Body found at Frankfurt airport in undercarriage of airplane on inbound flight from Tehran

 

ਫ਼ਰੈਂਕਫ਼ਰਟ - ਵੀਰਵਾਰ ਨੂੰ ਤਹਿਰਾਨ ਤੋਂ ਫ਼ਰੈਂਕਫ਼ਰਟ ਹਵਾਈ ਅੱਡੇ 'ਤੇ ਪਹੁੰਚੇ ਇੱਕ ਹਵਾਈ ਜਹਾਜ਼ ਦੇ ਅੰਡਰਕੈਰੇਜ 'ਚੋਂ ਇੱਕ ਲਾਸ਼ ਬਰਾਮਦ ਹੋਈ। ਹਵਾਈ ਅੱਡੇ ਦੇ ਅਧਿਕਾਰੀਆਂ ਨੇ ਕਿਹਾ ਕਿ ਸਵੇਰੇ 5:30 ਵਜੇ ਨਿਯਮਿਤ ਰੱਖ-ਰਖਾਅ ਦੀ ਜਾਂਚ ਦੌਰਾਨ, ਸਟਾਫ਼ ਮੈਂਬਰਾਂ ਨੂੰ ਇੱਕ ਪੁਰਸ਼ ਦੀ ਲਾਸ਼ ਮਿਲੀ, ਜਿਸ ਕੋਲ ਆਕਸੀਜਨ ਸਿਲੰਡਰ ਸੀ। ਜਰਮਨ ਪੁਲਿਸ ਅਤੇ ਲੁਫ਼ਥਾਂਸਾ ਨੇ ਪੁਸ਼ਟੀ ਕੀਤੀ ਕਿ ਏਅਰਬੱਸ ਏ 340-300 ਦੇ ਉੱਤਰਨ ਤੋਂ ਬਾਅਦ, ਇਸ ਦੇ ਨਿਰੀਖਣ ਦੌਰਾਨ ਇੱਕ ਲਾਸ਼ ਮਿਲੀ ਸੀ।

“ਜ਼ਿੰਮੇਵਾਰ ਅਧਿਕਾਰੀ ਇਸ ਸਮੇਂ ਕੰਪਨੀ ਮਾਹਿਰਾਂ ਨਾਲ ਇਸ ਘਟਨਾ ਦੇ ਪਿਛੋਕੜ ਦੀ ਜਾਂਚ ਕਰਨ ਲਈ ਮੌਕੇ 'ਤੇ ਪਹੁੰਚੇ ਹੋਏ ਹਨ। ਉਮੀਦ ਹੈ ਕਿ ਤੁਸੀਂ ਇਸ ਗੱਲ ਦਾ ਮਹੱਤਵ ਸਮਝੋਗੇ ਕਿ ਚੱਲ ਰਹੀ ਜਾਂਚ ਦੌਰਾਨ ਅਸੀਂ ਇਸ ਮਾਮਲੇ 'ਚ ਕੋਈ ਹੋਰ ਜਾਣਕਾਰੀ ਪ੍ਰਦਾਨ ਨਹੀਂ ਕਰ ਸਕਦੇ, ” ਜਾਰੀ ਬਿਆਨ ਵਿੱਚ ਕਿਹਾ ਗਿਆ ਹੈ। ਇਹ ਘਟਨਾ 22 ਸਾਲਾ ਮਾਹਸਾ ਅਮੀਨੀ ਦੀ ਮੌਤ ਤੋਂ ਬਾਅਦ ਈਰਾਨ ਵਿੱਚ ਵਿਆਪਕ ਹਿਜਾਬ ਵਿਰੋਧੀ ਪ੍ਰਦਰਸ਼ਨਾਂ ਦੇ ਵਿਚਕਾਰ ਵਾਪਰੀ ਹੈ।