Newborn Found In Bag Named 'India'

ਵਾਸ਼ਿੰਗਟਨ :  ਅਮਰੀਕੀ ਰਾਜ ਜੌਰਜੀਆ ਵਿਚ ਪੁਲਿਸ ਕਰਮਚਾਰੀਆਂ ਨੂੰ ਪਲਾਸਟਿਕ ਦੀ ਥੈਲੀ ਵਿਚ ਇਕ ਨਵਜਾਤ ਬੱਚੀ ਮਿਲੀ, ਜਿਸਦੀ ਮਾਂ ਨੂੰ ਤਲਾਸ਼ਣ ਲਈ ਪੁਲਿਸ ਨੇ ਇਕ ਵੀਡੀਓ ਜਾਰੀ ਕੀਤਾ ਹੈ। ਇਕ ਪੁਲਿਸ ਅਧਿਕਾਰੀ ਦੀ ਵਰਦੀ 'ਤੇ ਲੱਗੇ ਕੈਮਰੇ ਨਾਲ ਰਿਕਾਰਡ ਹੋਏ ਇਸ ਵੀਡੀਓ ਨੂੰ ਮੰਗਲਵਾਰ ਨੂੰ ਜਨਤਕ ਕੀਤਾ ਗਿਆ। ਜਿਸ ਵਿਚ ਜੌਰਜੀਆ ਸਥਿਤ ਕਮਿੰਗਸ ਵਿਚ ਸ਼ੈਰਿਫ ਦੇ ਡਿਪਟੀ ਅਧਿਕਾਰੀਆਂ ਨੂੰ ਥੈਲੀ ਅਤੇ ਉਸ ਵਿਚ ਬੰਨ੍ਹੀ ਬੱਚੀ ਦੇ ਮਿਲਣ ਦਾ ਦ੍ਰਿਸ਼ ਦਰਜ ਹੈ, ਘਟਨਾ 6 ਜੂਨ ਦੀ ਰਾਤ ਦੀ ਹੈ। ਪੁਲਿਸ ਨੂੰ ਫ਼ੋਨ 'ਤੇ ਸੂਚਨਾ ਦਿੱਤੀ ਗਈ ਸੀ ਉਨ੍ਹਾਂ ਨੂੰ ਜੰਗਲਾਂ ਤੋਂ ਕਿਸੇ ਬੱਚੇ ਦੇ ਰੋਣ ਦੀ ਅਵਾਜ ਸੁਣਾਈ ਦਿੱਤੀ ਹੈ।

ਫੋਰਸਿਥ ਕਾਉਂਟੀ ਦੇ ਸ਼ੈਰਿਫ ਦਫ਼ਤਰ ਨੇ ਮਾਈਕਰੋ - ਬਲਾਗਿੰਗ ਵੈਬਸਾਈਟ ਟਵਿਟਰ 'ਤੇ ਦੱਸਿਆ ਕਿ ਬੱਚੀ ਦੇ ਸੰਦਰਭ ਵਿਚ ਜਾਂਚ ਜਾਰੀ ਹੈ ਅਤੇ ਸੁਰਾਗਾਂ 'ਤੇ ਕੰਮ ਕੀਤਾ ਜਾ ਰਿਹਾ ਹੈ। ਵਿਭਾਗ ਦੇ ਅਨੁਸਾਰ ਉਨ੍ਹਾਂ ਨੇ ਬੱਚੀ ਦਾ ਨਾਮ ਇੰਡੀਆ ਰੱਖ ਦਿੱਤਾ ਹੈ। ਪੁਲਿਸ ਨੇ ਲਿਖਿਆ 'ਬੱਚੀ ਇੰਡੀਆ ਦੇ ਮਿਲਣ ਦੇ ਇਸ ਬਾਡੀਕੈਮ ਵੀਡੀਓ ਨੂੰ ਜਾਰੀ ਕਰਨ ਨਾਲ ਅਸੀ ਉਮੀਦ ਕਰ ਰਹੇ ਹਾਂ ਕਿ ਕੁਝ ਭਰੋਸੇਯੋਗ ਜਾਣਕਾਰੀ ਹਾਸਲ ਹੋਵੇਗੀ। ਪੁਲਿਸ ਦੇ ਮੁਤਾਬਕ ਇੰਡੀਆ ਬਿਲਕੁਲ ਤੰਦਰੁਸਤ ਹੈ।'

ਵੀਡੀਓ ਵਿਚ ਇਕ ਡਿਪਟੀ ਅਧਿਕਾਰੀ ਨੂੰ ਬੱਚੀ ਨੂੰ ਪਲਾਸਟਿਕ ਦੇ ਬੈਗ ਤੋਂ ਕੱਢਦੇ ਹੋਏ ਉਸਨੂੰ ਦਿਲਾਸਾ ਦਿੰਦੇ ਸੁਣਿਆ ਜਾ ਸਕਦਾ ਹੈ, ''ਦੇਖੋ ਪਿਆਰੀ ਬੱਚੀ।   ਮੈਨੂੰ (ਤੁਹਾਡੀ ਹਾਲਤ ਦੇਖਕੇ) ਦੁੱਖ ਹੋ ਰਿਹਾ ਹੈ...ਤੂੰ ਬਹੁਤ ਕੀਮਤੀ ਹੈ ...'' ਇਸਦੇ ਬਾਅਦ ਪੁਲਿਸ ਅਧਿਕਾਰੀ ਬੱਚੀ ਨੂੰ ਮੈਡੀਕਲ ਅਧਿਕਾਰੀਆਂ ਨੂੰ ਸੌਂਪ ਦਿੰਦੇ ਹਨ, ਜੋ ਉਸਨੂੰ ਫਰਸਟ ਏਡ ਦੇ ਕੇ ਕੰਬਲ 'ਚ ਲਪੇਟ ਦਿੰਦੇ ਹਨ।