ਤਿੰਨ ਸਾਲਾ ਤ੍ਰਿਸ਼ਨਾ ਸਾਕਿਆ ਨੇਪਾਲ ਦੀ ਨਵੀਂ 'ਕੁਮਾਰੀ ਦੇਵੀ ਬਣੀ
ਨੇਪਾਲ ਵਿਚ ਇਕ ਅਨੋਖੀ ਪਰੰਪਰਾ ਦੇ ਤਹਿਤ ਤਿੰਨ ਸਾਲ ਦੀ ਤ੍ਰਿਸ਼ਨਾ ਸਾਕਿਆ ਨੂੰ ਅਗਲੀ ‘ਕੁਮਾਰੀ ਦੇਵੀ’ ਚੁਣਿਆ ਜਾਂਦਾ ਹੈ।
ਕਾਠਮੰਡੂ : ਨੇਪਾਲ ਵਿਚ ਇਕ ਅਨੋਖੀ ਪਰੰਪਰਾ ਦੇ ਤਹਿਤ ਤਿੰਨ ਸਾਲ ਦੀ ਤ੍ਰਿਸ਼ਣਾ ਸਾਕਿਆ ਨੂੰ ਅਗਲੀ ‘ਕੁਮਾਰੀ ਦੇਵੀ’ ਚੁਣਿਆ ਜਾਂਦਾ ਹੈ। ਕੁਮਾਰੀ ਦੇਵੀ ਬਨਣ ਤੋਂ ਬਾਅਦ ਤਖਤ ਮੰਗਲਵਾਰ ਨੂੰ ਪਹਿਲੀ ਵਾਰ ਜਨਤਕ ਰੂਪ ਤੋਂ ਲੋਕਾਂ ਦੇ ਸਾਹਮਣੇ ਆਉਂਦੀ ਹੈ। ਉਨ੍ਹਾਂ ਦੇ ਦਰਸ਼ਨ ਕਰਨ ਲਈ ਭਾਰੀ ਗਿਣਤੀ ਵਿਚ ਲੋਕ ਇਕੱਠੇ ਹੁੰਦੇ ਹਨ ਅਤੇ ਉਨ੍ਹਾਂ ਦੀ ਇੰਦਰ ਯਾਤਰਾ ਦੇ ਦੌਰਾਨ ਪਾਲਕੀ ਕੱਢੀ ਜਾਂਦੀ ਹੈ । ਨੇਪਾਲੀ ਪਰੰਪਰਾ ਦੇ ਤਹਿਤ ਕੁਮਾਰੀ ਦੇਵੀ ਨੂੰ ਤਖਤ ਲਈ ਆਪਣੇ ਘਰ ਪਰਿਵਾਰ ਤੋਂ ਦੂਰ ਹੋ ਕੇ ਦੇਵੀ ਦੇ ਰੂਪ ਵਿਚ ਇਕ ਵਿਸ਼ੇਸ਼ ਮਹਿਲ ਵਿਚ ਰਹਿਣਾ ਹੁੰਦਾ ਹੈ।
ਨੇਪਾਲੀ ਪਰੰਪਰਾਵਾਂ ਦੇ ਤਹਿਤ ਕੁਮਾਰੀ ਦੀ ਜਨਮ ਕੁੰਡਲੀ ਵਿਚ 32 ਗੁਣ ਜਰੂਰੀ ਚਾਹੀਦੇ ਹਨ ਨੇਪਾਲੀ ਬੁੱਧ-ਦੇਵ ਜਾਂ ਵਜਰਚਾਰਿਆ ਜਾਤੀ ਦੀਆਂ ਬੱਚੀਆਂ ਨੂੰ ਕੁਮਾਰੀ ਦੇਵੀ ਚੁਣਿਆ ਜਾਂਦਾ ਹੈ। ਇਸ ਜਾਤੀ ਦੀਆਂ ਬੱਚੀਆਂ ਨੂੰ ਤਿੰਨ ਸਾਲ ਦਾ ਹੁੰਦੇ ਹੀ ਪਰਿਵਾਰ ਤੋਂ ਵੱਖ ਕਰ ਦਿੱਤਾ ਜਾਂਦਾ ਹੈ ਅਤੇ ਉਨ੍ਹਾਂ ਨੂੰ ਕੁਮਾਰੀ ਨਾਮ ਦੇ ਦਿੱਤਾ ਜਾਂਦਾ ਹੈ। ਇਹਨਾਂ ਦੀ ਜਨਮ ਕੁੰਡਲੀ ਨੂੰ ਵੇਖ ਕੇ ਸੰਯੋਗ ਮਿਲਾਏ ਜਾਂਦੇ ਹਨ। ਕੁਮਾਰੀ ਦੇਵੀ ਵਿਚ 32 ਗੁਣ ਮਿਲਣੇ ਜ਼ਰੂਰੀ ਚਾਹੀਦੇ ਹਨ । ਇਸ ਤੋਂ ਬਾਅਦ ਇਹਨਾਂ ਬੱਚੀਆਂ ਦੇ ਸਾਹਮਣੇ ਕੱਟੇ ਹੋਏ ਝੋਟੇ ਦਾ ਸਿਰ ਰੱਖਿਆ ਜਾਂਦਾ ਹੈ ਅਤੇ ਪੁਰਸ਼ ਡਰਾਉਣੇ ਮਖੌਟੇ ਲਗਾ ਕੇ ਇਨ੍ਹਾਂ ਦੇ ਸਾਹਮਣੇ ਨੱਚਦੇ ਹਨ।
ਵਿਚ ਜਿਹੜੀ ਲੜਕੀ ਅਜਿਹਾ ਕਰਨ 'ਤੇ ਡਰਦੀ ਨਹੀਂ ਉਸ ਨੂੰ ਮਾਂ ਕਾਲੀ ਦਾ ਰੂਪ ਮੰਨ ਕੇ ਕੁਮਾਰੀ ਦੇਵੀ ਚੁਣਿਆ ਜਾਂਦਾ ਹੈ। ਸਰੀਰ 'ਚੋਂ ਖੂਨ ਦੀ ਬੂੰਦ ਵੀ ਨਿਕਲਦੀ ਤਾਂ ਅਹੁਦਾ ਛੱਡਣਾ ਹੁੰਦਾ ਹੈ ਕੁਮਾਰੀ ਦੇਵੀ ਨੂੰ ਮੂਲ ਰੂਪ ਤੋਂ ਕਿਸ਼ੋਰ ਅਵਸਥਾ ਸ਼ੁਰੂ ਹੁੰਦੇ ਹੀ ਅਹੁਦਾ ਛੱਡਣਾ ਹੁੰਦਾ ਹੈ। ਨਾਲ ਹੀ ਜੇਕਰ ਕਿਸੇ ਸੱਟ ਜਾਂ ਜਖ਼ਮ ਦੀ ਵਜ੍ਹਾ ਨਾਲ ਇਨ੍ਹਾਂ ਦੇ ਸਰੀਰ 'ਚੋਂ ਖੂਨ ਨਿਕਲਣ 'ਤੇ ਵੀ ਕੁਮਾਰੀ ਦੇਵੀ ਨੂੰ ਅਹੁਦਾ ਛੱਡਣਾ ਹੁੰਦਾ ਹੈ। ਕੁਮਾਰੀ ਦੇਵੀ ਦੀ ਪਦਵੀ ਤੋਂ ਹੱਟਣ ਤੋਂ ਬਾਅਦ ਉਨ੍ਹਾਂ ਨੂੰ ਆਜੀਵਨ ਪੈਨਸ਼ਨ ਤਾਂ ਮਿਲਦੀ ਹੈ ਪਰ ਉਨ੍ਹਾਂ ਦਾ ਵਿਆਹ ਨਹੀਂ ਹੁੰਦਾ। ਨੇਪਾਲ ਵਿਚ ਅਜਿਹੀ ਮਾਨਤਾ ਹੈ ਕਿ ਜੋ ਵੀ ਪੁਰਸ਼ ਸਾਬਕਾ ਕੁਮਾਰੀ ਦੇਵੀ ਨਾਲ ਵਿਆਹ ਕਰਦਾ ਹੈ ਉਸ ਦੀ ਮੌਤ ਘੱਟ ਉਮਰ ਵਿਚ ਹੋ ਜਾਂਦੀ ਹੈ।