Fire Brigade Controlling Fire

ਬ੍ਰਾਜ਼ੀਲ ਦੇ ਗੋਈਨੀਆ ਸ਼ਹਿਰ 'ਚ ਸਥਿਤ ਇਕ ਜੇਲ ਵਿਚ ਸ਼ਰਾਰਤੀ ਤੱਤਾਂ ਨੇ ਇਕ ਗੱਦੇ ਨੂੰ ਅੱਗ ਲਗਾ ਦਿਤੀ। ਇਸ ਤੋਂ ਬਾਅਦ ਉਥੇ ਲੱਗੀ ਅੱਗ ਨਾਲ 9 ਨਾਬਾਲਗ਼ਾਂ ਦੀ ਮੌਤ ਹੋ ਗਈ।ਅਧਿਕਾਰੀਆਂ ਨੇ ਦਸਿਆ ਕਿ ਜੇਲ 'ਚ 13 ਤੋਂ 17 ਸਾਲ ਦੇ ਨਾਬਾਲਗ਼ਾਂ ਨੂੰ ਅਸਥਾਈ ਤੌਰ 'ਤੇ ਰਖਿਆ ਜਾਂਦਾ ਹੈ। ਗੋਏਸ ਦੇ ਮਨੁੱਖੀ ਅਧਿਕਾਰ ਕਮਿਸ਼ਨ ਦੇ ਵਕੀਲ ਗਿਲੀਸ ਸਬੈਸਿਟਅਨ ਗੋਮਜ਼ ਨੇ ਦਸਿਆ ਕਿ ਇਹ ਦੰਗਾ ਉਸ ਸਮੇਂ ਸ਼ੁਰੂ ਹੋਇਆ, ਜਦੋਂ ਅਧਿਕਾਰੀ ਕੁੱਝ ਕੈਦੀਆਂ ਨੂੰ ਇਕ ਕੋਠੜੀ ਵਿਚੋਂ ਦੂਜੀ ਕੋਠੜੀ ਵਿਚ ਟਰਾਂਸਫ਼ਰ ਕਰ ਰਹੇ ਸਨ।

ਗੋਮਜ਼ ਨਾਬਾਲਗ਼ਾਂ ਦੇ ਪਰਵਾਰ ਵਾਲਿਆਂ ਨਾਲ ਸੰਪਕਰ 'ਚ ਹਨ ਅਤੇ ਉਨ੍ਹਾਂ ਦਸਿਆ ਕਿ ਇਸ ਜੇਲ ਦੀ ਸਮਰੱਥਾ ਸਿਰਫ਼ 50 ਲੋਕਾਂ ਦੀ ਹੈ, ਪਰ ਇਸ 'ਚ 80-90 ਲੋਕਾਂ ਨੂੰ ਰੱਖਿਆ ਜਾਂਦਾ ਹੈ। ਉਨ੍ਹਾਂ ਕਿਹਾ, ''ਕੋਠੜੀਆਂ ਛੋਟੀਆਂ ਹਨ, ਇਨ੍ਹਾਂ ਵਿਚ ਸਮਰਥਾ ਤੋਂ ਵੱਧ ਕੈਦੀਆਂ ਨੂੰ ਰਖਿਆ ਗਿਆ ਹੈ ਅਤੇ ਇਥੇ ਕਰਮਚਾਰੀਆਂ ਦੀ ਵੀ ਭਾਰੀ ਕਮੀ ਹੈ।'' ਸਰਕਾਰ ਨੇ ਮਾਮਲੇ ਦੀ ਜਾਂਚ ਕਰਵਾਉਣ ਅਤੇ ਮ੍ਰਿਤਕਾਂ ਦੇ ਪਰਵਾਰਕ ਮੈਂਬਰਾਂ ਨੂੰ ਸਹਾਇਤਾ ਦੇਣ ਦੀ ਘੋਸ਼ਣਾ ਕੀਤੀ ਹੈ। (ਪੀਟੀਆਈ)