ਨਿਊਜਰਸੀ: ਤਲਾਅ ਵਿਚ ਡੁੱਬਣ ਕਾਰਨ ਗਈ ਭਾਰਤੀ ਵਿਦਿਆਰਥੀ ਦੀ ਜਾਨ
ਮੀਡੀਆ ਰਿਪੋਰਟਾਂ ਮੁਤਾਬਕ ਕੁਝ ਬੱਚਿਆਂ ਦੀ ਫੁੱਟਬਾਲ ਤਲਾਅ ਵਿਚ ਡਿੱਗ ਗਈ, ਜਿਸ ਨੂੰ ਕੱਢਣ ਲਈ ਵਿਦਿਆਰਥੀ ਉਸ 'ਚ ਉਤਰਿਆ ਸੀ।
ਨਿਊਯਾਰਕ: ਅਮਰੀਕਾ ਦੇ ਨਿਊਜਰਸੀ ਵਿਚ ਇਕ ਭਾਰਤੀ ਵਿਦਿਆਰਥੀ ਦੀ ਤਲਾਅ ਵਿਚ ਡੁੱਬਣ ਕਾਰਨ ਮੌਤ ਹੋ ਗਈ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਕੁਝ ਬੱਚਿਆਂ ਦੀ ਫੁੱਟਬਾਲ ਤਲਾਅ ਵਿਚ ਡਿੱਗ ਗਈ, ਜਿਸ ਨੂੰ ਕੱਢਣ ਲਈ ਵਿਦਿਆਰਥੀ ਉਸ 'ਚ ਉਤਰਿਆ ਸੀ। ਸਥਾਨਕ ਮੀਡੀਆ ਰਿਪੋਰਟਾਂ ਅਨੁਸਾਰ ਕੇਰਲਾ ਨਾਲ ਸਬੰਧ ਰੱਖਣ ਵਾਲਾ 18 ਸਾਲਾ ਕਲਿੰਟਨ ਜੀ ਅਜੀਤ ਸ਼ੁੱਕਰਵਾਰ ਸ਼ਾਮ ਕਰੀਬ 7 ਵਜੇ ਨਿਊ ਮਿਲਫੋਰਡ ਦੇ ਹਾਰਡਕੈਸਲ ਤਲਾਅ ਵਿਚ ਫੁੱਟਬਾਲ ਲੈਣ ਉਤਰਿਆ ਸੀ, ਇਸ ਦੌਰਾਨ ਉਹ ਅਚਾਨਕ ਵਿਚ ਡੁੱਬ ਗਿਆ।
Death
ਇਕ ਹੋਰ ਡਿਜੀਟਲ ਅਖਬਾਰ ਨੇ ਪੁਲਿਸ ਦੇ ਹਵਾਲੇ ਨਾਲ ਦੱਸਿਆ ਕਿ ਐਮਰਜੈਂਸੀ ਸੇਵਾ ਅਧਿਕਾਰੀਆਂ ਨੂੰ ਸ਼ਾਮ 7.15 ਵਜੇ ਦੇ ਕਰੀਬ ਸੂਚਨਾ ਮਿਲੀ ਸੀ ਕਿ ਕੋਈ ਵਿਅਕਤੀ ਤਲਾਅ 'ਚ ਤੈਰਾਕੀ ਲਈ ਗਿਆ ਹੈ ਅਤੇ ਵਾਪਸ ਨਹੀਂ ਆਇਆ। ਇਸ ਦੇ ਤਿੰਨ ਘੰਟੇ ਤੋਂ ਅੰਦਰ ਅਜੀਤ ਦੀ ਲਾਸ਼ ਬਰਾਮਦ ਕਰ ਲਈ ਗਈ। ਘਟਨਾ ਦੇ ਸਮੇਂ ਉੱਥੇ 10 ਸਾਲਾ ਸੈਮ ਰੂਈਡਾ ਮੌਜੂਦ ਸੀ। ਉਸ ਨੇ ਆਪਣੇ ਪਰਿਵਾਰਕ ਮੈਂਬਰਾਂ ਨੂੰ ਦੱਸਿਆ ਕਿ ਅਜੀਤ ਡੂੰਘੇ ਪਾਣੀ ਵਿਚ ਚਲਾ ਗਿਆ ਸੀ।