ਫ਼ਿਲਮ 'ਦੰਗਲ' 'ਚ ਕੰਮ ਕਰ ਚੁੱਕੀ ਮਸ਼ਹੂਰ ਬਾਲ ਕਲਾਕਾਰ 'ਜ਼ਾਇਰਾ ਵਸੀਮ' ਨੇ ਐਤਵਾਰ ਸਵੇਰੇ ਬਾਲੀਵੁੱਡ ਛੱਡਣ ਦੀ ਗੱਲ ਆਖ
ਨਵੀਂ ਦਿੱਲੀ: ਫ਼ਿਲਮ 'ਦੰਗਲ' 'ਚ ਕੰਮ ਕਰ ਚੁੱਕੀ ਮਸ਼ਹੂਰ ਬਾਲ ਕਲਾਕਾਰ 'ਜ਼ਾਇਰਾ ਵਸੀਮ' ਨੇ ਐਤਵਾਰ ਸਵੇਰੇ ਬਾਲੀਵੁੱਡ ਛੱਡਣ ਦੀ ਗੱਲ ਆਖ ਕੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ। ਉਨ੍ਹਾਂ ਨੇ ਕਿਹਾ ਕਿ 'ਮੇਰੇ ਧਾਰਮਿਕ ਹੋਣ 'ਚ ਮੇਰੀ ਐਕਟਿੰਗ ਆ ਰਹੀ ਹੈ। ਇਹ ਮੇਰੇ ਇਮਾਨ ਨੂੰ ਪ੍ਰਭਾਵਿਤ ਕਰ ਰਿਹਾ ਹੈ। 'ਹੁਣ ਬਾਲੀਵੁੱਡ ਅਦਾਕਾਰਾ ਰਵੀਨਾ ਟੰਡਨ ਨੇ ਟਵੀਟ ਕਰਕੇ ਆਪਣਾ ਗੁੱਸਾ ਜ਼ਾਹਿਰ ਕੀਤਾ ਹੈ। ਰਵੀਨਾ ਨੇ ਲਿਖਿਆ, 'ਕੋਈ ਫਰਕ ਨਹੀਂ ਪੈਂਦਾ ਜੇਕਰ ਉਹ ਲੋਕ ਜਿਨ੍ਹਾਂ ਨੇ ਸਿਰਫ 2 ਫ਼ਿਲਮਾਂ 'ਚ ਕੰਮ ਕੀਤਾ ਹੈ, ਇਸ ਇੰਡਸਟਰੀ ਦੇ ਪ੍ਰਤੀ ਸ਼ੁਕਰਗੁਜਾਰੀ ਮਹਿਸੂਸ ਨਹੀਂ ਕਰਦੇ ਹਨ ਕਿ ਉਨ੍ਹਾਂ ਨੂੰ ਇਥੇ ਕੀ-ਕੀ ਮਿਲਿਆ ਹੈ।
ਉਮੀਦ ਕਰੋ ਕਿ ਸ਼ਾਂਤੀ ਨਾਲ ਇਥੋਂ ਨਿਕਲ ਜਾਓ ਅਤੇ ਆਪਣੇ ਉਲਟੇ ਰਸਤਿਆਂ 'ਤੇ ਚੱਲਣ ਵਾਲੀ ਸੋਚ ਨੂੰ ਖੁਦ ਤੱਕ ਹੀ ਸੀਮਿਤ ਰੱਖੋ। 'ਰਵੀਨਾ ਦੇ ਟਵੀਟ ਦਾ ਬਹੁਤ ਸਾਰੇ ਲੋਕਾਂ ਨੇ ਸਮਰਥਨ ਵੀ ਕੀਤਾ ਹੈ। ਜ਼ਾਇਰਾ ਦੇ ਫ਼ਿਲਮ ਇੰਡਸਟਰੀ ਛੱਡਣ 'ਤੇ 'ਦੰਗਲ' ਫਿਲਮ ਦੇ ਡਾਇਰੈਕਟਰ ਨਿਤੀਸ਼ ਤਿਵਾਰੀ ਦਾ ਵੀ ਬਿਆਨ ਸਾਹਮਣੇ ਆਇਆ ਹੈ। ਜ਼ਾਇਰਾ ਵਸੀਮ ਦੇ ਪੋਸਟ 'ਤੇ ਹੈਰਾਨੀ ਜਤਾਉਂਦੇ ਹੋਏ 'ਦੰਗਲ' ਦੇ ਡਾਇਰੈਕਟਰ ਨੇ ਕਿਹਾ, 'ਮੈਨੂੰ ਪਤਾ ਲੱਗਾ ਕਿ ਜ਼ਾਇਰਾ ਨੇ ਇਹ ਫੈਸਲਾ ਲਿਆ ਹੈ। ਮੇਰੇ ਲਈ ਇਹ ਹੈਰਾਨ ਕਰ ਦੇਣ ਵਾਲੀ ਗੱਲ ਹੈ।
ਇਹ ਅਜਿਹੀ ਉਮੀਦ ਨਹੀਂ ਹੈ ਪਰ ਆਖਿਰ 'ਚ ਇਹ ਉਸ ਦੀ ਜ਼ਿੰਦਗੀ ਦਾ ਫੈਸਲਾ ਹੈ ਕਿ ਉਹ ਅੱਗੇ ਕਿਵੇਂ ਵਧਣਾ ਚਾਹੁੰਦੀ ਹੈ। ਹਾਂ ਸਾਨੂੰ ਜ਼ਾਇਰਾ ਦੇ ਇੰਡਸਟਰੀ ਤੋਂ ਜਾਣ ਦਾ ਦੁੱਖ ਰਹੇਗਾ, ਕਿਉਂਕਿ ਉਹ ਇਕ ਸ਼ਾਨਦਾਰ ਕਲਾਕਾਰ ਹੈ। ਦੱਸਣਯੋਗ ਹੈ ਕਿ ਜ਼ਾਇਰਾ ਨੇ ਸਾਲ 2016 'ਚ ਆਮਿਰ ਖਾਨ ਦੀ ਫਿਲਮ 'ਦੰਗਲ' ਨਾਲ ਆਪਣਾ ਬਾਲੀਵੁੱਡ ਡੈਬਿਊ ਕੀਤਾ ਸੀ। ਇਸ ਫ਼ਿਲਮ ਨੇ ਜ਼ਾਇਰਾ ਨੂੰ ਪਛਾਣ ਦਿਵਾਈ ਸੀ। ਇਸ ਫ਼ਿਲਮ 'ਚ ਆਪਣੀ ਸ਼ਾਨਦਾਰ ਅਦਾਕਾਰੀ ਲਈ ਨੈਸ਼ਨਲ ਐਵਾਰਡ ਵੀ ਜਿੱਤ ਚੁੱਕੀ ਹੈ। ਜ਼ਾਇਰਾ ਜਲਦ ਹੀ ਸੋਨਾਲੀ ਬੌਸ ਦੀ ਫ਼ਿਲਮ 'ਦਿ ਸਕਾਈ ਇਜ ਪਿੰਕ' 'ਚ ਪ੍ਰਿਯੰਕਾ ਚੋਪੜਾ ਤੇ ਫਰਹਾਨ ਅਖਤਰ ਨਾਲ ਨਜ਼ਰ ਆਵੇਗੀ।