Mark Zuckerberg

ਵਾਸ਼ਿੰਗਟਨ : (ਭਾਸ਼ਾ) ਫੇਸਬੁਕ ਵਲੋਂ ਅਪਣੀ ਆਲੋਚਨਾ ਨੂੰ ਦਬਾਉਣ ਲਈ ਪਬਲਿਕ ਰਿਲੇਸ਼ਨ (ਪੀਆਰ) ਫਰਮ ਨਿਯੁਕਤ ਕਰਨ ਦੀ ਖਬਰ ਆਉਣ ਤੋਂ ਬਾਅਦ ਨਿਵੇਸ਼ਕਾਂ ਨੇ ਮਾਰਕ ਜ਼ੁਕਰਬਰਗ ਨੂੰ ਚੇਅਰਮੈਨ ਅਹੁਦੇ ਤੋਂ ਅਸਤੀਫਾ ਦੇਣ ਦੀ ਮੰਗ ਕੀਤੀ ਹੈ। ਇਕ ਅਖਬਾਰ ਨੇ ਹਾਲ ਹੀ ਵਿਚ ਇਕ ਰਿਪੋਰਟ ਪ੍ਰਕਾਸ਼ਿਤ ਕਰ ਖੁਲਾਸਾ ਕੀਤਾ ਗਿਆ ਕਿ ਫੇਸਬੁਕ, ਕਈ ਵਾਰ ਅਪਣੀ ਆਲੋਚਨਾਵਾਂ ਨੂੰ ਦਬਾਉਣ ਅਤੇ ਲੋਕਾਂ  ਦੇ ਮਨ ਵਿਚ ਕੰਪਨੀ ਦੇ ਵਿਰੁਧ ਭਰੇ ਗੁੱਸੇ ਨੂੰ ਅਪਣੀ ਵਿਰੋਧੀ ਕੰਪਨੀਆਂ ਦੇ ਵਲ ਮੋੜਨ ਦਾ ਕੰਮ ਕਰਦੀ ਹੈ।

ਫੇਸਬੁਕ ਨੇ ਅਪਣੇ ਆਲੋਚਕ ਐਕਟਿਵਿਸਟਸ ਨੂੰ ਯਹੂਦੀ ਵਿਰੋਧੀ ਸਾਬਤ ਕਰਨ ਅਤੇ ਅਰਬਪਤੀ ਨਿਵੇਸ਼ਕ ਜਾਰਜ ਸੋਰੋਸ ਨਾਲ ਜੋੜਨ ਦੀ ਕੋਸ਼ਿਸ਼ ਵੀ ਕੀਤੀ। ਉਥੇ ਹੀ ਇਕ ਹੋਰ ਅਖਬਾਰ ਨੇ ਅਪਣੀ ਰਿਪੋਰਟ ਵਿਚ ਕਿਹਾ ਹੈ ਕਿ 2016 ਦੇ ਅਮਰੀਕੀ ਚੋਣਾਂ ਵਿਚ ਰੂਸੀ ਦਖਲ ਅਤੇ ਕੈਂਬਰਿਜ ਐਨਾਲਿਟਿਕਾ ਦੇ ਮਾਮਲੇ ਵਿਚ ਅਪਣੀ ਆਲੋਚਨਾ ਨੂੰ ਦਬਾਉਣ ਲਈ ਉਸ ਨੇ ਰਿਪਬਲਿਕਨ ਪੀਆਰ ਕੰਪਨੀ ਡਿਫਾਇਨਰਸ ਪਬਲਿਕ ਅਫੇਅਰਸ ਦੀ ਮਦਦ ਲਈ ਹੈ।

ਇਹਨਾਂ ਖਬਰਾਂ ਉਤੇ ਫੇਸਬੁਕ ਵਿਚ 85 ਲੱਖ ਪੌਂਡ ਦੀ ਹਿੱਸੇਦਾਰੀ ਰੱਖਣ ਵਾਲੇ ਟ੍ਰੀਲੀਅਮ ਅਸੈਟ ਮੈਨੇਜਮੈਂਟ ਦੇ ਸੀਨੀਅਰ ਵਾਇਸ ਪ੍ਰੈਜ਼ੀਡੈਂਟ ਜੋਨਾਸ ਕਰਾਨ ਨੇ ਪਿਛਲੀ ਰਾਤ ਜ਼ੁਕਰਬਰਗ ਨਾਲ ਫੇਸਬੁਕ ਦੇ ਚੇਅਰਮੈਨ ਅਹੁਦ ਤੋਂ ਅਸਤੀਫਾ ਦੇਣ ਦੀ ਮੰਗ ਕੀਤੀ। ਅਖਬਾਰ ਨੇ ਉਨ੍ਹਾਂ ਦੇ ਹਵਾਲੇ ਤੋਂ ਲਿਖਿਆ ਹੈ ਕਿ ਫੇਸਬੁਕ ਅਜੀਬ ਤਰ੍ਹਾਂ ਦਾ ਸੁਭਾਅ ਕਰ ਰਹੀ ਹੈ।

ਇਹ ਠੀਕ ਨਹੀਂ ਹੈ, ਇਹ ਇਕ ਕੰਪਨੀ ਹੈ ਅਤੇ ਕੰਪਨੀਆਂ ਨੂੰ ਚੇਅਰਮੈਨ ਅਤੇ ਮੁੱਖ ਕਾਰਜਕਾਰੀ ਅਧਿਕਾਰੀ ਦੇ ਅਹੁਦੇ ਨੂੰ ਵੱਖ ਰੱਖਣ ਜ਼ਰੂਰਤ ਹੁੰਦੀ ਹੈ। ਇਲਜ਼ਾਮ ਹੈ ਕਿ ਡਿਫਾਇਨਰ ਨੇ ਫੇਸਬੁਕ ਦੀ ਆਲੋਚਨਾ ਕਰਨ ਵਾਲਿਆਂ ਨੂੰ ਯਹੂਦੀ ਵਿਰੋਧੀ ਦੇ ਤੌਰ 'ਤੇ ਪੇਸ਼ ਕਰਨ ਦੀ ਕੋਸ਼ਿਸ਼ ਕੀਤੀ, ਨਾਲ ਹੀ ਇਸ ਨੇ ਫੇਸਬੁਕ ਦੇ ਵਿਰੋਧੀਆਂ ਦੀ ਆਲੋਚਨਾ ਲਈ ਕਈ ਲੇਖ ਵੀ ਲਿਖੇ।

ਖਬਰਾਂ ਦੇ ਮੁਤਾਬਕ, ਫੇਸਬੁਕ ਦੀ ਆਲੋਚਨਾ ਕਰਨ ਵਾਲੇ ਗਰੁਪਸ ਫੈਕਟਰਾਂ ਦੀ ਮਦਦ ਨਾਲ ਅਰਬਪਤੀ ਜਾਰਜ ਸੋਰੋਸ ਨਾਲ ਜੋੜਨ ਦੀ ਕੋਸ਼ਿਸ਼ ਵੀ ਕੀਤੀ ਗਈ। ਮੰਨਿਆ ਜਾ ਰਿਹਾ ਹੈ ਕਿ ਜ਼ੁਕਰਬਰਗ ਉਤੇ ਹੋ ਰਹੇ ਇਸ ਤਰ੍ਹਾਂ ਦੇ ਹਮਲੇ ਫੇਸਬੁਕ ਦੀ ਵਿਸ਼ਵ ਨੀਤੀ ਅਤੇ ਸੰਚਾਰ ਮੁਖੀ ਸਰ ਨਿਕ ਕਲੇਗ ਲਈ ਮੁਸ਼ਕਲ ਖੜੀ ਕਰ ਸਕਦੇ ਹਨ। ਕਲੇਗ ਨੂੰ ਫੇਸਬੁਕ ਵਲੋਂ ਲਾਬਿੰਗ ਫਰਮਸ ਦੀ ਵਰਤੋਂ ਦੀ ਪ੍ਰਕਿਰਿਆ ਨੂੰ ਰਿਵਿਊ ਕਰਨ ਨੂੰ ਕਿਹਾ ਗਿਆ ਹੈ।

ਤੁਹਾਨੂੰ ਦੱਸ ਦਈਏ ਕਿ ਵੀਰਵਾਰ ਨੂੰ ਜ਼ੁਕਰਬਰਗ ਨੇ ਇਕ ਪੱਤਰਕਾਰ ਨਾਲ ਗੱਲਬਾਤ ਵਿੱਚ ਕੰਪਨੀ ਵਲੋਂ ਪੀਆਰ ਫਰਮ ਦੀ ਨਿਯੁਕਤੀ  ਬਾਰੇ ਜਾਣਕਾਰੀ ਹੋਣ ਤੋਂ ਇਨਕਾਰ ਕੀਤਾ ਹੈ। ਜ਼ੁਕਰਬਰਗ ਨੇ ਕਿਹਾ ਕਿ ਮੈਨੂੰ ਜਿਵੇਂ ਹੀ ਇਸ ਦੇ ਬਾਰੇ ਜਾਣਕਾਰੀ ਮਿਲੀ, ਮੈਂ ਅਪਣੀ ਟੀਮ ਨਾਲ ਗੱਲ ਕੀਤੀ ਅਤੇ ਹੁਣ ਅਸੀਂ ਉਨ੍ਹਾਂ ਦੇ ਨਾਲ ਕੰਮ ਨਹੀਂ ਕਰ ਰਹੇ ਹਾਂ।