ਦੁਬਈ : (ਭਾਸ਼ਾ) ਸਊਦੀ ਅਰਬ ਤੋਂ ਧਾਰਮਿਕ ਯਾਤਰਾ ਉਮਰਾ ਹੱਜ ਕਰ ਕੇ ਵਾਪਸ ਆ ਰਹੇ ਇਕ ਭਾਰਤੀ ਪਰਵਾਰ ਦੇ ਚਾਰ ਸਾਲ ਦੇ ਵਿਕਲਾਂਗ ਬੱਚੇ ਦੀ ਮਿਰਗੀ ਦਾ ਦੌਰਾ ਪੈਣ ਨਾਲ ਹਵਾਈ ਸਫਰ ਦੌਰਾਨ ਮੌਤ ਹੋ ਗਈ। ਰਿਪੋਰਟ ਦੇ ਮੁਤਾਬਕ, ਰਿਸ਼ਤੇਦਾਰ ਨੇ ਦੱਸਿਆ ਕਿ ਓਮਾਨ ਏਅਰਵੇਜ਼ ਦੇ ਜਹਾਜ਼ ਦੇ ਉਡਾਨ ਭਰਨ ਦੇ 45 ਮਿੰਟ ਬਾਅਦ ਯਾਹਿਆ ਪੁਥੀਯਾਪੁਰਾਇਲ ਨਾਮ ਦੇ ਬੱਚੇ ਨੂੰ ਮਿਰਗੀ ਦਾ ਦੌਰਾ ਪਿਆ।

ਦੁਬਈ ਵਿਚ ਰਹਿਣ ਵਾਲੇ ਬੱਚੇ ਦੇ ਇਕ ਪਰਵਾਰ ਨੇ ਦੱਸਿਆ ਕਿ ਜਦੋਂ ਉਹ ਲੋਕ ਜੇੱਦਾ ਤੋਂ ਰਵਾਨਾ ਹੋਏ ਸਨ ਤਾਂ ਬੱਚੇ ਨੂੰ ਹਲਕਾ ਬੁਖਾਰ ਸੀ ਅਤੇ ਹਵਾਈ ਯਾਤਰਾ ਦੌਰਾਨ ਉਸ ਨੂੰ ਮਿਰਗੀ ਦਾ ਦੌਰਾ ਪਿਆ। ਉਸ ਦੀ (ਬੱਚੇ ਦੀ) ਮਾਂ ਦੀ ਬੁੱਕਲ ਵਿਚ ਹੀ ਮੌਤ ਹੋ ਗਈ। ਏਅਰਲਾਈਨਸ ਨੇ ਕਿਹਾ ਕਿ ਜਹਾਜ਼ ਜੇੱਦਾ ਤੋਂ ਕੇਰਲ ਦੇ ਕੋਝੀਕੋਡ ਜਾ ਰਿਹਾ ਸੀ ਅਤੇ ਇਸ ਦੁਖਦ ਘਟਨਾ ਦੀ ਜਾਣਕਾਰੀ ਮਿਲਣ 'ਤੇ ਜਹਾਜ਼ ਨੂੰ ਸੋਮਵਾਰ ਦੁਪਹਿਰ ਨੂੰ ਅਬੂਧਾਬੀ ਵਿਚ ਐਮਰਜੈਂਸੀ ਹਾਲਾਤਾਂ ਵਿਚ ਉਤਾਰਿਆ ਗਿਆ।

ਖਬਰ ਵਿਚ ਕਿਹਾ ਗਿਆ ਹੈ ਕਿ ਵਿਕਲਾਂਗ ਬੱਚਾ ਪੁਥੀਯਾਪੁਰਾਇਲ ਚਲਣ - ਫਿਰਣ ਅਤੇ ਬੋਲਣ ਵਿਚ ਅਸਮਰਥ ਸੀ। ਉਸ ਨੂੰ ਵਹੀਲ ਚੇਅਰ ਦੇ ਜ਼ਰੀਏ ਹੀ ਲਿਜਾਇਆ ਜਾਂਦਾ ਸੀ ਅਤੇ ਜਨਮ ਤੋਂ ਬਾਅਦ ਤੋਂ ਹੀ ਉਸ ਦਾ ਇਲਾਜ ਚੱਲ ਰਿਹਾ ਸੀ। ਉਹ ਮਾਤਾ - ਪਿਤਾ ਸਮੇਤ 13 ਪਰਵਾਰਾਂ ਦੇ ਨਾਲ ਤੀਰਥਯਾਤਰਾ 'ਤੇ ਗਿਆ ਸੀ।

ਧਿਆਨ ਯੋਗ ਹੈ ਕਿ ਉਮਰਾ ਮੱਕਾ (ਸਊਦੀ ਅਰਬ) ਦੀ ਧਾਰਮਿਕ ਯਾਤਰਾ ਹੁੰਦੀ ਹੈ ਅਤੇ ਮੁਸਲਮਾਨਾਂ ਵਲੋਂ ਇਸ ਨੂੰ ਸਾਲ ਵਿਚ ਕਿਸੇ ਵੀ ਸਮੇਂ ਕੀਤਾ ਜਾ ਸਕਦਾ ਹੈ। ਹੱਜ ਦੇ ਦੌਰਾਨ ਉਮਰਾ ਹੱਜ ਨਹੀਂ ਹੁੰਦਾ। ਅਬੂਧਾਬੀ ਵਿਚ ਭਾਰਤੀ ਦੂਤਾਵਾਸ ਨੇ ਦੱਸਿਆ ਕਿ ਬੱਚੇ ਦੀ ਲਾਸ਼ ਨੂੰ ਮੰਗਲਵਾਰ ਨੂੰ ਏਤੀਹਾਦ ਏਅਰਲਾਈਨਸ ਤੋਂ ਭਾਰਤ ਭੇਜਿਆ ਗਿਆ।  ਪਰਵਾਰ ਦੇ ਮੁਤਾਬਕ ਕੰਨੂਰ ਪੁੱਜਣ ਤੋਂ ਬਾਅਦ ਲਾਸ਼ ਨੂੰ ਦਫਨਾ ਦਿਤਾ ਗਿਆ।