਘਾਟ ਅਤੇ ਈਸਾਈਆਂ ਲਈ ਇਕ ਕਬਰਿਸਤਾਨ ਦੀ ਉਸਾਰੀ ਲਈ ਸਥਾਨਾਂ ਦੀ ਪਹਿਚਾਣ ਕੀਤੀ ਗਈ ਹੈ।

ਸੂਤਰਾਂ ਨੇ ਦੱਸਿਆ ਕਿ ਉੱਤਰੀ ਬਾਈਪਾਸ ਪੇਸ਼ਾਵਰ ਦੇ ਨਜ਼ਦੀਕ ਸਮਰਬਾਗ ਵਿਚ ਲਗਭੱਗ 1.25 ਏਕਡ਼ ਭੂਮੀ ਦੀ ਪਹਿਚਾਣ ਕੀਤੀ ਗਈ ਹੈ, ਜਿਸ ਵਿਚੋਂ ਸ਼ਮਸ਼ਾਨ ਭੂਮੀ ਦੀ ਉਸਾਰੀ ਲਈ 0.5 ਏਕਡ਼ ਅਤੇ ਕਬਰਿਸਤਾਨ ਲਈ 0.75 ਏਕਡ਼ ਜ਼ਮੀਨ ਅਲਾਟ ਕੀਤੀ ਜਾਵੇਗੀ। ਉਨ੍ਹਾਂ ਨੇ ਦੱਸਿਆ ਕਿ ਸੂਬਾ ਸਰਕਾਰ ਨੇ ਸੂਬੇ ਦੇ ਪੇਸ਼ਾਵਰ, ਨੌਸ਼ੇਰਾ ਅਤੇ ਕੋਹਾਟ ਜਿਲ੍ਹਿਆਂ ਵਿਚ ਸ਼ਮਸ਼ਾਨ ਘਾਟ ਅਤੇ ਕਬਰਿਸਤਾਨ ਲਈ ਚਿੰਨ੍ਹਤ ਸਥਾਨਾਂ 'ਤੇ ਭੂਮੀ ਦੀ ਖਰੀਦ ਲਈ ਧਾਰਾ - 4 ਲਾਗੂ ਕੀਤੀ ਹੈ।

ਸੂਬਾਈ ਪਰਿਸ਼ਦ ਵਿਚ ਸੱਤਾਧਾਰੀ ਪਾਕਿਸਤਾਨ ਤਹਿਰੀਕ - ਏ - ਇਨਸਾਫ਼ ਦੇ ਘਟ ਗਿਣਤੀ ਮੈਂਬਰ ਰਵੀ ਕੁਮਾਰ ਨੇ ਦੱਸਿਆ ਕਿ ਸ਼ਮਸ਼ਾਨ ਘਾਟ ਅਤੇ ਕਬਰਿਸਤਾਨ ਦੀ ਉਸਾਰੀ ਲਈ ਧਨਰਾਸ਼ੀ ਜਾਰੀ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਸੂਬੇ ਵਿਚ ਘੱਟ ਗਿਣਤੀ ਦੇ ਹਰ ਇਕ ਪੂਜਾ ਥਾਂ 'ਤੇ ਇਕ ਐਂਬੁਲੈਂਸ ਦਾ ਪ੍ਰਬੰਧਾ ਕਰਨ ਦੀ ਵੀ ਯੋਜਨਾ ਹੈ।