File Photo

ਨਵੀਂ ਦਿੱਲੀ : ਅਕਸਰ ਹੀ ਆਪਣੇ ਉੱਲਟੇ-ਸਿੱਧ ਬਿਆਨਾ ਕਾਰਨ ਸੁਰਖੀਆ ਵਿਚ ਰਹਿਣ ਵਾਲੇ ਪਾਕਿਸਤਾਨ ਦੇ ਰੇਲ ਮੰਤਰੀ ਸ਼ੇਖ ਰਸ਼ੀਦ ਇਕ ਵਾਰ ਫਿਰ ਤੋਂ ਚਰਚਾ ਦਾ ਵਿਸ਼ਾ ਬਣੇ ਹੋਏ ਹਨ। ਇਸ ਵਾਰ ਚਰਚਾ ਦਾ ਵਿਸ਼ਾ ਬਣਨਾ ਉਨ੍ਹਾਂ ਦਾ ਕੋਈ ਉੱਲਟਾ ਸਿੱਧਾ ਬਿਆਨ ਨਹੀਂ ਬਲਕਿ ਉਨ੍ਹਾਂ ਦੀ ਵਾਇਰਲ ਹੋ ਰਹੀ ਇਕ ਵੀਡੀਓ ਹੈ। ਦਰਅਸਲ ਰਸ਼ੀਦ ਹੁਣ ਇਕ ਟਿਕ-ਟਾਕ ਸਟਾਰ ਨਾਲ ਵਾਇਰਲ ਹੋਈ ਗੱਲਬਾਤ ਵਿਚ ਫਸ ਗਏ ਹਨ।

ਪਾਕਿਸਤਾਨ ਦੇ ਅਖਬਾਰ 'ਦਾ ਟ੍ਰਿਬਿਊਨ' ਦੇ ਅਨੁਸਾਰ ਵੀਰਵਾਰ ਨੂੰ ਪਾਕਿਸਤਾਨ ਦੀ ਸੋਸ਼ਲ ਮੀਡੀਆ ਸਟਾਰ ਹਰੀਮ ਸ਼ਾਹ ਨੇ ਟਿਕ-ਟਾਕ 'ਤੇ ਇਕ ਵੀਡੀਓ ਸਾਂਝਾ ਕੀਤਾ ਹੈ। ਇੱਥੇ ਉਹ ਰੇਲ ਮੰਤਰੀ ਸ਼ੇਖ ਰਸ਼ੀਦ ਨਾਲ ਗੱਲਬਾਤ ਕਰਦੀ ਨਜ਼ਰ ਆ ਰਹੀ ਹੈ। ਗੱਲਬਾਤ ਦੌਰਾਨ ਉਨ੍ਹਾਂ ਨੇ ਇਲਜ਼ਾਮ ਲਗਾਇਆ ਕਿ ਰਸ਼ੀਦ ਉਨ੍ਹਾਂ ਨੂੰ ਅਸ਼ਲੀਲ ਫੋਟੋਆ ਭੇਜਦੇ ਸਨ।

 

 

ਵੀਡੀਓ ਵਿਚ ਵੇਖਿਆ ਜਾ ਸਕਦਾ ਹੈ ਕਿ ਰਸ਼ੀਦ ਨਾਲ ਉਨ੍ਹਾਂ ਦੀ ਵੀਡੀਓ ਕਾਲ 'ਤੇ ਗੱਲਬਾਤ ਹੋ ਰਹੀ ਹੈ। ਹਰੀਮ ਸ਼ਾਹ ਕਹਿੰਦੀ ਹੈ ਕਿ ਉਸ ਨੇ ਕਦੇ ਮੰਤਰੀ ਦੇ ਰਾਜ ਨਹੀਂ ਖੋਲ੍ਹੇ ਫਿਰ ਉਹ ਕਿਉਂ ਉਨ੍ਹਾਂ ਨਾਲ ਗੱਲਬਾਤ ਨਹੀਂ ਕਰਦੇ। ਜਵਾਬ ਵਿਚ ਰਸ਼ੀਦ ਕਹਿੰਦੇ ਹਨ ਤੁਹਾਡੀ ਜੋ ਮਰਜੀ ਉਹ ਕਰੋ। ਇਸ ਤੋਂ ਬਾਅਦ ਹਰੀਮ ਨੇ ਕਿਹਾ ਕਿ ''ਕੀ ਤੁਸੀ ਅਸ਼ਲੀਲ ਤਸਵੀਰਾਂ ਨੂੰ ਭੁੱਲ ਗਏ ਜੋਂ ਤੁਸੀ ਮੈਨੂੰ ਭੇਜਦੇ ਸਨ''।

ਥੋੜੀ ਦੇਰ ਬਾਅਦ ਹਰੀਮ ਸ਼ਾਹ ਨੇ ਇਸ ਵੀਡੀਓ ਨੂੰ ਡਿਲੀਟ ਕਰ ਦਿੱਤਾ। ਉਨ੍ਹਾਂ ਨੇ ਬਾਅਦ ਵਿਚ ਕਿਹਾ ਕਿ ਉਨ੍ਹਾਂ ਦਾ ਕਿਸੇ ਨੂੰ ਨੀਚਾ ਵਿਖਾਉਣ ਦਾ ਇਰਾਦਾ ਨਹੀਂ ਸੀ। ਪਰ ਉਦੋਂ ਤੱਕ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਚੁੱਕਾ ਸੀ।

ਇਹ ਕੋਈ ਪਹਿਲਾ ਮੌਕਾ ਨਹੀ ਹੈ ਜਦੋਂ ਰੇਲ ਮੰਤਰੀ ਸ਼ੇਖ ਰਸ਼ੀਦ ਅਤੇ ਹਰੀਮ ਸ਼ਾਹ ਸੁਰਖੀਆਂ ਵਿਚ ਆਏ ਹੋਣ ਇਸ ਤੋਂ ਪਹਿਲਾਂ ਵੀ ਇਸੇ ਸਾਲ ਦੋਣਾਂ ਦੀ ਇਕ ਸੈਲਫੀ ਵਾਇਰਲ ਹੋਈ ਸੀ। ਪਾਕਿਸਤਾਨ ਦੇ ਇਹ ਬੜਬੋਲੇ ਰੇਲ ਮੰਤਰੀ ਦਾ ਅਜਿਹਾ ਕੋਈ ਦਿਨ ਨਹੀਂ ਜਾਂਦਾ ਜਦੋਂ ਇਹ ਆਪਣੇ ਬਿਆਨਾ ਜਾਂ ਕੰਮਾਂ ਕਰਕੇ ਸੁਰਖੀਆ ਨਾ ਬਟੋਰਦੇ ਹੋਣ ਖੈਰ ਇਸ ਘਟਨਾ ਤੋਂ ਬਾਅਦ ਹੁਣ ਤੱਕ ਸੇਖ ਰਸ਼ੀਦ ਦਾ ਇਸ ਵਾਇਰਲ ਹੋ ਰਹੇ ਵੀਡੀਓ 'ਤੇ ਕੋਈ ਬਿਆਨ ਨਹੀਂ ਆਇਆ ਹੈ।