ਮਾਣ ਵਾਲੀ ਗੱਲ : ਭਾਰਤੀ ਮੂਲ ਦੀ ਸਿੱਖ ਔਰਤ ਦਾ ਨਾਂ ਕੈਲੀਫੋਰਨੀਆ ਯੂਨੀਵਰਸਿਟੀ ਦੇ ਬੋਰਡ ਆਫ਼ ਟਰੱਸਟੀਜ਼ ’ਚ ਕੀਤਾ ਗਿਆ ਨਾਮਜ਼ਦ

ਨਿਊਯਾਰਕ: ਭਾਰਤੀ ਮੂਲ ਦੀ ਸਿੱਖ ਭਾਈਚਾਰੇ ਦੀ ਆਗੂ ਅਤੇ ਕੇਰਨ ਕਾਉਂਟੀ ਦੀ ਕਾਰੋਬਾਰੀ ਰਾਜੀ ਬਰਾੜ ਨੂੰ ਕੈਲੀਫੋਰਨੀਆ ਸਟੇਟ ਯੂਨੀਵਰਸਿਟੀ ਬੋਰਡ ਆਫ਼ ਟਰੱਸਟੀਜ਼ ਵਿੱਚ ਨਿਯੁਕਤ ਕੀਤਾ ਗਿਆ ਹੈ, ਜੋ ਕਿ ਜਨਤਕ ਉੱਚ ਸਿੱਖਿਆ ਦੀ ਅਮਰੀਕਾ ਦੀ ਸਭ ਤੋਂ ਵੱਡੀ ਪ੍ਰਣਾਲੀ ਵਿੱਚ ਇੱਕ ਸ਼ਕਤੀਸ਼ਾਲੀ ਲੀਡਰਸ਼ਿਪ ਸਥਿਤੀ ਹੈ। ਕੈਲੀਫੋਰਨੀਆ ਸਟੇਟ ਯੂਨੀਵਰਸਿਟੀ (ਸੀ.ਐੱਸ.ਯੂ.) ਬੇਕਰਸਫੀਲਡ ਡਬਲ ਐਲੂਮਨਾ, ਮਈ ਵਿੱਚ ਲੌਂਗ ਬੀਚ ’ਚ ਹੋਣ ਵਾਲੀ ਬੈਠਕ ਵਿੱਚ ਬਰਾੜ ਦਾ ਸਵਾਗਤ ਕਰੇਗੀ। ਬਰਾੜ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਸੀਐਸਯੂ ਵਿਸ਼ੇਸ਼ ਹੈ ਕਿਉਂਕਿ ਤੁਹਾਡੇ ਪ੍ਰੋਫੈਸਰ ਤੁਹਾਨੂੰ ਜਾਣਦੇ ਹਨ।

ਉਹ ਤੁਹਾਡੇ ਲਈ ਦਰਵਾਜ਼ੇ ਖੋਲ੍ਹਣ ਵਿੱਚ ਮਦਦ ਕਰਦੇ ਹਨ ਅਤੇ ਤੁਹਾਨੂੰ ਅਜਿਹੇ ਪੱਧਰ 'ਤੇ ਸਲਾਹ ਦਿੰਦੇ ਹਨ ਜੋ ਸ਼ਾਇਦ ਤੁਸੀਂ ਯੂ.ਸੀ ਵਿੱਚ ਨਹੀਂ ਪ੍ਰਾਪਤ ਕਰਦੇ ਹੋ। ਬਹੁਤ ਸਾਰੇ ਲੋਕ ਜੋ ਅੰਤ ਵਿਚ ਸੀਐੱਸਯੂ ’ਚ ਜਾਂਦੇ ਹਨ ਉਹਨਾਂ ਨੂੰ ਇੱਕ ਸਲਾਹਕਾਰ ਦੀ ਲੋੜ ਹੁੰਦੀ ਹੈ, ਅਤੇ ਮੈਂ ਸੀਐੱਸਯੂਬੀ ਵਿੱਚ ਇਸ ਨੂੰ ਪ੍ਰਾਪਤ ਕਰਨ ਦਾ ਮੌਕਾ ਮਿਲਿਆ। 2003 ਤੋਂ ਕੰਟਰੀਸਾਈਡ ਕਾਰਪੋਰੇਸ਼ਨ ਦੇ ਮਾਲਕ ਅਤੇ ਮੁੱਖ ਸੰਚਾਲਨ ਅਧਿਕਾਰੀ, ਬਰਾੜ ਕਰਨ ਕਾਉਂਟੀ ਵਿੱਚ ਕਈ ਲੀਡਰਸ਼ਿਪ ਅਹੁਦਿਆਂ 'ਤੇ ਵੀ ਕਬਜ਼ਾ ਕੀਤਾ ਹੈ ਅਤੇ ਉਹ ਬੇਕਰਸਫੀਲਡ ਸਿੱਖ ਵੂਮੈਨ ਐਸੋਸੀਏਸ਼ਨ ਦੀ ਸਹਿ-ਸੰਸਥਾਪਕ ਹੈ।

ਉਸ ਨੇ ਸੀਐੱਮਯੂਬੀ ਤੋਂ ਬਾਇਓਲੋਜੀ ਵਿੱਚ ਬੈਚਲਰ ਡਿਗਰੀ ਅਤੇ ਹੈਲਥ ਕੇਅਰ ਵਿੱਚ ਮਾਸਟਰ ਦੀ ਡਿਗਰੀ ਪ੍ਰਾਪਤ ਕੀਤੀ ਹੈ। ਉਹ ਸੀਐੱਸਯੂਵੀ ਦੇ ਸਾਬਕਾ ਵਿਧਿਆਰਥੀ ਹਾਲ ਆਫ਼ ਫੇਮ ਦੀ ਮੈਂਬਰ ਹੈ। 1970 ਦੇ ਦਹਾਕੇ ਦੇ ਅੱਧ ਵਿੱਚ ਅਮਰੀਕਾ ਆਈ ਬਰਾੜ ਨੇ ਆਪਣੇ ਬੱਚਿਆਂ ਨੂੰ ਸੈਂਟਰਲ ਵੈਲੀ ਦੇ ਖੇਤ ਮਜ਼ਦੂਰ ਕੈਂਪਾਂ ਵਿਚ ਪਾਲਿਆ। ਬਰਾੜ ਦੇ ਅਨੁਸਾਰ, ਉਸ ਦੀ ਮਾਂ ਨੇ ਕੇਵਲ ਪੰਜਵੀ ਜਮਾਤ ਤੱਕ ਪੜਾਈ ਕੀਤੀ ਹੈ ਅਤੇ ਉਹ ਪੜ ਜਾਂ ਲਿਖ ਨਹੀਂ ਸਕਦੀ ਹੈ। 

ਉਨ੍ਹਾਂ ਨੇ ਦੱਸਿਆ ਕਿ ਮੇਰੀ ਮਾਂ ਖੇਤਾਂ ਵਿੱਚ ਅਤੇ ਬਰਗਰ ਕਿੰਗ ਵਿੱਚ ਕੰਮ ਕਰਦੀ ਸੀ। ਉਹ ਮੈਨੂੰ ਹਰ ਵੇਲੇ ਕਹਿੰਦੀ ਸੀ ਕਿ ਤੂੰ ਪੜ੍ਹਾਈ ਕਰਨੀ ਹੈ। ਇਹ ਤੁਹਾਡਾ ਜੀਵਨ ਸਾਥੀ ਹੈ, ਇਹ ਤੁਹਾਨੂੰ ਕਦੇ ਨਹੀਂ ਛੱਡੇਗਾ ਅਤੇ ਨਾ ਹੀ ਕੋਈ ਇਸ ਨੂੰ ਤੁਹਾਡੇ ਤੋਂ ਖੋਹ ਸਕਦਾ ਹੈ। ਬਰਾੜ ਨੇ ਸੀਐੱਸਯੂਬੀ ਵਿੱਚ ਦਾਖਲਾ ਲਿਆ ਕਿਉਂਕਿ ਇਹ ਘਰ ਦੇ ਨੇੜੇ, ਸਸਤਾ ਅਤੇ ਪਹੁੰਚਯੋਗ ਸੀ। ”ਸੀਐਸਯੂਬੀ ਦੇ ਪ੍ਰਧਾਨ ਲਿਨੇਟ ਜ਼ੇਲੇਜਨੀ ਨੇ ਕਿਹਾ, “ਰਾਜੀ ਦੇ ਅੰਦਰ ਇੱਕ ਰੋਸ਼ਨੀ ਹੈ ਜੋ ਉਹ ਆਪਣੀ ਦਿਆਲਤਾ ਅਤੇ ਜਨਤਕ ਸੇਵਾ ਲਈ ਅਣਥੱਕ ਵਚਨਬੱਧਤਾ ਦੁਆਰਾ ਸਾਡੇ ਪੂਰੇ ਭਾਈਚਾਰੇ ਨਾਲ ਸਾਂਝੀ ਕਰਦੀ ਹੈ।” 

ਉਹ ਬੋਰਡ ਆਫ਼ ਟਰੱਸਟੀਜ਼ ਲਈ ਇੱਕ ਵਿਲੱਖਣ ਦ੍ਰਿਸ਼ਟੀਕੋਣ ਲਿਆਏਗੀ ਅਤੇ ਜਿਸ ਵੈਲੀ ਨੂੰ ਅਸੀਂ ਪਿਆਰ ਕਰਦੇ ਹਾਂ, ਉਸ ਦੀ ਆਵਾਜ਼ ਦੁਆਰਾ ਚੰਗੀ ਤਰ੍ਹਾਂ ਨੁਮਾਇੰਦਗੀ ਕੀਤੀ ਜਾਵੇਗੀ। ਰੋਡਰਨਰ ਪਰਿਵਾਰ ਅਤੇ ਸਾਡੇ ਖੇਤਰ ਲਈ ਇਹ ਮਾਣ ਵਾਲੀ ਗੱਲ ਹੈ। ਵਿਦਿਆਰਥੀ ਕ੍ਰਿਸਟਲ ਰੇਨਜ਼ ਅਤੇ ਸਾਬਕਾ ਵਿਦਿਆਰਥੀ ਜੌਨ ਨੀਲਨ ਤੋਂ ਬਾਅਦ ਬਰਾੜ ਟਰੱਸਟੀ ਬੋਰਡ ਵਿੱਚ ਸੇਵਾ ਕਰਨ ਵਾਲਾ ਸੀਐੱਸਯੂਬੀ ਨਾਲ ਜੁੜਿਆ ਤੀਜਾ ਵਿਅਕਤੀ ਹੈ।